طبعا هوة بيفرق من شخص لاخر في طريقة السواقة لكن مش اقل من 25 الف!
عرض للطباعة
طبعا هوة بيفرق من شخص لاخر في طريقة السواقة لكن مش اقل من 25 الف!
هو التوكيل ده الى هو عز العرب صح ؟؟
فعلا توكيل رخم و غبى و معندوش تحمل للمسؤوليه زى الاطفال بالظبط ...
هو كده مع بروتون بس ولا الغباوه دى برده مع بى ام دبليو و جيب و كرايسلر و دودج ؟؟
انا ناوى على شيروكى و عايز اعرف الوكيل اخباره ايه معاها ؟
طبعاً كلامك 10/10 يا استاذ احمد و يمكن حضرتك كنت شرحتلي القصه دي قبل كدا لما كلمتك و فهمتهالي كويس اوي
طب في سؤال تاني و عايزين الاجابه عليه
التيل الي راكب في العربية في الامام و الخلف من ماركه BOSCH الالمانيه
السؤال بأ جاي هل التيل دا متوفر في السوق برا و لا لا (بمعني اننا ممكن تلاقيه بسهوله عند التجار لانه اكيد بيركب علي ماركات تانيه من العربيات ) ؟؟؟؟
فلو الاجابه طلعت "نعم " متوفر عند التجار بالخارج طب ما القصه بسيطه يا استاذ احمد ممكن نشتريه و نترحم من قصه الفرز الاول و العاشر و الكلام دا و لا ايه رايك ؟؟؟
ياريت تشاركني في وجه النظر دي
مش عارف اقول ايه الصراحه . الله يكون فى عونكم
الموضوع ده مش حيخلص الى على ايد المهندس امر
الحاجه التانيه ماتدفعوش فلوس نهائى عن تصليح العيوب ديه .. ديه عيوب صناعه و الضمان بيغطيها .
استهلاك البنزين للبيرسونا بشكل مؤكد ان شاء الله الاستهلاك حيتظبط فى صيانه ال5000 كيلو .
فعلا حاجه تحير التوكيل بجد فى ناس محترمه جدل و كتير , بس مع كده فى اخطاء كتير .!!
والله يااستاذ احمد كلامك قلقنى جدااا يعنى العربيه فرز عاشر وقطع غيارها هتكون اسوء
:stink[1]: ربنا يعوض علينا
طيب ايه الحل هل ممكن نشترى تيل فرامل من نوع مختلف ويكون انظف ؟
ومشكورر جداا لمعاونتك وانا والدى بيحترم رئيك جداا لانه دائم الاطلاع على المواضيع فى بروتون مشكور مره اخرى
هية مش طريقة سواقة غلط..بس الي بيمشي مثلا على 80 اخره لو فرمل مش حيبقة فيه احتكاك كبير فبالتالي التيل يطول معاه..غير اللي غاوي يجر يجري وفجأة يهدي وهكذااقتباس:
وطريقة السواقة الغلط اللى تأثر عالتيل ايه؟.
فرز عاشر؟!!!
يا ساتر يا رب
موش هقول أكتر من كدة.
