كيفية تعلية لانسر كريستاله 2000

**bob1978** · 23-03-2009 11:10 PM

رجاء كيف يمكننى تعلية لانسر كريستاله 2000 لأنها مع الحموله بتحك فى المطبات

**ahmedhosssamy** · 29-03-2009 03:49 PM

عندى واحد بتاع عفشة كويس اوى فى فيصل بيعلى العربية عن طريق علايات بتركب تحت السوستة العلاية حديد انا عملتها من سنة و هى هايلة

**mohamedway** · 30-03-2009 12:14 PM

لا أنصحك بتعليه العربيه.........حرام عليك هتضيع الإستابلتى بتاعتها و هتبوظ العفشضه........... الحل انك تاخد بالك من المطبات و لو محمل ناس كتير و هتاخد مطب جامد خليهم ينزلوا لغايه ما تعدى المطب و لكن ما تلعبش فى العربيه (مجرد نصيحه وانت حر).

**hishamkenawy** · 30-03-2009 01:12 PM

المشاركة الأصلية كتبت بواسطة mohamedway

لا أنصحك بتعليه العربيه.........حرام عليك هتضيع الإستابلتى بتاعتها و هتبوظ العفشضه........... الحل انك تاخد بالك من المطبات و لو محمل ناس كتير و هتاخد مطب جامد خليهم ينزلوا لغايه ما تعدى المطب و لكن ما تلعبش فى العربيه (مجرد نصيحه وانت حر).

كلام سليم 100%

**HeMa_LanCeR** · 30-03-2009 06:07 PM

او لو مصمم يبقي ركب جنط 14

**Dr.SherifMansy** · 31-03-2009 04:02 PM

اوعى تفكر تعلى العربية
فيه طقم كاوتشات تعلية بيركب على المساعدين و ده اقصى حاجة ممكن تعملها و بصراحة الفرق بيبان لو لوحدك اما لو محمل العربية فمالوش فرق يذكر.
كان معايا بطة 92 و واحد صاحبى معاه اختها (و على فكرة الكريستالة اعلى من البطة) ، و واحد طلع فى دماغه موضوع تعلية العربية و راح لواحد حط له وصلة تطويل على المساعدين و بقت العربية بتخبط و ترزع مع المطبات كأن مافيهاش لا سست و لا مساعدين و فورت المساعدين بسرعة مع فقدان الثبات كل ما كان يجرى اما انا فكنت ركبت طقم الكاوتشات (بطلت تحك فى المطبات و انا لوحدى اما مع الحمولة كأنك ما ركبتش حاجة تعليها) و صاحبى فى الآخر اشترى مساعدين جداد و لعن فكرة العلية و مارضيش يركب حتى طقم الكاوتشات .

او لو مصمم يبقي ركب جنط 14

فكرة حلوة لو متأكد انها هاتعليها كفاية و لكن اعتقد ممكن تكون مكلفة ، بصراحة ماعنديش فكرة عن السعر
عموما

ما تلعبش فى العربيه

دى احسن نصيحة

**omaroof** · 04-04-2009 03:59 AM

لتعلية العربيه فيه كاوتش 2 سم و3 سم و4 سم بتختار العلو اللى انته عاوزه وبتركب الكاوتش على السوست من فوق عند مكانيكى وبتبقى العربيه تمام
وابعد عن الكاوتش ال14 او اللى اكبر من مقاس الاستاندرد عشان حايخرب لك المقصات