الحمد لله جبت اللانوس

**yssryaae** · 23-03-2009 10:23 PM

السلام عليكم ورحمة الله وبركاته
ياريت تكونوا فاكرنى انا اللى قولتلكم انى هروح الاسبوع اللى جاى عشان اشترى سيارة من بورسعيد
الحمد لله ربنا وفقنى واشتريت عربية لانوس موديل 97 كورى
وهى بحالة ممتازة والحمد لله واللون سماوى
المهم طبعا دى اول مرة يكون ليا عربية ومفيش عندى خبرة نهائى فى اعمال الصيانة والحفاظ على العربية والاعمال الروتينية بتاعتها
ياريت من اخوانى فى المنتدى افادتى بالمعلومات الضرورية عن كيفية القيام باعمال الصيانة الضرورية وازاى احافظ على عربيتى واعرف ازاى ان فيها عطل معين
مع خالص الشكر والتقدير

**samirayad** · 23-03-2009 10:40 PM

أولا مبروك.................وأوصيك بتغيير سير الكاتينه والزيت وفلتر الزيت أولا .......ومتابعة مايستجد من ملاحظات وأبقى قول عليها.....................وياريت برضه تعيد التربيط على العفشه مبدئيا

**NaviGator_13** · 23-03-2009 10:43 PM

الف مبروك واستنا اصحاب ال لانوس هيردوا عليك
بس هو فيه لانوس 97
هى مش اولها 98 ؟

**smart_dr84** · 23-03-2009 10:43 PM

ألف مبروك و ربنا يعطيك خيرها و يكفيك شرها
أنا برده لسه مشترى لانوس 2002 الاسبوع اللي فات
اول حاجة تعملها طبعا تغير زيت الموتور و تعمل طقم سرفيس كامل (بوجيهات - سيور - فلاتر) و تؤكد على الفرامل عشان تبقى ضامن كل حاجة في العربية
و ربنا يباركلك ان شاء الله

**yssryaae** · 23-03-2009 11:06 PM

الله يبارك فيكم جميعا واشكركم على ردودكم القيمة بس انا كان معايا صديق بيفهم كويس جدا فى العربيات وقالى ان العربية حالتها ممتاذة ومحتاجة بس ظبط العفشة ومقلشى اغير سير الكاتينة
ايوا فيه لانوس موديل 97 وده واضح من الكتالوج بتاع العربية اللى جاى معاها بس انا عرفت اقرا التاريخ لكن الباقى للاسف معرفتش لان الكتالوج باللغة بتاعة كوريا
وشكرا ليكم مرة تانية وكفانى وكفاكم شر الطريق