بقيت لانسراوي بس ياريت بقى حد يساعدني في الاسئلة ده

جبت لانسر 2007 اتوماتيك 1600 سي سي النهاردة ودفعت مقدم وهاكمل الباقي الاحد انشالله بس كنت عاوز اروح التوكيل بكرة انشالله عاوز اعرف :-

1-السيارة عاملة 59000 كم فاعاوز اعرف اتعملها صيانة الستين الف ولا لا وتكلفتها كام والتوكيل هايقولي اتعملها ولا لا ؟

2-عاوز ادخلها الفحص عشان يقولي الحالة العامة ليها فهل:-

أ- حالة الموتور
ب- الشاسيه والعفشه للعربية
الحالة الميكانيكية العامة ليها

وياتري بيقول دول وفيه حاجات تانيه بيقولوها لو حبيت اعمل فحص شامل عليها ؟

3-ايه الحاجات المفروض اتاكد منها بعد كدا عشان اكون ماشي بيها مطمن

4-حاسس ان صوت الموتور شديد فهل ده طبيعته عشان ال 1600 طبعا مش شديد اول مابشغلها بس مع دوس البنزين وكدا

شكرا واسف للاطالة

اولا مبروك العربية ربنا يديك خيرها ويكفيك شرها

بخصوص الكشف على العربية فهو بيشمل اولا الشاسيه والبودي وهل فيها حوادث سابقة - لا قدر الله - ولا لأ ، والبوية بتاعتها فابريكه ولا مرشوشة

بعد كده كشف على العفشة وحالتها واحتياجاتها وكشف على المحرك والميكانيكا بشكل عام وحالة التكييف

المفروض صيانة العربية كل 10 آلاف كيلو والصيانة الأساسية بتكون عند الأربعين ثم الثمانين وهكذا كل أربعين فلو العربية عملت صيانة الأربعين يبقى هتحتاج فقط الآن في الستين تغيير زيت وفلتر وكشف على تيل الفرامل لو محتاجه

راجع تفاصيل الصيانات من الموضوع المثبت هنا

أسعار الصيانات الدورية في التوكيل من الألف الى الأربعين ألف

بخصوص مراكز الخدمة التابعة للتوكيل والمعتمدة فهي المذكورة هنا

مراكز الخدمة والصيانة

بالنسبة لمركز قليوب وجسر السويس السبت بيكون زحمة جدا فجسر السويس مش هيقبل العربية بدون حجز ، انما عندنا في قليوب ممكن انما هتتأخر معانا شوية ،لكن لو حضرتك جيت بدري جدا 8 صباحا ممكن تمشي بدري وانا مكتبي في مركز خدمة قليوب ممكن تعدي عليا اول ما تيجي وندخل العربية يتعمل لها صيانة الستين ويا ريت تسأل اللي باعها : هل عمل لها صيانة الأربعين وغير بوجيهات وفلتر بنزين وفلتر هواء وزيت فتيس ولا لأ؟ وهو كان متعود يعمل الصيانات الدورية فين؟

عنوان مركز خدمة قليوب
وصف الطريق الى مركز خدمة قليوب

الف مبرووك
كمل جميلك وقولنا اشتريت بكام والحالة اية

وربنا يباركلك فيها ان شاء الله

شكرا ليك ياباشمهندس طارق بس انا عندي سؤال انا لقيت ضمان العربية مكتوب عليه الروس فهل ده ممكن تتعمل عندكو في قليوب ولا لازم من الرواس واعتقد انها جنبكم بردو ؟؟؟

ولو ماينفعش عندكم بالضمان بيدفع عليها غير ولا ايه النظام انا اول مرة بصراحة اتعامل في كدا فعشان كدا بسال بيكون ايه نظام الضمان وايه الفرق بين ورقة الضمان ولو مافيش ؟

تاني حاجة انا لسة ماحولتش ورق بس معايا رخصتها وورقة الضمان ولسه هاحول التوكيل الاحد انشالله في ينفع بردو تتعامل بالضمان ؟

انا اهم حاجة عند الكشف عليها اتاكد انها مافيهاش عيوب وانها على قد تغير زيوت او كلام بسيط كدا مش اكتر



