انا غيرت الماذر بورد بتاعت اللاب توب انهارده وكنت عايزه اتاكد ان التوكيل غيرهالي
هو انا لما اغير الماذر بورد لازم انزل ويندوز جديد اصل اللي كنت حطاه موجود زي ما هو
عرض للطباعة
انا غيرت الماذر بورد بتاعت اللاب توب انهارده وكنت عايزه اتاكد ان التوكيل غيرهالي
هو انا لما اغير الماذر بورد لازم انزل ويندوز جديد اصل اللي كنت حطاه موجود زي ما هو
اكيد طبعا الويندوز لازم يتغير لما المازر بورد تتغير
هما ممكن يكونوا حطوا نفسه نسخه الويندوز اللى كانت جايه مع الجهاز بس لو هى هى نفس النسخه مش new install يبقى معملوش حاجه
هما بيقولو انهم عملو back up و recovery للنسخه
لاني قولتلهم اني عايزه الحاجه زي ما هي
لو الماذر بورد نفس النوع والموديل مش حيفرق
لو النوع مقارب ليها في التعريفات حتشتغل عادي وحتطلب التعريفات الجديده
الناقصه بس
من غير تنزيل ويندوز من الاول
الباك اب والريكفري بيتاخدوا من علي جهاز شغال مش من علي جهاز بايظاقتباس:
هما بيقولو انهم عملو back up و recovery للنسخه
لاني قولتلهم اني عايزه الحاجه زي ما هي
لانهم علشانياخدوهم لازم يا اما ينقلوا الهارد بتاع حضرتك علي جهاز مشابه للجهاز القديم او انهم يركبولك ماذر بورد جديده تكوننفس النوع والموديل
او والحل الاكيد والاخير ان الجهاز كان فيه عيب بسيط وهما صلحوه ومفيش حاجه اتغيرت
اها
فى برامج بتعمل كدا
انتى ممكن تتاكدى انك تدخلى على الdevice manager وتشوفى الmotherboard data و واكيد هتتاكدى لو كانوا غيروها انك هتلاقى بيانات تانيه غير اللى كانت موجوده فى الجهاز قبل اما يتصلح
لا البيانات هي هي هو اللاب توب ديل ولما هيغيروها اكيد هتبقي نفس components لنفس الموديل ولا ايه انا اتلخبطت خلاص
طيب سامحوني لسؤالي
بس مش هو بالمنطق كده
مش المفروض اني لما اخد باكب من علي جهاز يكون الجهاز ده شغال!!!!!!!!!!!!!!!
ولما هو تاخد منه باكب وهو شغال يبقي راح ليهم ليه لانه اصلا شغال؟؟؟؟
معلش بس انا ضد ان التوكيل يستخف بتفكير العميل
لانهم عملوها معايا كذا مره قبل كده وبهدلتهم
انا لما وديت الجهاز كان شغال عادي بس في ريحه شياط من السماعه ومكنتش شغاله وبتسخن ولما كشفو قالولي ان البورد هي اللي عامله كده وانها لازم تتغير مش هينفع نغير السماعه عشان هيحصل نفس الكلام
انا دماغي مشلوله عن التفكير وفعلا مش عارفه افكر قولت حد يفكرلي ويساعدني
سلام عليكم,
ممكن طبعا يغيروا الmotherboard, و بعدين يرجعوا ال windows القديمة تاني عن طريق برامج بتعمل clone لنظام التشغيل الموجود.
ممكن تتأكدي من الconfiguration الموجود في الDevice Manager. المفترض يكون فيه حاجات جديدة.
علي سبيل المثال لو كارت ال VGA كان built in من نوع معين, ممكن تلاقي النوع أو الموديل متغير عن الأول. و هكذا في باقي أجزاء ال Motherboard.
