الموضوع: دوخت مع زيت الموتور

المشاركة الأصلية كتبت بواسطة swimmer25

انا بحط موبيل 1 وبردو بينقط علي طول وحاسس انه خفيف شوية
بس انا اصلا مشفتش باقي الزيوت عاملة ازاي

أزاى الكلام ده وعربية حضرتك 2008 ...................

المشاركة الأصلية كتبت بواسطة samirayad

أزاى الكلام ده وعربية حضرتك 2008 ...................

يا باشا المقصود بالتنقيط تنقيط الزيت من على المقياس بتاع الزيت اللى بتكشف بية عن مستوى زيت الماتور ,, مش المقصود ان العربية بتنقط ربك يسترها علينا جميعا يا رب ,,

المشاركة الأصلية كتبت بواسطة samirayad

تمام كده ....وأشكرك على الأيضاح......وطبعا لازم ينقط بصوره أسرع من المعدنى على المقاس لأن مدى اللزوجه بتاعه وهو بارد أخف من الزيت المعدنى........يبقى ماينفعش نقارن (دا لو كان هذا هو المقصد )

ياباشا العفو على اية دا شرف ليا والله ,, بس انا كان قصدى على الفرق بينة وبين موبيل 1 والاتنين تخليقى اعتقد موبيل 1 كان ابطا شوية فى تنقيطة من على المقياس ,, ولو ان انا حاسس بسلاسة مختلفة فى الموتور عن موبيل 1 .. سلام عليكم

بس انا كان قصدى على الفرق بينة وبين موبيل 1 والاتنين تخليقى اعتقد موبيل 1 كان ابطا شوية فى تنقيطة من على المقياس

[quote][انا حاسس انة لما بطلع مقياس الزيت بلاقى الزيت اخف شوية من الموبيل 1 اللى كان موجود يعنى لو استنيت لحظة بلاقى الزيت اللى على المقياس نقط على طول /quote] شوف كده لزوجة الزيت ده من على أى عبوه.....المفروض يكون أأقل من المدى بتاع موبيل 1 على كلامك......على فكره بيبقى فيه أضافات منها محسنات للزوجه ومحسنات لدرجة الأنسكاب ( ممكن تكون هى السبب ).....لو كنت متأكد من كلامك

المشاركة الأصلية كتبت بواسطة samirayad

[quote شوف كده لزوجة الزيت ده من على أى عبوه.....المفروض يكون أأقل من المدى بتاع موبيل 1 على كلامك......

معلش يا باشا ممكن افهم المقصود بالمدى ؟ معلش اصل اخوك فى البلالة !! وبالنسبة لوضوع المحسنات دى هوا قصدك ان المحسنات دى ممكن تكون السبب فى ان الزيت يكون سيولتة اكبر ؟
شكرا لاهتمامك

معلش يا باشا ممكن افهم المقصود بالمدى ؟

شوف ياسيدى أى زيت سواء معدنى أو تخليقلى بيكون مكتوب على العبوه مدى اللزوجه.......وأنا حاليا مش متذكر الخاص بموبيل 1 .....بس حديك مثال باللى متاح دلوقتى لدى .......وهو شيل هيلكس ألترا 15w50 ..........وخد كمان توتال كوارتز 9000 5w40

_ النوعين دول تخليقى ....بس حتلاقى التوتال بينقط معاك أسرع من الشيل........ليه لأن لزوجة التوتال المنخفضه 5 سنتى أستوك فى حين أن لزوجة الشيل المنخفضه 15 سنتى أستوك...............ودى بتناظر وأنت لسه بطلع المقاس من المكنه وتقيس والزيت بارد ................

_ ممكن تعمل نفس المقارنه بالنسبه للفيسكو وموبيل 1 ..................

_ وأنت عارف الصراحه أنا شايف أن الشيل أحسن حاجه دلوقتى ....على الرغم أن بأستعمل موبيل 1 ............وأن شاء الله ححول اليه المره الجايه.....................

وبالنسبة لموضوع المحسنات دى هوا قصدك ان المحسنات دى ممكن تكون السبب فى ان الزيت يكون سيولتة اكبر ؟

......

_ أى زيت بيتصنع بيتم وضع أضافات اليه علشان تدى الوظائف المطلوبه من الزيت (أضافة رفع معامل اللزوجه - أضافة خفض درجة الأنسكاب _ أضافة مقاومة الرغاوى _ أضافة مقاومة الصدأ- أضافة مقاومة الأكسده _أضافة التنظيف والتشتيت - أضافة مقاومة البرى _ أضافة مقاومة التآكل الحمضى ).......وحكلمك على الأثنين اللى يهمونا دلوقتى......................_1- أضافة خفض درجة الأنسكاب

** الأضافه دى بتؤثر على المواد الشمعيه الموجوده فى الزيت وتعوق تجمدها عند تعرضها لدرجات الحراره المنخفضه حتى يظل الزيت سهل السريان فى هذه الدرجات المنخفضه وتستعمل هذه الأضافات فى بعض الأحيان فى زيوت محركات البنزين التى تعمل فى درجات حراره منخفضه............................

2- أضافة رفع معامل اللزوجه...........

*** دى أضافه خاصه وعباره عن مواد متبلمره ذات وزن جزيئى عالى تعمل على تقليل معدل أنخفاض لزوجة الزيت كلما أرتفعت حرارته..........___ الأضافات دى بتكون غاليه.......وبتختلف من شركه الى شركه ( وبتتوقف على سياسة كل شركه فى معاملتها وحساب أرباحها وخلافه )..........وهى دى اللى بتفرق الزيت عن التانى.......لأن الزيت الأساسى واحد لكل الأنواع......وده مابيتلعبش فيه ....أنما اللعب كله فى الأضافات.......

بس انا حاسس ان الموتور اكتر سلاسة من الاول

الحته دى من كلامك بتدلل على أنك متأكد فعلا من أن الفيسكو بينقط على المقاس أسرع من الموبيل 1 وكده أحساسك صح ......وياريت تبقى تجيبلى معدلات اللزوجه بتاعة الأثنين علشان برضه أشوف تفكيرى صح ولا لا......يمكن أكون غلطان .......على الأقل نشوف الصالح فين لينا جميعا......والهدف مصلحتنا فقط ..................

_ بالنسبه للمثالين اللى قولتلك عليهم ( التوتال والشيل )......لو جربت مثلا كل واحد لوحده .....حتلاقى سلاسه فى الآداء مع أستعمال التوتال عن الشيل ( علشان مداه أقل فى اللزوجه من الشيل )..........

_ بس أنه الأفضل للمكنه الشيل (لأن كل مازادت اللزوجه كل ماكان أأمن للمكنه ).
...بس على حساب السلاسه..........أصل مفيش حاجه كامله ( والكمال فقط للخالق سبحانه وتعالى )