السلام عليكم
من حوالى اسبوعين تقريبا انقطعت الحرارة عن تليفونى فى المنزل وطبعا انقطعت خدمة الانترنت
تانى يوم كلمت السنترال وبلغت الاعطال
قالولى ان حصل انقطاع فى الكابل الارضى اللى بيغذى المنطقه كلها
وفعلا لقيت كل جيرانى وكل المحلات اللى حوالينا ماعندهمش حرارة
طبعا السنترال قال ان المشكله هتتحل فى خلال 72 ساعه
بعد 3 ايام لم يتم التصليح طبعا كلمت شركة الانترنت وطلبت منهم ايقاف خدمة الانترنت مؤقتا
وعملت شكوى فى الجهاز القومى لتنظيم الاتصالات
قالى انهم هيبحثو فى الشكوى فى خلال 15 يوم ويردو عليا
طبعا وبعد مرور اسبوعين اكتشفنا اشاعة بتتقال بين الناس وهى كالاتى
سنترال المقطم بيقوم بعمليه احلال لشبكة التليفونات القديمه
وهيستبدلوها بشبكة جديده اسمها فايبر اونو
وهى على اسلاك مصنوعة من الفايبر او الالياف الضوئيه
وطبعا الفايبر ده لايدعم خدمة الانترنت
طيب ايه الحل فى كل اللى مشتركين فى خدمة الانترنت زى حالاتى
وازاى السنترال ممكن ياخد خطوة زى دى من غير مايبعت اى حاجه للعملاء تفهمهم الامر
ياريت اللى عنده اى معلومه عن خطوط التليفون الفايبر اونو يقولنا