مبدئيا ما تقلقش
انا سالت مدير السنترال والكلام كالاتى
منطقتك مش هيتغير فيها الكابل
فيه منطقة تانية الكابل هيتغير من نحاس لفيبر
بس برده المشتركين هبفضل عندهم DSL
لو اى استفسار انا فى الخدمة
اهم حاجة نشوفك على النت
مبدئيا ما تقلقش
انا سالت مدير السنترال والكلام كالاتى
منطقتك مش هيتغير فيها الكابل
فيه منطقة تانية الكابل هيتغير من نحاس لفيبر
بس برده المشتركين هبفضل عندهم DSL
لو اى استفسار انا فى الخدمة
اهم حاجة نشوفك على النت
طب إزاي المنطقه اللي هاتتغير لخطوط فايبر هايفضل الناس فيها برده مشتركين في Dsl ?
أنا كمان علي فكره عندي خط تليفون فايبر للأسف وفشلت في إدخال النت ):
عزيزى لا داعى للقلق ابدا من الواضح انه هناك خلط فى المسميات بين الخطوط الهوائيه التى لا تدعم خدمه الـ ADSL و خطوط الفايبر التى تدعم و اكثر كفائه مئات المرات لهذه الخدمه انا اعمل بأحدى الشركات الكبرى و خطوط التغذيه و السنترال الداخلى لدى الشركه و فروعها بمختلف المحافظات و حتى الشركه الام خارج مصر تم استبدالها بالكامل بشبكه من الالياف الضوئيه (( الفايبر)) و تعمل لدينا خدمه الــ ADSL على سرعات عاليه جدا و بدون انقطاع او اى مشاكل تماما و اكبر دليل على هذا خطوط الربط الدوليه القادمه من اوربا و التى تم قطعها مؤخرا و تسببت فى قطع الانترنت عن مصر كلها بالكامل مصنعه من الالياف الضوئيه و هذا الكلام على مسئوليتى الشخصية
ياجماعه انتو لسه بتتكلمو على خطوط التليفون ؟؟
ان شاء الله كمان سنين بالكتير اوى مش هتلاقو حد داخل من خط التليفون خالص
فى تكنولوجيا جديده اسمها "واى ماكس" دى ان شاء الله هتغنى نهائي عن وصول خدمة الانترنت عن طريق خط التليفون لأسباب كتيرة :
1 - ممكن توصل لسرعات أكتر من السرعات الل ممكن يتحملها السنترال وخط التليفون
2 - كفائه اعلى فى الاستخدام
3- بتغطى مساحات كبيرة ممكن توصل ل 60 كيلو متر للبرج الواحد
4- النت هيكون معاك فى اى مكان تروحه (طالما انك داخل من الجهاز الكمبيوتر الل انت مشترك منه )
5- هيكون أسعاره اقل لأن تكليف تشغليه هتكون أقل بكتير ( ملاحظه: فى فرق بين تكلفة التشغيل وتكلفة التصنيع)
وعلى فكره الواى ماكس شغال فى السعوديه حاليا من كام شهر
الفايبر اوبتيكال حاجة والفايبر اللى بيركبوة على خطوط التليفونات دة حاجة تانية معرفش بيتكون من اية الصراحة
لكن فى ناس اصحابى من المعادى مش عارفين يدخلو نت بسبب خطوط التليفون الفايبر دى خالص
والأتنين دول غير الهوائى لأن التليفون الهوائى شغال من غير كابلات اصلا
والواى ماكس دى ما هيا الا تقنية للوايرلس زيها زى الوايرلس العادى بس بتغطى مساحات كبيرة جدا
فمعنى ان الناس كلها تدخل انترنت من برج واى ماكس واحد كأنهم كلهم مشتركين فى خط انترنت واحد ، وهيا موجودة فى مصر بالفعل وناس كتير عاملاها لكن لسة مش مصرح بيها من الحكومة
دة على قد معلوماتى ولو فيها حاجة غلط يا ريت حد يوضح
ولو حد يعرف برضو خطوط التليفون الفايبر دى اية ظروفها يا ريت يفهمنا