أجرة الميكانيكي ... بناء علي ماذا تحدد ؟

**lancerevolution** · 24-03-2009 01:20 AM

الدوك نضف التيل بتاع الفرامل و بص على البوجيهات ز الكوبلن و خد 10 جندى

**karimone** · 24-03-2009 11:03 AM

المشاركة الأصلية كتبت بواسطة aymoonoo

أنا لسا مغير فلتر زيت وزيت وفلتر بنزين وسلك بتاع البنزين الي اسمو سلك سلكسيه ولا مش عارف ايه خد مني 20 جنيه هل ده كويس ؟؟انا مسلغيه الصراحه ؟

اعتقد ان كده معقول...

**aymoonoo** · 08-04-2009 03:57 AM

انا رايح عند الميكانيكي عشان يكشف عالتيل لو عايز يتغير ولا لأ وانزل اجبلو سير كاتينه وا دينامو لو عايزين يتغيرو فعايز اعرف اديلو كام 20 جنيه كفايه؟

**aYaBooY** · 08-04-2009 12:05 PM

المشاركة الأصلية كتبت بواسطة aymoonoo

انا رايح عند الميكانيكي عشان يكشف عالتيل لو عايز يتغير ولا لأ وانزل اجبلو سير كاتينه وا دينامو لو عايزين يتغيرو فعايز اعرف اديلو كام 20 جنيه كفايه؟

سير الكاتينة بيتغير بالكيلومتر مش بالنظر و لو حضرتك مغيرتهوش من يوم ما جبت العربية يبقي تغيرة و تسجل قراية العداد علشان تعرف تغيرة تاني امتى
و الموضوع ده اعتقد تديلة 30 و يبص على التيل الخلفي و ينظفة و ديه مش شغلانة و سير الدينامو برده مش شغلانة فاعتقد 30 او 35 كويس علشان سير الكاتينة هوا الي محتاج صنيعي كويس

**Abdo_Eldesokey** · 08-04-2009 04:48 PM

أنا جربت ميكانيكية كتير بس كلهم ماشي معاهم على نظام واحد ... الي يطلبه بديهوله ... ده بيخليه يحبك ويستريحلك ويديك أحلى شغل في العربية ...

هين قرشك ولا تهين نفسك

بس طبعا ً في المعقول ، يعني مثلا ً آخر مرة كنت عند الميكانيكي واحد بيتخانق معاه على 5 جنيه ... هتخليه يكرهك على كلام فاضي

**ramyiar** · 08-04-2009 06:02 PM

انا معاك
طالما في المعقول مبفصلشي مع المكانيكي علشان اخلية راضي و اقدر اخنق علية في الشغل و يديني الي انا عوزة

**ameen_ra** · 09-04-2009 08:29 PM

تقدير المصنعيه بقدر جهل الزبون بالشيء...كلما زاد الجهل ارتفع السعر

**lancerevolution** · 10-04-2009 10:01 AM

المشاركة الأصلية كتبت بواسطة ameen_ra

تقدير المصنعيه بقدر جهل الزبون بالشيء...كلما زاد الجهل ارتفع السعر

حلوة دى جدا

**juba8** · 11-04-2009 04:03 PM

على حسب شخصيه الميكانيكى
لو واد كويس ..مش هتفرق معاه الزبون عارف ولا جاهل
لو لبط ..وده الاكثر ..هتفرق
على حسب جهل الزبون ودخلتك عليه ..دخله افنديه ولا

هل انت زبونه ولا لا

**aymoonoo** · 11-04-2009 08:33 PM

انا دفعت للميكانيكي 60 عشان غيرلي الدنابير التيل من قدام وغير سير الكتينه والدينامو والتكييف بس برضو فالحسبان انه كل واحد فكك وركب مرتين الكتينه والتكييف والدينامو عشان القياسات مكانتش صح يعني كل واحد ركبه من تاني مره دانا اتقرفت من الوقت الي خده ايه رايكم 60 كويس؟