منا سالت و قدمت طلب وعملت البدع وفالاخر اسفين مفيش كابلات نحاس فاضيه:M_yes[1]:
على حسب معلوماتي الضعيفة ان الواي ماكس شغال حاليا في الاقصر وشرم بس لسة تحت التجربة و اللي مركباه شركة تي اي داتا وهو شغال بيوزرنيم وباسوورد هي اللي بتحدد سرعة المشترك
والانتنا اللي في الاقصر وشرم بتغطي 50كم مربع تقريبا
للمعلومات العامة الواي ماكس ليه نوعين استقبال ممكن يتلقط بكارت الوايرلس بتاع اي لابتوب او جهاز عادي وممكن يتركب عند المشترك جهاز استقبال (انتنا صغيرة) بيعمل في نفس الوقت كهجاز ارسال للمشترك يعني الانتنا بتاعة المشترك بتستقبل من الانتنا بتعة الشركة و بتدي للمشترك وصلات سلكية ولاسلكية
موضوع الماك ادريس دا مش عارف اذا كان صحيح ولا غلط بس معلوماتي بتقول انه بيوزر نيم وباسوورد وموضوع الجيلين بتوع الواي ماكس ياريت حد يشرحلي الفرق بين الجيلين عشان دورت على النت عشان افهم وملقتش
هو اللي بيحصل ان عامل الارضية بيتكرم و يتعطف و يشوف لحضرتك خط نحاس يكون صاحبه مش مشترك دي اس ال يعني مش فارق معاه فايبر ولا نحاس ويعكس خطك مع خطه (مع احتفاظ كل واحد برقمه) بس طبعا الموضوع دا بعد الرشوة
وبما ان الرشوة حرام الا في حالة الضرورة القصوى يبقى حضرتك حددي لنفسك لو شايفة ان الانترنت حاجة ملحة و ضرورة وانك مضطرة تدفعي الرشوة دي عشان حاجة مهمة يبقى تسالي مين عامل الارضية بتاع المنطقة عندك وهو دا اللي هيخلصلك كل حاجة اما لو الانترنت مش حاجة ملحة يبقى بلاش احسن
كلام حضرتك مظبوط لحد كبير وممكن اضيف ليه بعض المعلومات ان الشركتين الموجودين فى خليج نعمه فى شرم و الاقصرهما تى اى داتا وايجي نت بمنحه أمريكيه لتحسين وتوسيع مجال الاتصال بالانترنت فى المناطق السياحيه
يعنى الل شغال دلؤتى ده مش شغال بصفه تجاريه ( يعنى مش المقصود بيه المستخدم العادى ) أد ما هو موجه بشكل خاص للسياح وعشان كده بتلاقى اسعاره عاليه جدا
بخصوص استخدامه تجاريا مش عارف وزارة الاتصالات وتكنولوجيا المعلومات وفقت على منح التراخيص لاستخدام تكنولوجيا الواى ماكس ولا لسه (طبعا ملناش دعوه بشرم و الاقصر عشان دول مناطق سياحيه وليهم حسابات تانيه )
واعتقد اننا هنشوف قريب تكنولوجيا الواى ماكس فى مصر قريب جدا لأكتر من سبب :
1- وصول المدير العام لشركة انتيل العالميه مصر من فتره صغيرة وتركيزه بشكل اساسى على التعاقد مع شركات مصريه لبناء وتطوير شبكات الواى ماكس وكلنا لاحظنا ان تركيزه الاساسي في الموضوع دا بالذات فى مصر أكتر من تكنولوجيا البي سي نفسها
2- الصراع بين أكتر من شركه داخل مصر للحصول على الترخيص زي واى اوت وتى اى داتا ولينك طبعا عشان عرفين ان دا هيكون المستقبل
3- هتقلل التكاليف الل بتدفعها الشركات للربط
4- هيكون التعامل مع المستخدمين اسهل واسرع
5-هيبعدو عن خطوط التليفون وقرف السنترالات
6- هتقدر تقدم سرعات أعلى من الل موجوده دلؤتي
7-هتقدر الشركات فى الحاله دى انها تقضي على ظاهرة الشبكات الل مش موجوده غير فى مصر بس (عشرين واحد على خط 512) :M_yes[1]:
المشاكل الل واقفه ؤدام الواى ماكس
1- اول حاجة شركات الموبيلات الل لسه واخده ترخيص الجيل التالت من فتره قصيرة ودافعين فيه فلوس ولسه ملموهاش من وراه عشان زى ما احنا عارفين الواى ماكس هتضرب الدخول على النت عن طريق خطوط الجيل التالت فى مقتل
2- ايه هيكون مصير ال 8 شركات الموجودين دلؤتى فى مجال تقديم خدمة الانترنت فى مصر وخلى بالك ان كل شركه من دول بتدفع للمصريه للسنترلات مبالغ مش قليله نظير الباندوتس الل وصلها واستخدام السنترالات دا غير الرسوم الاداريه الل بتتحصل على كل بورت
3- نظرية العرض والطلب يعنى لو ال 8 شركات اشتغلو هيبقى المعروض كتير على الطلب مع العلم ان تكاليف شبكات الواى ماكس مش قليله وكل شركه هتبقى عايزه تلم الل دفعته فى أقرب وقت وان كنت أعتقد ان أكتر من تلتين الشركات الموجوده دلؤتى متقدرش تدخل فى موضوع الواى ماكس على ما اعتقد
اعتقد لو الواى ماكس ابتدا تجاريا فعلا فى مصر موضوع اليوزر نيم والباسورد هيكون استحاله يتطبق حتى لو كان شغال فى العالم كله لازم فى مصرهيبقى بالماك ادريس عشان لو من غير الماك ادريس هتلاقى كل الف مشتركين مشتركين فى يوزر نيم وباس واحد هههههههههه :M_yes[1]: وكأنك يا ابو زيد ما غزيت
لما نشوف هيعملو ايه وهينزلوها امتى وهنستى بعد ما ينزلوها فتره على ما يرخصوها والوضع هيبقى عامل ازاى
وبعدين متنساش ان الشبكتين الل شغلين دلؤتى 3.5 هيرتز يعنى قريبين جدا من الواى فاى مش 40 او 50
الخدمة تحت التجربة زي ما انا قلت وممكن اللي عايز يستفسر اكتر يتصل ب 19777 يقولولو الخدمة هتدخل منطقته امتى
بخصوص اليوزر والباسوورد في حاجة اسمها multi session دي لو اتقفلت يبقى مفيش غير شخص واحد بس هو اللي يقدر يدخل باليوزر و الباسوورد في نفس الوقت وهو دا اللي بتعمله شركات الانترنت
الخدمة تي اي داتا بدات تجربها في منطقة اوسيم بس الواي ماكس الموجود في مصر لسة شغال في مدى 3.4GHZ-3.8GHZ ودا اسمه PriWiMax
معلومة مهمة الواي ماكس اصلا هيبقى مستقبلا بديل لكل حاجة للانترنت و شبكات التليفزيون والراديو و شبكات الموبايل كلها مستقبلا ان شاء الله هتعتمد على الواي ماكس كبديل ارخص