| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 12

  1. #1

    الصورة الرمزية sheeko00

    رقم العضوية : 31534

    تاريخ التسجيل : 29Jan2009

    المشاركات : 184

    النوع : ذكر

    الاقامة : cairo

    السيارة: nissan sunny

    السيارة[2]: fiat 132 2000

    الحالة : sheeko00 غير متواجد حالياً

    Cool سوق الجمعة تجارب وملاحظات - Facebook Twitter whatsapp انشر الموضوع فى :

    hasad">

    السلام عليكم
    حبيت نعمل موضوع يهمنا كلنا ونشارك فية مع بعض حتى نكون على دراية بالسوق واسعار السيارات المستعملة وفروق الاسعار وتعمدت الكتابة باللغة العامية حتى يكون الكلام بالبلدى كدة بلغة السوق وياريت الى عندو معلومة ميبخلش بيها مهما كانت صغيرة وكمان هنعمل قاموس للمصطلحات السوقية للسيارت فهتلاقى واحد يقولك العربية دى الفايدة فيها كام او فايدتها اية ودة معناه سعرها اية وتلاقى واحد تانى يقلك العربية دى رشة نضافة بس يعنى العربية دواخلها فبريكة وتلاقى واحد كمان يقلك العربية دى متحزمة يعنى رشة اكصدمات بس من الركنة وطبعا ممكن يكون الاكصدام مكسور من خبطة ويقلك ببوية الشركة او الاستبن لسة منزلش يعنى فبريكة برة وجوة ويقلك الميزة فالعربية دى انك تخدها كدة وتروح تسجل بكرة علطول يعنى رخصتها باسم المالك ومفهاش توكيلات والكلام دة كلو طبعا فى حاة صدق التجار وتعرف من الى يقلك الالفاظ دى انو تاجر علطول وفى الغالب من الى شوفتو مش كلهم صادقين بس طبعا هتلاقى ناس كويسة برضو ولكن قلة وحاول تتكلم بلغتهم عشان متتغلبش وحاول قبل ماتنزل تجمع اكتر المعلومات عن العربية الى انت اختارتها والفروق بين موديلاتها عشان تعرف تفاصل وخلى بالك من نوع العربية مانيوال ولا اتوماتيك عشان السعر وكمالياتها

