الجين 2 ولا الانسر 1600؟

ممكن حد يساعدنى فى الإختيار يا جماعه أجيب الجين 2 ولا الانسر 1600؟

طبعا وبدون تفكير لو معاك فلوس اللانسر تبقى هى الافضل فى كل شىء

أكيد ال لانسر احسن فى كل حاجة

والله انا شايف حاجة ثالثة
السيراتو الشكل الجديد انا شفتها وشفت الاوبشن بتاعها خرافية
بصراحة تحفة والله الموفق

انا كنت بفضل الالنسر 1600 اوتوماتيك لما كانت ب 104,000 بس دلوقتي بعد لما بقت ب111,000 شايفهم كتير قوي عليها رغم اني ممكن اشتريها برده...

انا رأي الجين تو احسن علشان سعرها و مفيش فيها عيب ميكانيكا واضح... كل المشاكل اللي الناس بتشتكي منها هو صوت تزييق في الكنبه و في التابلوه و ده بيتحل بسهوله جداً...

خد رأي الناس اللي معاها البروتون و ماتسمعش لكلام ناس مش معاهم العربيه و شوف برده الموضوع ده:
حوار هادئ عن ماركة بروتون
راجع برده قسم بروتون لتتعرف علي مميزات و عيوب الجين تو بالتفصيل

الالنسر عربيه ممتازه طبعا بس فرق السعر كبير قوي لصالح البروتون...

انا كنت هجيب لانسر بس مقارنة بالبروتون نفس الامكانيات بس البروتون تكسب في التمن

الانسر طبعااا انا اقنعت والدى بالبيرسونا وندم اشد الندم انه ماجبش الانسر لانه كان حجزها وانا خسرته الف جنيه تمن الحجز ولغيناه عشان البيرسونا لكنه ندمان دلوقتى وبيقولى ان فى فرق فى قياده الانسر وقياده البيرسونا الانسر افضل

مع احترامى للجميع
بس الجين 2 الافضل
1- الجين 2 من حيث الثبات حدث ولا حرج
الانسر طبعا ثابتة بس مشكلتها انها خفيفة ومش ثابتة على السرعات العالية عكس الجين 2
2- فرق السعر
3 - فرق الكمليات
4- الشكل ودى ازواق طبعا بس اللنسر بقت منتاشرة بطريقة بشعة للدرجة انها بقيت تاكسى وافتكر ان الانتشار الزيادة اوى اوى دة عيب
افتكر ال 4 اسباب دول يخلو الجين 2 افضل

انا من رايى اخى الفاضل تحط الموضوع ده فى قسم المقارنات

لو مش فارق معاك الفلوس هات اللانسر
لو فارقة معاك يبقى كيا فورتى ( نيو سيراتو ) او الينترا

شكرا ليكم كلكم على ردكم والله الموفق