إسمحلى أخى العزيز أحمد إنى أختلف معاك فى النقطة دى لأنى شفت عربيات بروتون فى ماليزيا و بلاد أخرى و كلها كانت زى اللى بتنزل مصر تماما دون أى إختلافات فى جودة الخامات أو التصنيع أو التفيل و بالمناسبة تقدر تبص على كارت المواصفات المعدنى الموجود على الباب الأمامى ناحية السائق هاتلاقى إن السيارة بمواصفات خليجى و مطابقة لمواصفات الإتحاد الأوربى المشكلة كلها فى قطع الغيار و اللى لو لاحظتوا كلكم هاتلاقوا القطع الأصلية منها اللى موجودة فى العربية ذات جودة عالية المشكلة كلها فيما يقوم الوكيل بإستيراده و ما أقدرش أفتى و أقول إنه بيسترخص علشان يكسب على قفانا لأنى ما اعرفش إيه سبب الإصرار على قطع غيار فيها مشاكل و للعلم فى ماليزيا يوجد مئات الموردين لقطع غيار بروتون بس مش كلهم معتمدين كموردين قطع غيار أصلية للشركة و برده فى ناس بتضرب قطع غيار تحت السلم المشكلة بقى فى اللى بيستورد بيجيب منين بالضبط و أنا كنت قابلت مندوبين بروتون اللى كانوا فى التوكيل فى شهر 7 اللى فات و كانوا عملوا مراجعة على عربيتى علشان يشوفوا تأثير الطرق المصرية على العفشة لأنهم بيعملوا تطوير و تعديلات عليها لتلائم مثل هذه الطرق :U_thin1[1]:
أنا شايف إن أى حد بيشتكى من حاجة يصر إن التوكيل يصلحهالوا ما دامت فى الضمان و ربنا يبارك للجميع و تتحل كل مشاكلهم :Copy of majd(4):
على حد علمى هو موش موجود بره و اعتقد سعره لو التوكيل وفره هايبقى فى حدود 700 : 900 جــم و ده طبعا كلام غير مقبول بالمرةاقتباس:
طب في سؤال تاني و عايزين الاجابه عليه
التيل الي راكب في العربية في الامام و الخلف من ماركه Bosch الالمانيه
السؤال بأ جاي هل التيل دا متوفر في السوق برا و لا لا (بمعني اننا ممكن تلاقيه بسهوله عند التجار لانه اكيد بيركب علي ماركات تانيه من العربيات ) ؟؟؟؟
اخى الفاضل ابو عبد الرحمن
انا عندى قناعة تامة انه من المستحيل تماما تكون العربية اللى عندنا دى هى نفس العربية اللى بتنزل فى انجلترا و استراليا
موش ممكن يكون عيب زيى ماكينة الزجاج و التقفيل و التزييق و علبة الدركسيون و الحدفة اليمين و المالتى فنكشن و تيل الفرامل و الطنابير .... الخ ويكون فى موديلات العربية من اول 2006 الى 2009 بنفس الطريقة و تنزل بلد زيى انجلترا و تفضل تتباع لحد النهاردة ده كلام موش معقول .
حاجة تانية انا فاكر كويس اوى ان عربيتى مو2008 اشتريتها بـ 90000 كاملة اوتو و نفس العربية فى بريطانيا كانت بـ 10000 استرلينى و ايامها الاسترلينى كان بـ 11 جنيه يعنى العربية ثمنها 111000 جنيه مصرى هل يعقل انها فى بريطانيا اغلى من هنا الا اذا كان فى فرق فى التجهيز ده انا باتكلم فقط على السعر مادخلتش لسه فى المواصفة بتاعة الجودة .
امر تانى برضه علشان مانظلمش التوكيل
هو بيجيب قطع الغيار اللى بتحددها و بتبعتها الشركة الام فى ماليزيا و سيادتك عارف انه الخبراء المالزيين فى زيارتهم المتعددة لمصر و الدورية بيعملوا فحص على مخازن قطع الغيار للتاكد من انها نفس قطع الغيار اللى بيبعتوها
لا موش للدرجة يا اختى الفاضلة ممكن يكون التعبير خانى شوية بس ده علشان انا زعلان من ان عربية حلوة اوى زيها بتنزل بمستوى اقل من الخارج على الرغم من انها مستوردة من نفس البلداقتباس:
والله يااستاذ احمد كلامك قلقنى جدااا يعنى العربيه فرز عاشر وقطع غيارها هتكون اسوء
ربنا يعوض علينا
طيب ايه الحل هل ممكن نشترى تيل فرامل من نوع مختلف ويكون انظف ؟
ومشكورر جداا لمعاونتك وانا والدى بيحترم رئيك جداا لانه دائم الاطلاع على المواضيع فى بروتون مشكور مره اخرى
موضوع تيل تانى ده ممكن تجربى التيل اللى هايبقى متوافر فى التوكيل حاليا و اعتقد انه بنسبة كبيرة اوى هايبقى افضل من القديم الموجود حاليا انا عن نفسى ان شاء الله لما اجى اغيره هابقى اجيب اللى فى التوكيل اذا سمعت عنه كلام كويس