    انا ياجماعة كنت هناك لمدة 3 اسابيع متتالية ودى تجربتى:
    ومن اول اسبوع لحد دلوقتى فروق الاسعار متقاربة ولكن من الملاحظ ان السيارات ذات الموديل القديم نسبيا انخفض سعرها بشكل ملحوظ (من موديل 90:70)
    مثلا فيات 132 بدلا من 25 و 20 الف الى (14و15و16و17) وال 128 من 20 الى 10و12و15 الخ اما السيارات الى موديلها من 95 الى 2003 فسعرها على مزاج صاحبها بين البنين فى عارض عالى وفى منخفض مثلا نيسان صنى موديل 2003 او 2002 بتعمل النظيفة منها من 52 الى 66 على حسب الكامليات ومانيوال ولا اتو ماتيك رغم ان نفس العربية لحد موديل 2006 بتعمل نفس السعر والحجة ان دى تقفيل يابانى لحد 2003 والباقى مصرى حتى الان رغم ان النيسان صنى لحد 2003 1300 سىسى ومن 2004 الشكل اتغير وزودو فى 2005 الموتور ل 1600 وبنفس السعر وده طبعا لان معظم الى فالسوق تجار فبيتفقو على السعر ويثبتوة ودى الخبرة الى اخدتها مع تكرار نزولى فحفظت شكل التجار وفهمت اتفاقتهم وكمان بيروحو يلفو على العربيات الجديدة فالسوق ويفطسو سعرها ويطلعو فيها عيوب عشان الزبون ميحسش بسعرها المميز وكمان يتفقو هما على سعر عربياتهم عشان يثبتو السعر وكمان يلفو على بعض ويعملو نفسهم زباين وعجبتهم العربية عشان تحلو فعنيك وتجرى وتشتريها انت قبلهم وممكن الى بيبعهالك يقلك الى جاى دة تاجر ونا هقولو اتباعت ومش هعرفو سعرها كام وهما متفقين اساسا وكمان عندك الناصبين وتلاقى معاهم توكيلات كتير والعربية مش باسمهم واسمائهم مش موجودة حتى فالتوكيلات وباين عليهم ماجرين العربية لمدة يوم وضاربين ورق التوكيلات عالكمبيوتر ويروح الضحية ويقولك ممكن لحد خمس توكيلات واكتر كمان واهم شئ العقدالابتدائى ودة كلام خاطئ لان التوكيلات ميزدش عددها عن 3
    ولازم تكون مسلسلة ومترخة ومختومة ومستوفية البياتات وكمان يكون فى اخر توكيل اسم الشخص الى بيبعلك العربية سواء كان المعرض او الشخص نفسو والتجار يضحكو عليك ويقولك احنا مسجلناش باسمنا عشان متزيدش التوكيلات للكن دى عربيتنا وهو عارضها بس فاحرص على التاكد من وجود صاحب العربية ذاتة سواء كان التاجر او غيرو المهم وجودة وتجيل نفس الاسم باخر توكيل او بالعقد المسجل فى العقد الابتدائى لانهم بيتوهوك ويسجلو اسم واحد اسمو مش فعقود البيع ولا التوكيلات اساسا , تبقى العربية مرشوشة ويقولك دى فبريكة ياباشا ونا صاحبها وعارف كل مسمار فيها وهو مجرد سمسار عارضها وكمان فالعربيات الجديدة بيشيلو البطارية الجافة ويغيرو الكاوتش وممكن يشيلو من العدة بتاعت العربية فخلى بالك وكمان احيانا ميدكش نسختين المفتاح الماستر لان العربية بيكون عليها حظر والنسخة التانية بالبنك او تلاقية مطلع نسخة غير المستر ودة طبعا مش مع كل الناس ولا كل التجار ولكنى انبهكم عن الاسوء لتعم الفائدة وحرص ولاتخون ومنعا للمشاكل حاول شراء سيارة وتكون رخصتها باسم المالك دون توكيلات واسال عن التامين لانو بيفرق فالسعرومتستعجلش لانو كلو بيعرض الصبح من الساعة 8 والناس تلف لحد بعد الصلاة دون اتخاذ اى قرار للشراء وبعدين تلاقيهم بعد الصلاة كل واحد بدا يحد فزهنو فكرة عن الاسعار وعن اماكن العربيات النظيفة وبعدين بعد صلاة العصر كلو بيبتدى ينفذ ويفاصل والعربية الى بتقعد بعد العصر كتير حاجة من اتنين لاما ملهاش نصيب تتباع الاسبوع دة لاما تاجر مرقدلها عشان ينتهز فرصة ان صاحبها زهق من كتر الانتظار وتعب من المجادلة طول النهار ودة طبعا بعد ما بعتلو ميت واحد فطسولو العربية وطلعولو فيها ميت عيب وحسسوه انها خردة فيشتريها هو بقى باقل سعر لان دة افضل وقت للشراء لكن كل الى بيشترى الصبح بدرى بيكون استعجلالصبح لف واتفرج بس ولو هتعرض عربيتك للبيع كل لما تيجى بدرى يكون احسن عشان تعرف تختار المكان المميز والمناسب الى تعرف تبيع فية عربيتك لان التجار بيكونو حاجزين اماكن ليهم من بدرى وربنا معاكم ودى كانت ملخص تجربتى
    وارجو الاطلاع على اللينكات التالية :
    http://www.nilemotors.net/Nile/showthread.php?t=22454
    http://www.nilemotors.net/Nile/showthread.php?t=20244
    http://www.nilemotors.net/Nile/showthread.php?t=7609
    http://www.nilemotors.net/Nile/showthread.php?t=32460
    http://www.nilemotors.net/Nile/showthread.php?t=7608



    اسف على الاطالة واتمنى الافادة تحياتى
    sheeko00


  2. #2

    الصورة الرمزية SmartMega

    رقم العضوية : 19851

    تاريخ التسجيل : 22Sep2008

    المشاركات : 289

    النوع : ذكر

    الاقامة : cairo. wadi hof

    السيارة: Fiat 128

    السيارة[2]: Punto

    الحالة : SmartMega غير متواجد حالياً

    افتراضي -

    الف شكر ليك يا أستاذ شيكو علي المعلومات القيمه دي واللي فعلا مهمه والف شكر علي مجهودك واللي قدرت تفيدني بيه