يا تري استلمتي من التوكيل CD عليها الDrivers بتاعت الMotherboard الجديدة؟
زى ما بتقول الجهاز كان شغال
يبقى ينفع يتعمله backup
انتى مش المفروض كنتى تطلبى منهم المازربورد القديمه ! لانها من حقك انك تاخديها
اه منا عارفه بس اصله حصل حوار كده انه واحد من التوكيل هو اللي عملي الموضع وخلصهولي وبسرعه وجابلي الماذر بتخفيض هوا جبهالي ب 1500 وهي المفروض تبقي 2800 علي حد كلامه وقالي عشان تاخديها تاني هتدفعي تمنها كله لانه هيرجعها وحاجات غريبه كده
انا متطلبتش منه حاجه اصلا بس انا فعلا خايفه ومش عارفه لو حد بيعرف فالاسعار قولولي علما بان كل ده فالتوكيل وده التوكيل الوحيد لديل
مينفعش اجازف وافتحه انا؟؟؟؟؟؟؟؟؟؟:shyy:
معلش انا عارفه اني وجعت دماغو من اول يوم وزهقتكو بس انتو مقدرين اكيد موقفي
والف شكر لبلازر وشنوري واحمد ومحمد
او الحد دا معرفه كويسه يعنى متاكده منه يبقى مفيش مشاكل وانه مش هيسرقك فى حاجه
واعتقد مادام توكيل يبقى اكيد بيدى فاتوره مفصله بكل حاجه اتعملت فى الجهاز
واعتقد انه مفيش حاجه اسمها لو اخدتى الماذر القديمه تدفع 800 جنيه زياده لو فيه خصم الخصم دا هيتكتب فى الفاتوره
ومتخافيش من حاجه لازم تسالى و تستفسرى كويس عشان دول 1500 جنيه فى لابتوب
مش حاجه بسيطه يعنى
لو الجهاز بره الضمان يبقي مفيش حاجه اسمها متاخديش القديمه
ولما هي ب2800 ودفعتي 1500 يبقي ازاي البايظه ب1300 جنيه
من رايي ومن الاخر كده ان اللي حصل في جهازك انه كان فيه سماعه فيها قفله والسماعه اتغيرت
انا مشوفتش سماعات بيلد ان في اجهزه قبل كده او يمكن التكنولوجيا اتغيرت لاني بقالي كتير مفكيتش لاب توب للصيانه
سامحيني لما اقولك انك كنتي ضحيه اشتغاله واشتريتي سماعه ب1500 جنيه
اتاكدي بالظبط من اللي حصل لجهازك
وعليكي وعلي جهاز حمايه المستهلك
وابعتي ايميل للشركه الام عن طريق موقعهم واشرحي فه كل اللي حصل بالتفصيل وشوفي ردهم حيكون ايه
انا قبل كده روحت اغير حجر لساعه رادو قالولي الحجر ملح جوه الساعه
وحتكلف 175 جنيه
قولتلهم هو فيه حجاره ليثيوم بتملح قالولي اه كل الحجاره بتملح
روحت غيرت الحجر ب7 جنيه وبعتت ايميل للشركه الام
لقيت واحد بيتصل بيا وبيقولي ابعتلنا الساعه تاني علشان نعمللها صيانات ونتاكد انها رجعت تاني ضد الميه ونديلك عليها ضمان سنه
وانا طنشت طبعا
دوري علي حقك ومتتساهليش معاهم
التوكيلات دول اكبر حراميه في البلد وبيتعمدوا علي اسمهم وخلاص
شوفى انا هاقولك لو انتى وينوز اكسبى لو غيرتى بروده او هارد ديسك لازم تنزلى ويندوز جديده لان الويندوز بتكون اكتف على الجهاز بتاعها بس وكل جهاز ليه id وبيجى بحسبه معينه من المازربورد مع البروسوسر ولهارد يعنى لو حاجه اتغيرت الويندوز بتتغير وفى الحاله دى كانه جهاز جديد
قبل كده فى الويندوز 98 كنا بنقل عادى خالص وبنعرف وخلاص
بس
برضه فيه كذا طريقة تخليكى تغيرى الويندوز وترجعى كل حاجه بسهوله
لو دخلتى فaccessoscric
system tools
file and seting transfer
بياخد نسخة طبق الاصل من الاعدات والملفات بتاعتك وبيرجع ياخدها تانى على الويندوز الجديد
فيه طريقه اسهل من كده بكتير
افتكي الديفايز مانيجر في من الكنترول بانل وتعالي علي قايمه فيو واعملي شو هيدين درايفر لو فيه حاجه متعرفه مرتين زي الفيجا والهارد والحاجات دي يبقي الماذز اتغيرت لانه بيخفي التعريف اللي مش متاكتف
لو مفيش حاجه هيدين يبقي لازم تاخدي خطوه جريئه معاهم
لو معاكي فاتوره يبقي عليكي وعلي جهاز حمايه المستهلك
دي نمرتهم 19588
ودا موقعهم http://www.cpa.gov.eg/index.htm
لو كلنا دورنا علي حقوقنا حنقدر نفق ضد الاستغلال والجشع بتاع التوكيلات
والله يا انسه دينا كان بيجيلي اجهزه مرفوضه من التوكيل وعيوبها من اتفه ما يكون
الف شكر يا شنوري علي النصيحه طب استني اروح يوم الحد للتوكيل اخليهم يفتحوه الاول عشان ميبقاش ليهم حجه وابقي عملت اللي عليا
واكيد مش هسيب حقي عليا وعلي اعدائي
طيب لما تروحي اوعي تاخدي الفاتوره
خدي معاكي صوره من الفاتوره وحاولي توقعيهم في الكلام عن اللي حصل في الجهاز
لانهم ممكن ياخدوا منك الفاتوره ويقولولك حنراجعها مع قسم الصيانه
ومتشوفيهاش تاني
بس سؤال هو الجهاز في الضمان ولا خلص ضمانه ؟؟؟؟؟؟؟؟؟؟؟؟؟؟؟؟
ولو خلص ضمانه ادولك ضمان علي المازر الجديده (حوالي 3 شهور )
موضوع الويندوز كونة يرجع زى ما هوا دة ملهوش اى علاقة بتغيير البوردة لأنهم بيغيرو ببوردة تانية بنفس موديل الجهاز والمفروض ملهمش دعوة بالهارد خالص والسيستم اللى كان شغال على القديمة يشتغل على الجديدة لأنها بتكون نفس البوردة
ودة مش معناة اطلاقا انهم مغيروش البوردة مش شرط خالص
اللى انا مستغربلة انهم يقولولك عملو باك اب ، لازمتة اية يعنى هما مالهم ومال الهارد اصلا ؟ يمكن بيريحوكى فى الكلام مش اكتر
وطالما ادولك ضمان ست شهور خلاص مفيش داعى للقلق اصلا وبلاش وسوسة
دة كلة طبعا باعتبار جهازك ضمانة خلصان لأنة لو فى الضمان كان المفروض تتغير ببلاش
وصعب شوية يتعرف هل اتغيرت ولا لأ لكن لو مقلقة ممكن تودية لأى حد بتاع صيانة يكون مضمون يفك الجهاز ويحاول يعرف بأى طريقة لأنة فى حاجات بيبان عليها .