بالنسبة للسؤال عن ثمنها انا جايبه غالي الفين او تلاته لانها كلاسيك بس الراجل مغير فيها شوية حاجات غير التامين الشامل والرخصة لسة عليها وكمان هوه تبعي فامبصتش للنقطه ده اوي عشان انت عارف لو بتاخد من حد عارفو لازم شوية تنازلات من الطرفين

الف مبروك عليك وربنا يبارك لك فيها

اقتباس:

---

المشاركة الأصلية كتبت بواسطة Samooh_2003

شكرا ليك ياباشمهندس طارق بس انا عندي سؤال انا لقيت ضمان العربية مكتوب عليه الروس فهل ده ممكن تتعمل عندكو في قليوب ولا لازم من الرواس واعتقد انها جنبكم بردو ؟؟؟

ولو ماينفعش عندكم بالضمان بيدفع عليها غير ولا ايه النظام انا اول مرة بصراحة اتعامل في كدا فعشان كدا بسال بيكون ايه نظام الضمان وايه الفرق بين ورقة الضمان ولو مافيش ؟

تاني حاجة انا لسة ماحولتش ورق بس معايا رخصتها وورقة الضمان ولسه هاحول التوكيل الاحد انشالله في ينفع بردو تتعامل بالضمان ؟

انا اهم حاجة عند الكشف عليها اتاكد انها مافيهاش عيوب وانها على قد تغير زيوت او كلام بسيط كدا مش اكتر



بالنسبة للسؤال عن ثمنها انا جايبه غالي الفين او تلاته لانها كلاسيك بس الراجل مغير فيها شوية حاجات غير التامين الشامل والرخصة لسة عليها وكمان هوه تبعي فامبصتش للنقطه ده اوي عشان انت عارف لو بتاخد من حد عارفو لازم شوية تنازلات من الطرفين

---

هي لو ضمان الرواس يبقى الأحسن تكمل معاهم لأن مراكز الرواس مراكز معتمدة من الوكيل مصرية وضمان مصرية ممكن يتعمل فيها انما العكس مش صحيح يعني العربيات الخليجي ضمان الرواس لازم تتعمل الصيانة الدورية في احد مراكز الرواس الأربعة فقط

انما ده لا يمنع ان مراكز خدمة مصرية بتعمل صيانة للخليجي لكن بدون ضمان

عموما مراكز خدمة الرواس الأربعة مذكورين في نفس الاعلان الأحمر اللي في صفحة : مراكز الخدمة والصيانة

موضوع الورق مش هيفرق لأن العربية بتدخل مركز الخدمة بالرخصة فقط وبياناتها مسجلة ببيانات رخصة العربية

وعموما اعتقد كمان مفيش حجز في مراكز الرواس فتقدر تشوف الأقرب لك وتروح له وبالتوفيق

انا كلمت صاحبها قالي انها ضمان مصرية والورقة اللي شوفتها كان مكتوب عليها الرواس وهو قالي انو بيعمل الصيانة في التوكيل وانو ماعملش صيانة ال 60000

انا في اكتوبر في متهيالي اقرب حاجة الرواس المهندسين صح ؟

ولو رحتلو اقولو عاوز عليها كشف شامل الاول ولا هو في صيانة ال 60000 بيعمل كشف شامل ولا كشف الشاسيه والعفشة وكدا ده خارجي لوحدو ؟

اعزوروني للاطالة بس بنسأل اصحاب الخبرة

هو الكشف حاجه والصيانة حاجه

الكشف الشامل تكلفته حوالي 200 جنيه وبيطلع تقرير بحالة العربية

صيانة الستين بحوالي 120 ج + سعر الزيت والفلتر مع الكشف على تيل الفرامل لو محتاج تغيير

خلاص لو كدا ممكن اروح رواس المهندسين على 9 او 10 طالما انو مش بالحجز وعلى كلام المهندس طارق انو نفس جودة التوكيل طالما انو معتمد رسمي من ميتسوبيشي ولو حصل مشاكل اطلع بقى على المهندس طارق :shyy: :B4_611:

لو فعلا حصل حاجة مع الرواس ياترى فيه فرع للتوكيل ممكن نروحو ومايرجعونيش عشان الحجز

شكرا جزيلا ليكم على ردودكم

مبروك عليك ربنا يديك خيرها ويكفيك شرها
بس مش المفروض كنت تفحص قبل الشراء !! ولا ايه؟؟