سؤال ياهل الخبره

**gsober** · 23-03-2009 11:23 PM

وانا طالع مطلع امبارح
كنت قارس بنزين عشان العربيه متبطلش وبخف رجلى حبه حبه عن الدبرياج
العربيه طلعت شياط ملا الصالون لدرجه انى فكرت انها هتولع
رحت راكن وفاتح الكبوت ملقتش اثر للدخان
ملحوظه:
الدخان كانت رحته شياط بلاستك او زيت او اسلاك كهرباء
يبقى ده من ايه؟؟؟؟
ناس قالت من الدسك والاسطوانه بس السحب ممتاز مفيش اى مشاكل
وناس قالتلى دى كهربا المهربائى قال لا
انا خلاص هتجنن
ده ممكن يكون ايه؟

**hesham_shousha** · 23-03-2009 11:50 PM

فى الغالب طبعا الريحه دى ريحه الاسطوانه
واضح ان عندك مشكله فى الكربراتير
لانك بتقول انك كنت دايس بنزين عشان العربيه ماتبطلش
المشكله دى كانت عندى وكنت بادوس فرامل مع البنزين عشان العربيه ماتبطلش
لكن تدوس البنزين مع الدبرياج ده اكبر غلط ويأثر على الاسطوانه والدسك
والحل انك تضبط الكربراتير عند واحد بتاع كربراتير ( موش ميكانيكى ) او تشترى كربراتير جديد زى ما انا عملت
واللى موش فاهمه من كلامك انك كنت طالع مطلع - طب ليه كنت دايس على الدبرياج
قبل ما تطلع مطلع هات الغيار المضبوط اللى يدى عزم كويس للعربيه وسرعه معقوله وماتغيرشى الا لما تخلص المطلع
وبصراحه كده وماتزعلشى منى واضح ان طريقه سواقتك عايزه تتغير شويه عشان تريح العربيه