  3. #3

    الصورة الرمزية sheeko00

    رقم العضوية : 31534

    تاريخ التسجيل : 29Jan2009

    المشاركات : 184

    النوع : ذكر

    الاقامة : cairo

    السيارة: nissan sunny

    السيارة[2]: fiat 132 2000

    الحالة : sheeko00 غير متواجد حالياً

    افتراضي -

    الف شكر لمشاركتك
    وردا على مشاركة ركود سوق الجمعة

    العرض كتير والطلب كتير فالسوق فتلاقى العربيات القديمة من نصيب الناس الى مكنش عندهم عربيات خالص وللطلبة كمان وتلاقى المتوسطة لاصحاب القديم الى بيجددو والى فو 2003 تلاقى المعظم عاوز يشترية بس اللعب فية كتير فتوكيلات وحظر وحوادث بسبب الايجار وخلافو وكمان لتقارب السعر من الجديد الى اصحابو اشتروة قسط وعاوزين يبيعوة كاش ومن غير اى خسارة ومن هنا ييجى الركود وكمان لان الناس كلها فاكرة ان العربيات كلها رخصت فيلاقى الزيرو نزل من 2000 الى 4000 والقديم اوى هو اى نزل جامد من 7000 اى 15000 والى فى النص عايم على حسب البايع


  4. #4

    الصورة الرمزية sheeko00

    رقم العضوية : 31534

    تاريخ التسجيل : 29Jan2009

    المشاركات : 184

    النوع : ذكر

    الاقامة : cairo

    السيارة: nissan sunny

    السيارة[2]: fiat 132 2000

    الحالة : sheeko00 غير متواجد حالياً

    Wink -

    ومتنسوش دعاء دخول السوق وصلاة الاستخارة وطبعا حرصو على فلوسكو واهتمو بالاوراق والاجراءات جدا ومتنساش انت بتشترى عربية مش بدلة بالرغم من ان البدلة بتلف عشان تشتريها وتلاقى الى تعجبك برضو فمتستعجلش وكل متستنى لمصلحتك فالعربيات بترخص وحتى لو مرخصتش فسعرها هيثبت بس مش هيغلى حتى لو اجرت عربية تقدى بيها مشاويرك لمدة شهر عقبال لما تشترى والله الموفق


  5. #5

    الصورة الرمزية faroukahafeez

    رقم العضوية : 29362

    تاريخ التسجيل : 06Jan2009

    المشاركات : 681

    النوع : ذكر

    الاقامة : Nasr City - Cairo

    السيارة: Lanos

    السيارة[2]: Corlloa

    دراجة بخارية: no

    الحالة : faroukahafeez غير متواجد حالياً

    افتراضي -

    شكراً على المعلومات القيمة

    انا ساكن فعلاً قريب امام السوق الناحية الثانية ساعات اصلى الجمعة وابص على السوق والعربيات

    فعلاً معظمهم تجار وواقفين مستنين العربيات من اقدم بنزينة وطنية وكل العربيات اللى معيدة يقولك هتبيع هتبيع

    عايز يلاقى فريسة لا حول ولا قوة لها يخسف بثمن العربية الارض ويبيعها بسعر عالى بعد كدة

    كمان فيه خناقات بسب موضوع التوكيلات دة علشان فية لعب كبير ويا ريت محدش يشترى غير من المالك على طول بدون توكيلات وتريح دامغك والشهر العقارى اقدمك على طول

    وممكن تشكف على العربية فى بنزينة وطنية بجوار السوق
    ومتصدقتش حد انت اتأكد بنفسك او يكون معاك فاهم وواثق فية


  6. #6

    الصورة الرمزية elhoda

    رقم العضوية : 29306

    تاريخ التسجيل : 06Jan2009

    المشاركات : 93

    النوع : ذكر

    الاقامة : EGYPT

    السيارة: الله المستعان

    السيارة[2]: الله المستعان

    الحالة : elhoda غير متواجد حالياً

    افتراضي -

    اقتباس المشاركة الأصلية كتبت بواسطة faroukahafeez مشاهدة المشاركة
    شكراً على المعلومات القيمة

    انا ساكن فعلاً قريب امام السوق الناحية الثانية ساعات اصلى الجمعة وابص على السوق والعربيات

    فعلاً معظمهم تجار وواقفين مستنين العربيات من اقدم بنزينة وطنية وكل العربيات اللى معيدة يقولك هتبيع هتبيع

    عايز يلاقى فريسة لا حول ولا قوة لها يخسف بثمن العربية الارض ويبيعها بسعر عالى بعد كدة

    كمان فيه خناقات بسب موضوع التوكيلات دة علشان فية لعب كبير ويا ريت محدش يشترى غير من المالك على طول بدون توكيلات وتريح دامغك والشهر العقارى اقدمك على طول

    وممكن تشكف على العربية فى بنزينة وطنية بجوار السوق
    ومتصدقتش حد انت اتأكد بنفسك او يكون معاك فاهم وواثق فية
    لو سمحت يا اخى تقول لى اكشف فى البنزينة الزاى هو فى هناك ناس بتكشف على السيارات خبرة يعنى ومش هيأكلونى للتاجر


