حاجة تجنين

**harmadan** · 27-03-2009 12:08 AM

المشاركة الأصلية كتبت بواسطة Sherif Khalifa

انتو يا جماعة نسين اختلاف القوة الشرائية للجنية زمان و دلوقتى ؟!

لو مشينا بمبدا السيد صاحب الموضوع مفروض نشترى ال 128 موديل السبعينيات بما لا يزيد عن 100 جم

لا طبعا الى شارى عربية لانوس من 1999 بى 37 الف زيرو مفروض يبعها حسب سعر الزيرو من نفس الموديل فى السوق

علشان ال 37 الف سنة 1999 قيمتهم كانت اعلى بكتير من دلوقتى 2009

الله ينور عليك يا استاذ شريف فعلا العنصر الضائع اللى ماحدش عايز يفكر فيه هو (القوه الشرائيه) ومش عارف ليه الناس بتتكلم على العربيات بس طيب ما الشقق نفس الموضوع ومين قال ان الشقق مش بتستهلك زى العربيات؟؟؟ ماهى برضه لها عمر افتراضى لكن احنا عندنا السعر بيتحدد حسب الوقت مش اكثر يعنى العقارات الجديده ترتفع اسعارها ترفع معاها العقارات القديمه!!!!!!!!
وعلى فكره والله انا ولا تاجر عربيات ولا تاجر عقارات دا انا حتى بابيع عربيتى والحمد لله خسران فيها (بالقياس لثمن شرائها من سنتين).

**ana3fretelnt** · 28-03-2009 09:07 AM

المشاركة الأصلية كتبت بواسطة Sherif Khalifa

انتو يا جماعة نسين اختلاف القوة الشرائية للجنية زمان و دلوقتى ؟!

لو مشينا بمبدا السيد صاحب الموضوع مفروض نشترى ال 128 موديل السبعينيات بما لا يزيد عن 100 جم

لا طبعا الى شارى عربية لانوس من 1999 بى 37 الف زيرو مفروض يبعها حسب سعر الزيرو من نفس الموديل فى السوق

علشان ال 37 الف سنة 1999 قيمتهم كانت اعلى بكتير من دلوقتى 2009

و برضو ما تنساش حضرتك التالي ان العمر الأفتراضي للعربية بيقل كل ما يعدي يوم .

و احنا مش اجدع من دول اخرى العربيات الزيرو فيها ارخص من المستعمل عندنا
وحكاية العرض و الطلب احنا في مصر بنستغلها علشان نرفع السعر و نستغل حاجة الناس.
يعني لو جه واحد يبيع العربية بيحسبها كالتالي:
انا غيرت طقم كهرباء مرتين و كاوتش جديد و مساحات ...وووووو
و يحاسب المشتري عليهم و ينسى ان ده استهلاكه هو في العربية و مش ذنب الشاري لأن لو على كده يبقي الطبيعي ان الشاري ياخد العربية بكل مشتملاتها من ساعة البيع سواء ماشية او لاً لأن معنى كده ان اس تصليح فيها يعتبر تكرم من المالك الي قبله ...و ده ما ينفعش يا ناس
احنا لازم نصلح نفوسنا الأول
و شكراً مع وافر احترامي

**kaboo4** · 29-03-2009 12:28 PM

يا جماعة مع احترامى الشديد لكل الى بيتكلم بس انتوا نسيتوا حاجة مهمه جدا ان ساعت ما الانوس كانت ب41000 زيروا كات الكيا سيفيا ب48000 و كانت الهيونداى اكسنت زيروا ب40000 و الى يضحك الكيا بريد عندى اعلان ليها فى سنه 2000 ب 21500جنيه الى حصل ان الجنيه قيمتوا قلت جدا و اسعار العربيات زادت 150% البكانتوا يا رجاله ب64000 و العربيات الى كنت بتكلم عليها دى فئه اعلى وصلت ل80 الف يمكن اللانوس الوحيدة الى تعتبر مغليتش جامد و بعدين العرف فى مصر ان العربيه المستعمله لايمكن انها تقل عن تلت تمن الجديدة من نفس النوع والشكل مهما حصل

**turboman** · 12-04-2009 02:32 AM

انا والدي كان مشتري بيجو 504 سنة 81 موديل 79 مستوردة من فرنسا على منطق حضرتك دلوقتي يسيبها لاحفاده يلعبو بيهااو يديها هدية لاي حداو يبيعها ويكمل ويجيب علبة سجاير

**mikao** · 19-04-2009 12:20 PM

رحم الله عبدا سمحا اذا باع سمحا اذا اشترى سمحا اذا اقتضى
ده معنى حديث نبوى
يعنى اللى شارى ب 41 الف ده لازم يكون كويس عند البيع يعنى مش لازم يكسب و برضه مش لازم يخسر يعنى يكون فى المعقول و متهيأ لى 41 الف كتير عليها دلوقتى يعنى مثلا لو طلب 38-39 يبقى كتر خيره و أكيد هيباركه الله فى ماله و المشترى كذلك لا يجب ان يخسف بالعربية الارض لمجرد انه سمع ان البائع بعد 10 سنين هايبعها بفس سعرها ممكن يقولها مثلا انا هادفع 37 مش 30 ولا حتى 32 وهكذا ربنا يبارك للاثنين حتى لو كل واحد ساب للتانى الف جنيه