حكايتى مع الجنوط الجديدة!!!!!!!!

**hossam_elwani** · 27-03-2009 06:16 AM

عندى عربية نيسان صنى 83 كنت عايز اركبلها جنوط سبور لفيت وكان فى بالى شكل جنط حلو وعاجبنى المهم رحت لاكتر من محل اسال على الجنط ده يرد ويقولى موجود بس مايركبش على العربية عندك عشان السرة الى فيها المسامير مش مناسبه ليه ويفرجنى على موديلات تانية تناسب وضع العربية عندى المهم كل ما اتفرج عند محل ميعجبنيش ولا جنط لحد مارحت لمحل فى اسكندية فى شارع 45 ولقيت جنط عجبنى المشكلة كانت فى الصواميل بتاعت الجنط القديم قالى مينفعش تركب الصوميل يتاعت الجنط القديم على الجديد قلتله طيب ايه الحل قالى عندى صواميل نيكل الصاموله بـ 4 جنيه قولتله ماشى قالى طيب فى مشكلة تانية حتقابنا ان الصامولة المتوفرة فى السوق مقاس 19 (سن داخلى 1.25) وعشان تربطها فى الجنط عنحتاج ناكل من مفتاح الربط(الصليبة) شوية عشان نربط الصامولة كويس قلتله طيب مفيش مقاس اصغر 17 (سن داخلى1.25)
عشان الربط يكون بسهولة اكد لى ان مفيش فى السوق خالص المقاس ده وان المشكلة دى بتقابلة مع كل مودلات اليابانى القديم وانا فعلا رحت سألت بعد كده فى محلين او تلاته على مااتذكر وقلولى مفيش صواميل مخ 17 (1.25 داخلى)

السؤال دلوقتى هل سعر الجنط الجديد شامل الصواميل ؟؟

هل كلامة بخصوص حكاية الصواميل دى صحيح ولا اشتغالة؟؟؟

ايه الحل دلونى لانى مش مطمن وانا ماشى بالعربية كدة الصواميل بربطها بالعافية....

**ma7mo72** · 27-03-2009 10:53 AM

خليك فى السليم يا عم ودور على الصح بلاش الحاجات اللى تقلق دى

**cuppo** · 27-03-2009 02:34 PM

بص يا معلم انا لسه جايب جنط
و مسمايره الانكيه كلها حلو
اوعي تاخد مقاس غير مقاس العربيه
انا مثلا مقاسي كان 1.5
الراجل جابلي كله 1.5 ماعدا واحد فالوالد خد باله و قال الراجل انا هجربلك جاب مساوره 1.5 و ربط المسمار حررقه
باظ و مرضاش يطلع
و بعدين طبعا الجنط بساميره بيبلوفوه النيكل و لو الانكيه بتاخد مفتاح
غير كده بلاش

**mrghost** · 27-03-2009 02:41 PM

عندى نفس الحوار ده بتاع الصواميل فى الريتمو بص صاحبها فعلا واكل شويه من المفتاح الصليبه عند الخراط والحمد لله شغال عادى

**محمد فريد** · 27-03-2009 02:46 PM

أهم حاجة فى العربية الكاوتشات لو مش ركبة صح هتعمل مشاكل

**أشرف فتحى** · 28-03-2009 01:24 AM

المسامير والبلف بتبقى مع الجنط ومن تمنه اصلا

لف كمان شويه ممكن ربنا يهديك لحاجه احسن واريح وارخص وبعد كده اشترى

**sa3dawy** · 28-03-2009 01:38 AM

خليك فى السليم وخلاص وشوف واحد على مقاس عربيتك احسن

**محمد فريد** · 28-03-2009 02:05 AM

المشاركة الأصلية كتبت بواسطة hossamdoaaaa

ايه الحل دلونى لانى مش مطمن وانا ماشى بالعربية كدة الصواميل بربطها بالعافية....

يا جماعة اللى فهمته ان الراجل ركب خلاص عاوزين نشوف حل فى حكاية الصواميل اللى مش بتركب الا بالعافية دى؟

يعنى لاقدر الله لو حب يغير الكاوتش على طريق سفر مثلا هيعمل ايه هتبقى حوسه

**hossam_elwani** · 28-03-2009 04:54 PM

الف شكر على الاراء المفيدة
المهم انا رحت لواحد بتاع جنوط ولقيت عنده مسامير 17 على 1.25 بس قالى رقم خرافى فى تمن الصاموله 10 جنيه !!!! ومش عايز ينزل جنيه واحد يعنى 10 *16 صامولة=160 جنيه ومش لقيهم عند حد غيره لفيت لما تعبت فقولت طيب ابيع الجنط ده واجيب جنط تانى مناسب للصواميل الى عندى ومنه تغيير برضة انا كنت جايبهم بـ 950 جنيه وحالتهم ممتازه سعرهم يبقى كام مستعمل لما اجى ابعهم ؟
وبرضة بفكر اغير الجنط لمقاس 14 واغير الكاوتش بالمرة لانه بقاله 5 سنين وقرب يبنتهى خلاص هل ده مناسب ولا ممكن يعمل مشكلة فى العربية؟

**أشرف فتحى** · 28-03-2009 06:14 PM

المشاركة الأصلية كتبت بواسطة hossamdoaaaa

الف شكر على الاراء المفيدة
المهم انا رحت لواحد بتاع جنوط ولقيت عنده مسامير 17 على 1.25 بس قالى رقم خرافى فى تمن الصاموله 10 جنيه !!!! ومش عايز ينزل جنيه واحد يعنى 10 *16 صامولة=160 جنيه ومش لقيهم عند حد غيره لفيت لما تعبت فقولت طيب ابيع الجنط ده واجيب جنط تانى مناسب للصواميل الى عندى ومنه تغيير برضة انا كنت جايبهم بـ 950 جنيه وحالتهم ممتازه سعرهم يبقى كام مستعمل لما اجى ابعهم ؟
وبرضة بفكر اغير الجنط لمقاس 14 واغير الكاوتش بالمرة لانه بقاله 5 سنين وقرب يبنتهى خلاص هل ده مناسب ولا ممكن يعمل مشكلة فى العربية؟

صورهم واعرضهم لاعلى سعر
بس انا فهمت من كلامك انك كنت بتدور على الجنط بالشكل ده تحديدا
يعنى هاتخسر فى ثمن الجنط وتشترى جديد شكل تانى؟!!
طب ما تشترى الصواميل ام 160 جنيه بدل اللفه دى كلها ولو الصواميل دى نيكل فده فعلا ثمنها