رجاء كيف يمكننى تعلية لانسر كريستاله 2000 لأنها مع الحموله بتحك فى المطبات
عرض للطباعة
رجاء كيف يمكننى تعلية لانسر كريستاله 2000 لأنها مع الحموله بتحك فى المطبات
عندى واحد بتاع عفشة كويس اوى فى فيصل بيعلى العربية عن طريق علايات بتركب تحت السوستة العلاية حديد انا عملتها من سنة و هى هايلة
لا أنصحك بتعليه العربيه.........حرام عليك هتضيع الإستابلتى بتاعتها و هتبوظ العفشضه........... الحل انك تاخد بالك من المطبات و لو محمل ناس كتير و هتاخد مطب جامد خليهم ينزلوا لغايه ما تعدى المطب و لكن ما تلعبش فى العربيه (مجرد نصيحه وانت حر).
او لو مصمم يبقي ركب جنط 14
اوعى تفكر تعلى العربية
فيه طقم كاوتشات تعلية بيركب على المساعدين و ده اقصى حاجة ممكن تعملها و بصراحة الفرق بيبان لو لوحدك اما لو محمل العربية فمالوش فرق يذكر.
كان معايا بطة 92 و واحد صاحبى معاه اختها (و على فكرة الكريستالة اعلى من البطة) ، و واحد طلع فى دماغه موضوع تعلية العربية و راح لواحد حط له وصلة تطويل على المساعدين و بقت العربية بتخبط و ترزع مع المطبات كأن مافيهاش لا سست و لا مساعدين و فورت المساعدين بسرعة مع فقدان الثبات كل ما كان يجرى اما انا فكنت ركبت طقم الكاوتشات (بطلت تحك فى المطبات و انا لوحدى اما مع الحمولة كأنك ما ركبتش حاجة تعليها) و صاحبى فى الآخر اشترى مساعدين جداد و لعن فكرة العلية و مارضيش يركب حتى طقم الكاوتشات .
فكرة حلوة لو متأكد انها هاتعليها كفاية و لكن اعتقد ممكن تكون مكلفة ، بصراحة ماعنديش فكرة عن السعراقتباس:
او لو مصمم يبقي ركب جنط 14
عمومادى احسن نصيحةاقتباس:
ما تلعبش فى العربيه
مبروك اولا على السياره و انا شايف انك تخليها كده افضل وبلاش لعب فيها
لتعلية العربيه فيه كاوتش 2 سم و3 سم و4 سم بتختار العلو اللى انته عاوزه وبتركب الكاوتش على السوست من فوق عند مكانيكى وبتبقى العربيه تمام
وابعد عن الكاوتش ال14 او اللى اكبر من مقاس الاستاندرد عشان حايخرب لك المقصات