صور السيارة الايديا

**PRO-DRIVE** · 27-11-2007 05:33 PM

اخى ابراهيم لا تفكر فى موضوع الأيرباج هذا فكما قال لك الأستاذ هشام هو مم نعم لكنة من الكماليات حتى أن معظم السيارات بمصر ليس بها و سيارتى ايضا يا اخى ليس بها رغم انة كان امامى A15 بها ايرباج و لكنى لم اشتريها فسيك من موضوعة و لا تفكر به هذا اول

مكنتش عاوز ارد علي موضوع الايرباج بس الاير باج في حاله السيارات الصينيه خصوصا وجوده مثل عدمه

**eng_mkhalaf** · 27-11-2007 05:34 PM

ليس بها رغم انة كان امامى A15 بها ايرباج و لكنى لم اشتريها فسيك من موضوعة و لا تفكر به هذا اولا

+1000000
لو موجود أوكى ولو مش موجود شغال بردة - بس يستحسن أنة يكون موجود ;)

**douha_wise** · 27-11-2007 05:46 PM

المشاركة الأصلية كتبت بواسطة PRO-DRIVE

مكنتش عاوز ارد علي موضوع الايرباج بس الاير باج في حاله السيارات الصينيه خصوصا وجوده مثل عدمه

بص يا اخى انا من اكتوبر و امر من على المحور كثيرا جدا وارى حوادث كثيرة علية وأسأل اللة السلامة لنا جميعا و أن يحفظنا من كل سوء
لسة صباح امس سيارة 128 و سيارة أظن انها كورولا 2007 و السيارتين مدمرتين تماما من الأمام و صدقنى و اللة 128 اللى بنقول عليها صاج مفيش بعد كدة وشها داخل فى الصالون مع انها اجمد و حكاية صينى و غيرة فهناك الآف من الناس الآن تملك سيارات صينى و اكيد كثير منهم سياراتهم عملت حوادث فلماذا لم نسمع عنهم و عن مصائب السيارات الصينى بل على العكس جيرانهم و اصدقائهم تغريهم تلك السيارات التى لها فى السوق المصرى حوالى 3 سنوات و اخص بالذكر الشيرى و يشترونها و لذلك زادت القاعدة لمشتري الصينى و شئنا ام ابينا ستزيد بإذن اللة

**Ahmed Anwer** · 27-11-2007 07:15 PM

انا معنديش ماروتي و لا حاجة بس كنت سألت عليها من فترة و الناس شكرت فيها و اللي اعرفه يقينا غن قطع غيارها موجودة

في السوق و كذا مستورد بيجيبوها

و انا اتفرجت برده علي BYD Flyer , علي Idea

, و عجبتني اوي الإيديا بس توكيلها مغمور اوي و دي حاجة تقلق ممكن يبطل يجيبها تبقي مشكلة

لكن BYD مثلا توكيلها الأمل بتاعت اللادا

اسبرانزا توكيلها ابو الفتوح بتاع دايوو

شيري توكيلها تقريبا برده تبع عائلة سعودي بتاعت مودرن موتورز بتاعت النيسان و السوزوكي

اسف لكتر البتاعات :mrgreen: :mrgreen: :mrgreen:

انا بس كنت بحاول افكر معاك بصوت عالي

بعدين معلهش يا أخ برو ،، اخ عزيز بيسأل علي عربية في حدود 50 الف

نقوله ايرباج ؟؟؟؟

**Meedo** · 27-11-2007 07:21 PM

العيب الى انا ملاحظة ان العفشة بتاعتها ناشفة شوية واعتقد ان دا الى عطيها الثبات العالى على الطرق مع ان العربية عالية عن الارض اوى لحد دلقت مافيش مطب حك فالعربية نهائى سواء محملة ناس او فاضية
وعلى فكرة الموتور فعلا سوزوكى لانى وريتة لواحد ميكانيكى ثقة

يا راجل ولا ناشفة ولا حاجه هو أحنا يعنى واخدين على ركوب المرسيدس والBMW

**yasserayad** · 27-11-2007 07:26 PM

ibrahimsaad

يااخى العزيز من باب الدين النصيحه
صلى استخاره الاول قبل ماتجيب عربيه صينى ارجوك
وفكر 3 مليون مره قبل ان تشترى عربيه صينى تحديدا
وبعد كده توكل على الله
انا عندى راى(ايه رايك فى البيكانتو)والقسط مش حايزيد كتير يعنى
ربنا يوفقك ان شاء الله

**Meedo** · 27-11-2007 07:27 PM

انا شفتها عند سلامة موتورز (موزع معتمد ) جنب طيبة مول في شارع النصر
وعند الفادي موتورز (في مكرم عبيد -اول شمال بعد السلاب على طول

THANKS ;) ;) ;) ;) ;) ;) ;) ;) ;)

**ibrahimsaad** · 27-11-2007 07:39 PM

اشكرك اخى احمد وشكرا لك اخ ياسر

وحسب معلوماتى ان البيكانتو سعرها ايضا مرتفع بالنسبه لى رغم انى كنت حابب شكلها لكن

رحم الله امرئ عرف قدر نفسه وعلى قد لحافك مد رجليك

وانا عايز حاجه لايمكن تعدى مبلغ ال 50 ممكن تقل اه انما تزيد لا

حكايه التكيف والزجاج الكهرباء والكلام الفارغ ده مش عايزه

هو احنا يعنى هنام فى العربيه بس حاجه تنقلنا وترحمنا من رحمه التاكسييات والاتوبيس وخلاص

**ibrahimsaad** · 27-11-2007 07:49 PM

المشاركة الأصلية كتبت بواسطة douha_wise

و انا افضل ايديا 2 فموتورها 1100 و شكلها افضل من ايديا 1 التى موتورها 1000 و ايضا ايديا 2 عدد الصبابات فيها 16 و ليس 8 كما فى ايديا 1

هو ايه حكايه الصبابات ده يعنى بيعمل ايه فى العربيه ووظيفته ايه ومهم ولا لا

اصلى فكرت فى الايديا 1 اللى ب 40000

فهل فيه مشكله فى الصببابات بتعاتها (8)

معلش ياجماعه انا اصلى دكتور اكاديمى

وماافهمش فى الحاجات دى

-

الموضوع: صور السيارة الايديا

LinkBack

أدوات الموضوع

عرض

-

-

-

-

المواضيع المتشابهه

الايديا 1000

السيارة الايديا

السيارة الايديا

السيارة الايديا

ارجو ان تفيدونى فى السيارة الايديا وقطع غيارها

الكلمات الدلالية لهذا الموضوع

المفضلات

المفضلات

ضوابط المشاركة