طب يا شنوري متعرفش هي ممكن تبقي فحدود كام اصلا سعرها
طيب هاتى موديل الجهاز بالظبط واسم الوكيل وهسألك علي سعرها لأن عندنا فى الشركة قسم مبيعات لابتوب
اسم الوكيل كويست
dell inspirion 6400
شكرا يا استاذ محمد
بصي يا دينا
انتي كدة جهازك من غير ضمان
لان لو بضمان المفروض ما تدفعيش مليم
الا لو بضمان دوللي بياخدو منك مصاريف شحن وفك وتركيب
تغيير مازر بورد عشان سماعات دي جديدة وعمري ما سمعت عنها
بس هيا ديل ليها حاجات عجيبة هيا واي بي ام وجيت واي
لكن بوردة عشان خاطر سماعات دي واسعة قوي قوي
واللي حصل من الراجل ده فيه اشتغالة جامدة
المازر بورد بتاعت الاب توب بتحتوي على كل شيئ
من اول البروسيسور للفيجا وبقية الكروت لغاية البورتات ومخارج اليو اس بي
ما عدا السماعات طبعا
ممكن يكون غيرهالك بجزء من بوردة تانية مش شغالة
لكن طالما دفعتي فلوس كان لازم تستردي القديمة
ولو عايزة تعرفي اتغيرت ولا لاء ممكن ابعتك لاكتر من شركة صيانة اصدقاء لينا في مولات الكمبيوتر يفتحولك ويقوللك اتغيرت ولا لاء
وبالنسبة للتعريفات عمرة ماهاينزل ويندوز لانها بتكون نفس الموديل
ولو فيها حاجة متيرة زي الفيجا بيكون ابديت بس لكن مش هايكون انتل وينزل واحد ati مثلا
دلوقتي انا كلمت التوكيل بساله علي سعر الماذر بورد قالي 1500 قولتله وهاخد القديمه قالي لا ده سعر استبدال عشان تاخديها هتبقي 2250
ايه رايكو فالكلام ده ?
انا حتي مش مصدقاهم انها اتغيرت وعايزاهم يفتحوها واشوف الرقم بنفسي و اخد ال cd
واللي قالقني كمان ان الفاتوره لا عليها ختم ولا اسم التوكيل وانا كنت لوحدي ومعرفش الكلام ده_
قولولي رايكو و تنصحوني بايه
لاء طبعا طالما توكيل لازم يكون فيه اسم وسجل تجاري وبطاقة ضريبية
قوليلوة انتي عايزة فاتورة ضريبية مش بيان اسعار
قوليلة انتي هاتقدمية لشركة وده حقك
ولو لقيتية بيناوش اعرفي انه ماغيرهاش وقوليلة انا طالعة على مكتب حماية المستهلك وانا خاللي اللواء فلان
دول شوية ... ولا بلاش
اليو اس بي بصي عليهم كويس هاتقيهم ناعمين من كتر الاستخدام
بصي على اثر بلج النتورك لو بتستعملية او يو اس بي الماوس
او على اثر الاحتكاك من بلج الباور هاتلاقية برضة متاثر
ولو لسه شاكة قوي قوليلي وهابعتك لناس في مول الكمبيوتر
من سرد الاحداث الماذر بورد لم يتم تغيرها بنسبة 90 %
على استعداد للكشف على اللاب توب وتحديد تغير الماذر بورد من عدمه
موضوع ال2800 و ال 1500 ده طبيعي في شركات الكومبيوتر
إسمه Exchange...
من كام يوم غيرنا قطعة في مكنة التصوير بتاعة الشغل تمنها الأصلي 3400 جنيه....بس دفعنا في الأخر 2800 جنيه فقط و أخذوا القطعة القديمة