  7. #7

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    التاجر بيستعمل لفظ ورقة بد ل كلمة توكيل
    يعنى يقولك فيها كام ورقة
    التانى : عايز تأمن نفسك من التوكيل المضروب
    لو اخر توكيل
    تروح تعمل عقدك فى الشهر العقارى اللى طالع منه التوكيل
    لان ساعتها المفروض موظفين الشهر بيستخرجوا التوكيل من الدفتر عندهم ولو فيه حاجة ملعوب فيها هتبان
    كمان
    يفضل انك تاخد بيانات النمر والشاسيه والموتور واسم المالك وتعمل
    تسال فى المرور على اسم المالك وعليها حظر بيع ولا لا : يا اما تروح لقائد الوحدة وتقوله انك هتشتريها وعايز تتاكد من بيانتها منعا ان يكون فيه لعب في ورقها او تزوير او موظف الكمبيوتر وده تقبضه او ممكن حد يجيبلك الملف
    تسال فى التوكيل لو هيا موديل قريب على تاريخها ايه : يعنى بتعمل صيانات فى الميعاد ولا لا ، اللى شاريها اسمه ايه ، اتباعت امتى
    فيه توكيلات محترمة ممكن تديك البان بالتليفون وحصلت معايا فى مودرن موتورز
    كنت هشترى سوزوكى التو والبياع وكان صاحبها اول يد قالى دى خليجى ، خدت نمرة الشاسيه وسالت فى التوكيل طلعت مصرى
    طبعا هوة مش بيعمل صيانات دورية توفيرا للفلوس ، وكمان هيا مخبوطة فممكن تكون الخبطو اثرت على حاجة فطلعتها من الضمان

    A.Saad


  8. #8

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    وعلى فكرة كمان ساعات العربيات اللى عليها حظر بيع يتعمل لها رخصة بدل فاقد وترشى موظف المرور انه يشيل الحظر من الرخصة بدل الفاقد وتتباع لك عادى
    لكن لو سالت فى المرور عنها هيبان

    A.Saad


  9. #9

    الصورة الرمزية faroukahafeez

    رقم العضوية : 29362

    تاريخ التسجيل : 06Jan2009

    المشاركات : 681

    النوع : ذكر

    الاقامة : Nasr City - Cairo

    السيارة: Lanos

    السيارة[2]: Corlloa

    دراجة بخارية: no

    الحالة : faroukahafeez غير متواجد حالياً

    افتراضي -

    اقتباس المشاركة الأصلية كتبت بواسطة elhoda مشاهدة المشاركة
    لو سمحت يا اخى تقول لى اكشف فى البنزينة الزاى هو فى هناك ناس بتكشف على السيارات خبرة يعنى ومش هيأكلونى للتاجر
    يا سيدى اللى انا عارفة انك بتدخل بنزينة وطنية ونتطلب كشف على السيارة وفى حد بيشوفها معاك

    طبعاً هما خبرة والمفروض انهم مش هيضحكوا عليك لان الكلام قدامك كمان وطنية تبع الجيش فهما كويسين

    انا عارف كذا حد كشف هناك وشكر فيهم بس يا أخى برضة مفيش حاجة مضمونة وربنا هو الستار

    Where there are no tigers, a wild cat is very self-important ......Korean Proverb


  10. #10

    الصورة الرمزية sheeko00

    رقم العضوية : 31534

    تاريخ التسجيل : 29Jan2009

    المشاركات : 184

    النوع : ذكر

    الاقامة : cairo

    السيارة: nissan sunny

    السيارة[2]: fiat 132 2000

    الحالة : sheeko00 غير متواجد حالياً

    Cool -

    hasad">

    :k10::k10::k10::k10::k10::k10:اشكر الجميع على المرور واتمنى شرح الكثير من المواقف والتجارب لتبادل الخبرات



    تحياتى للجميع ......sheeko00



 
صفحة 1 من 2 1 2 الأخيرةالأخيرة

المواضيع المتشابهه

  1. نصائح وملاحظات عند قيادة اللوجان اتوماتيك .
    بواسطة alaaosmanakl في المنتدى قسم خاص بالسيارة لـــوجـــــان
    مشاركات: 3
    آخر مشاركة: 22-08-2012, 04:44 PM
  2. سوق الجمعة تجارب وملاحظات
    بواسطة sheeko00 في المنتدى بيـــع و شــــراء
    مشاركات: 27
    آخر مشاركة: 02-05-2009, 01:21 PM
  3. أفكار ومقترحات وملاحظات للحد من الحوادث في مصر
    بواسطة مصراوي جدا في المنتدى المنتــــــدى العـــــــــــام للسيــارات
    مشاركات: 11
    آخر مشاركة: 25-02-2008, 11:36 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2