يا جماعه فى حد تانى ناوى يشترى لانسر 2008 الشكل الجديد معايا

**أبو عبدالله** · 11-09-2007 01:54 AM

طيب ما السيفيك اتوماتيك وياباني وتوكيل كويس

وبعدين التويوتا نزله كمان شهر بالظبط من دلوقتي والجديده غير القديمه خالص

وعندك برضه الأفينسيس برستيج فظيع

وانصحك بأنك لا تنساق وراء هدف واحد اين كان
فمثلا الشكل شويه وهيزول بالنسبة لك وللجميع وهتشوف مساوء السياره لأن انت مكنتش شايف الا حاجه واحده الا وهيا الشكل فلو زال بقيت لك المساوئ

**M_Abdallah** · 11-09-2007 03:41 AM

شوف يا أخ mimo طبعا اللانسر الجديدة روعة بكل المقاييس
يعني أختيار سليم منك بس المشكلة دلوقتي في السعر وواضح
من كلام المهندس طارق زويل ليك إن السعر هينزل ودة أكيد
بس محتاج شوية صبر ففي رأيي إن انت تصبر لحد اما الرؤية
توضح. اما لو مستعجل ممكن تشوف أي بديل ليها حاليا.
مع مراعات سعرها غالي بحوالي 10000 حاليا وعلي
فكرة اللانسر الجديدة في رأيي عشان تستمتع بيها لازم تجيب
الموديل GLS SPORT اللي سعرها تقريبا 147000 اللي
يجيبوا مازدا ايرو او سيفيك مرتاح أو تنتظر كورولا الشكل
الجديد.فشوف ايه اللي يناسبك وربنا يوفقك إلي اللي فيه الخير.

________________
محمد عبدالله

**عمرو عبيد** · 12-09-2007 03:26 PM

فى بعض الأخوة فى المنتدى قالوا انها مش اقتصادية فى استهلاك البنزين حاول تتاكد من الكلام دة قبل ماتجبها

**hamada2010** · 13-09-2007 02:55 PM

والله يا أخي لو انت مش مستعجل قوي يبقى استنى شوية أو شويتين لأني أتوقع وبقوة إن سعر العربية دي هاينزل نزلة محترمة لأنه سعر غير تنافسي بالمرة والعربية كده "بتلعب في ملعب غير ملعبها" وبعدين لو انت مستعجل عندك بدايل كتيرة وأحسن بمراحل : على سبيل المثال فورد فوكاس ، هوندا سيفيك، أوكتافيا A4 ....والقرار لحضرتك في الآخر

الصبر جميل وانتظر لكى لا تندم يعنى مثلا واحد صديقى اشترى لا نسر 1600 سبورت

ب118 الف جنيه من الوكيل مصريه

وبعديها بكام شهر بتتباع ب108000 جنيه تصدق نزلت 10000 جنيه مرة واحده

انتظر وان شاء الله تكون من نصيبك