المشاركة الأصلية كتبت بواسطة Bassel
اقرا تقييمي
العربية سحبها مش كويس فعلا
والكماليات قليلة بس زي محضرتك شايف العربيات الصيني بقت مليانة كماليات ويمكن كمان اكتر من ال316
بس طبعا موتور البي ام افضل
سحب البي ام ضعيف بس افضل من الجيتا رغم انها اثقل بس ده راجع للمانوال
ثبات البي ام مش محتاج كلام واعتقد انه من افضل العربيات الي موجودة في السوق عندنا يعني مفيش understeer زي كل الجر الامامي ولا oversteer زي كل الجر الخلفي
كفاية انك لو داخل ملف بسرعة جامدة العربية بتعدل مسارك وسرعتك من غير متدوس فرامل
وانت بتغير اتجاهك او بتاخد ملف او بتركن ... المرايات الجانبية ومراية الصالون بيتحركوا يمين وشمال عشان يدوك زاوية رؤية افضل
كماليات البي ام بتفيدك وبتساعدك وانت سايق
البي ام كصاج وعوامل امان افضل من الجيتا بمراحل
وتقفيل افضل كفاية انها متجمعة في المانيا مش المكسيك
والاهم من كده تكنولوجيا الجيتا مبنية علي الجولف 5 من سنة 2003
والبي ام سواقتها ممتعة مقارنة بالجيتا بس في الزحمة متعبة
وفي نفس الوقت بحس ان الجيتا عربية مملة اوي مقارنة بالبي ام
وكمان برضه متنساش البرستيج قدام الناس بمعني انك لو راكب بي ام فاضية افضل من انك تكون راكب جيتا اعلي فئة
الجيتا بتتميز براحة الاوتوماتيك وكثرة الكماليات(معظمها ملهاش لزمة ما عدا الزينون والتكيف الاوتو والباركنج سنسور وكمان ممكن الاستغناء عنهم) وكمان اعلي من البي ام علي الارض
حضرتك بتكلم عن عوامل الأمان الفولكس فاجن معروفة أنك بتكون راكب عربية saftey وأنا حاسس أن صاج البى أم قريب من صاج الجيتا يعنى أنا سألت واحد شغال فى معرض يس أيام ما كنا بندور على 316 وقولته تركب Bmw 316 2006 مستعملة ولا جيتا جديد الرجال رد عليا بكل بساطة وقالى جيتا جديدة طبعا كفايا أنا الجيتا فيها 10 أيرباج بس بصراحة البى أم قاعدتها أحلى من الجيتا بكتير وبرستيج البى أم أعلى بكتير بس أنا عند رأيى Bmw 316 2006 بتدفع أكتر من ثمنها بكتير جدا
وشكرا على أهتمامك يا باشا
تنبيه بمخالفة القاعدة 6 بند أ
ممنوع الكتابة باللون الأحمر حيث أنه مخصص للمداخلات الأدارية
الرجاء مراجعة قوانين المنتدى
_______________
مشرف القسم
المفضلات