الباشمهندز سمير
عودا حميدا يا بطل ... أيه الغيبة الطويلة دي ... أنا قلت انت مسافر؟
بالمناسبة أنا عاوزك في أستشارة كده ، و حاولت أبعتلك علي الخاص معرفتش .. فأذا تتكرم حضرتك و تبعتلي علي الخاص عنوان الأيميل تبعكم ... أو المنسيجر أكون شاكر جداااا ...
أخوك الزغنن ... حلاوة ... قصدي روكي
ايه يا رجاله الراجل عاوز يحافظ على التنك البنزين من العته بصراحه شكله كان عامل دماغ ملوخيه منغير تقليه علشان كده فكره الافكار ده
واضح انه افتكاسه جامده...
علي فكره يا جماعة أنا سمعت الحوار ده من سنتين تقريبا كان واحد عنده كورولا بيحط بنزين 80 وبيقول انه بيحط 2 قطعه نفتلين بلي واللي الراجل قاله ان النفتلين ده بيدوب في البنزين اول لما بيحطه وبتفاعل مع الأجزاء بتاعته والشوائب وبينقيه بيخليه في نفس كفاءه ونقاوه البنزين ال 90 او أكتر
انا لما سمعت الكلام ده نفط ومحططش في دماغي بس لما قرأت الموضوع ده أفتكرت .... بس هذا والله أعلم
أولا أنا أسف أذا كنت فتحت موضوع متكرر لكن أؤكد أني مكنتش أعرف أنه متكرراقتباس:
المشاركة الأصلية كتبت بواسطة ahmed1981
ثانيا: بعد مراجعة الموضوع الأصلي ... و تصفح بعض الروابط الموجوده بيه ... فهمت الأتي:-
1- من الرابط ده
http://www.newton.dep.anl.gov/askasc.../chem00485.htm
النفثالين فعلا بيزود أوكتان البنزين
ولكن نتيجة للمركبات الكربونيه به تنتج حريق غير نظيف
ويراعي أستخدام كرات طارد العثة اللي هي من نوع نفثالين بس (واضح انه بره في أنواع تانية أسمها paradichlorobenzene) لكن اعتقد أن كل طوارد العته اللي موجودة في الأسواق المصرية هي نفتالين
2- من الرابط ده
http://stason.org/TULARC/vehicles/ga...se-octane.html
بيقول أن النفثالين فعلا كان ظهر قبل نشوب الحرب العالمية الأولي كمحسن لرقم أوكتان الوقود (يعني الخواجة فعلا أستخدمه ودي مش أفتكاسه)
وبيقول برضه انه فيه طارد للعته من نوع para_dichlorobenzene وده نوع مش حلو و ماتحطوش في التانك
وبيقول برضك أن من عيوبه هو درجة حرارة ذوبانه العالية (بيذوب عند 80c) وده قد يتسبب في سد الفلتر أو الرشاشات
3-وأخيرا في الرابط ده
http://peswiki.com/index.php/Directo...nd_Naphthalene
بيقولك أن النفتالين كان بيستخدم في الماضي لتحسين أداء الوقود للسير مسافات أطول. ولكن أضراره تظهر علي المدي الطويل. بالأضافه لآنه سام
و بيقول ان سنة 2006 حصل أختبار لعينه وقود قامت بتحليلها جامعة University of Central Florida علي وقود من أنتاج شركة bp للبترول http://www.bp.com/images/bp-logo.gif . لان الشركة بتتدعي أن الوقو بتاهم خالي من النفثالين (واضح ان الشركة دي بتاعة وقود صديق البيئة و الكلام ده). و كانت نتيجة البحث أن الوقود بالفعل يحتوي علي النفثالين
ده مجرد ترجمة للكلام المكتوب بالمراجع الأجنبية. ومعرفش هل الكلام الموجود بالمرجع الثالث يشجعنا أم يحذرنا من أستخدام النفثالين. أذا كانت شركة أمريكية بتغش و تحطه في البنزين بتاعهم أمال أحنا نعمل أيه.
واللي يحب يقول أستنتاجات مايبخلش علينا بالمشاركة
روكي
ماشاء الله عليك يا روكي
متحمس ودأوب
وان شاء الله هجرب الحكاية دي واوفيكم بالنتيجة (وربنا يسترها)
يا باشا ده من زوقكاقتباس:
المشاركة الأصلية كتبت بواسطة ahmad5997
و أذا كنت هاتجرب الموضوع ده أنا أرجح أنك تجربه فقط لو انت بتمون بنزين 80. متهيألي كده أن لو فيه تحسن هايكون واضح عن لو انت بتستخدم أصلا أوكتان عالي ماعتقدش ان الفرق هايكون واضح (أو علي الأقل فعال).
وشكر لذوقك مرة تانية
انا جربت الموضوع دة فى عربية بيجو 504
كان فية فرق بس مش كبير
بس لنا برضة جربتة مرة واحدة بس
وكمان جربت حكاية انك تحط اسيتون بس بردة الفرق مش كان واضح
واخيرا تمت التجربة واليكم الاحداثاقتباس:
المشاركة الأصلية كتبت بواسطة roky
اولا العربية كانت فيها بالظبط 11 لتر بنزين 80+92
حطيت 2 نفتالين وفولت العربية تقريبا 41 لتر بنزين 80
النتيجة
لم الاحظ اي تغير في اول 50 متر
بعد كده العربية نطقت
العرببية بقت تجري جري مش عارف اوصفه
انا مش متعود اني اطلع امريكاني
بعد ما حطيت النفتالين كل ما اجي اطلع اسمع صوت العجل بيكحت في الارض والناس تبصلي وانا مش قصدي والله
عملت بالعربية في اليوم ده حوالي 150 كم واداء العربية يتستحق التقدير فعلا
المهم روحت وركنت العربية يوم الخميس ليلا وفضلت مركونة حتي يوم الجمعة ليلا يعني 24 ساعة بالكمال وخرجت بالعربية واليكم الملاحظ ايضا
اول 500 متر رجعت العربية لحالتها الاولي سحب عاااااااااادي خالص ولا امريكاني ولا اسباني
قولت في نفسي يبقي تأثير النفتالين راح ولكن بعد ال 500 متر العربية شدت تاني ولقيت قوة وعزم غريبة في الموتور (مش عارف افسر ليه في الاول كانت عادي وبعد كده شدت >الله اعلم<)
اما عن السلبيات فلم تظهر اي سلبيات حتي الان وربنا يسترها ولو لاقدر الله حاجة ظهرت طبعا هجري عليكو وانبه الجميع
معلش هي عربيتك نوعها ايه...