ازيكو يا جماعه ؟؟
يا رب تكونو بخير ...
الفيكترا الى هتشوفوا صورها دى ..
موجوه فى جراج بتاع واحد صاحبى ..
و العربيه دى بتركن عندهم..
المهم ...
العربيه موديل 2003 ماشيه 45 الف كم 1600 سى سى مانيوال و فابريكه بالكامل و حالتها متفرقش عن الزيرو الا فى حاجه واحده و هى ان بويه الاكصدامين فيها حتت كاشفه ...
صاحبها انا عارفه ..
و راجل محترم و خلوق ..
بس بيحافظ على العربيه بطريقه غريبه و مشوفتش حد بيعمل كده فى عربيته ...
1-مغطى زراير الازاز بورق شفاف ..علشان يحافظ عليها .....
2-مغطى زرار المرايات بورق شفاف لنفس السبب....
3-راكن العربيه فى الجراج و بيروح شغله مواصلات ...
مع ان فى مليون مكان يركن فيه عربيته عند الشغل و كمان ادام عينيه ...
4-بيغطى العربيه بغطيين مش عارف ليه ؟؟
5-طبعا الصيانه و اى حاجه فى العربيه بتتعمل فى التوكيل و بيكون فى حاله حزن شديده لو حصل لعربيته حاجه ...
6-مفيش فيها حاجه مش اصلى غير الكاسيت (شال الاصلى و حط بينوير)
7-غير الكاوتش عند 40000 كم و اشترى نفس النوع الى كان فيها و نفس النقشه (مع انه ناشف شويه)...
8-العربيه بتخرج لما يكون مسافر بس ...غير كده بيمشى على رجله او مواصلات ...
9-ممنوع منعا باتا ان اى حد يركب العربيه غيره...
10-لحد قريب جدا كان لافف المفتاح فى ورق شفاف ..
انا قدرت اصورها لانه كان مسافر بيها فصاحبى طلعها من تربتها و قالى صور يا معلم
اسيبكو مع الصور و معلش التليفون الكاميرا بتاعه وحشه شويه و العربيه مش متنضفه..













زراير الازاز اهه و عليها الورق الشفاف





ده مفتاح العربيه


دى بقى صوره العربيه بعد الدفن او بمعنى اصح بعد ما خلت تحت الغطاء الاولانى ..



على فكره الصور مش موضحه واحد على عشره من حاله العربيه ...
العربيه ما شاء الله روعه و تحسسك نفس احساس الزيرو ...
الراجل ده يوم ما يبيع انا هشترى بس للاسف مش هلحق لان صاحب الجراج و عمه و عمه التانى عرضو انهم يشتروها قبلى ...
بس عادى لو صاحبى اشتراها مش هتفرق كتير لانى هركبها برده

سؤال:
فى حاجه متعلقه فى باب تنك البنزين عامله زى الكوز كده بس صورتها مش راضيه تنزل محدش عارف الكوز ده بتاع ايه ؟؟


انا عارف ان العربيه دى ممكن يكون فى انضف منها بس انا لحد دلوقتى مشوفتش
ده احنا اشترينا قبل كده فيكترا 2002 ماشيه 17000 كم بس دى انضف منها برده ما شاء الله..
شوفوها و قولولى رأيكو و يا سلام لو تسعروها ....


خالد ايمن