/.::حرب " الأهرام" و "الأخبار" حول السيارة " إكسبلوجن الصينية"-حرب مصالح أم للمستهلك؟

الأسبوع اللى فات فى ملحق الجمعة للاهرام ... عنوان ضد السيارة الصينية إكسبلوجن وقلة اهتمام الوكيل بها وتقديمه لطراز تانى دون الاهتمام بالعملاء والخدمة ( على حد قولهم )
-
يوم السبت ( تانى يوم ) ملحق الأخبار ..:fun_36_3_4[1]: يشيد بالسيارة والموديل الجديد ( الفلتة ) - على حد تعبيرهم - و حيكسر الدنيا و كلام من اللى انتم عارفينه بتاع الأستاذ ...:B4_611:
-----------------------
النهاردة فى الجمعة .. تانى ....(( مشاكل بالجملة للسيارة الصينية )) -- بجد حرام .. مين يوقف المهازل دى .. الناس دى معندهاش ضمير مهنى ولا أى حاجة ..
-
يعنى هى دى العربية الوحيدة اللى فى السوق المصرى اللى بها مشاكل وصينى ... ( أول مرة أشوف الأهرام فى الصفحة الأولى للملحق تهاجم عربية أو وكيل علشان عيوب فيها أو تقصير فى الخدمة ::: ههه
-
و مش اول مرة أشوف فى اخبار اليوم فى الملحق تعظيم و تكبير بعربية فى بلدها محدش بيركبها ( مش قصدى اكسبلوجن بالذات )
-
والله الملحقين سقطوا من نظرى ودى مش أول حرب بينهم ... فاكرين الحرب ما بين خالد أباظة و توكيل العربية الجيب كومودو ... وانتهت الحرب باعلان الوكيل عن سيارته فى الخبار زيه زى بقيت التوكيلات ومن ساعتها والعربية فى نظر ملحق الأخبار بدون عيوب ( بعد ماكانت على شاسيه نص نقل ) والخدمة زى الفل .. والقاشية معدن على رأى ( مدحت صالح ) ..:B4_039:
-
:8954[1]:
حسبى الله ونعم الوكيل .. ولنا الله ...
-
فى شويه أيام كده من كذه سنة .. الجمهورية خصصت فى ملحق السيارات مقال عن شكاوى حماية المستهلك وبدأوا يذكروا نوع العربيات وأسماء الشاكيين .. وكانت الفضائح على عينك يا تاجر ...
المقال ده استمر 3 أساببيع واختفى بعد رفع بعض الموزعين قضايا تشهير على الجريدة .. وكان أشهرهم السبع أوتو بعد ظهور عيب فى أحد السيارات المباعة وكانت باسات ..
---------------------------
الظاهر مفيش فايدة:Ka_che1[1]:

والله أنا حزين على حال الأهرام بالذات لأني من قرائها، مستواها انحدر وماعادش فيه احترافية في أي حاجة من أول المقالات الصغيرة لغاية المقالات السياسية، من ساعة ما "مرسي ابن المعلم زناتي" مسك مجلس الإدارة والجريدة مستواها بقى طين ودلوقتي بافاضل بين المصري اليوم أو الشروق الجديد. (غالباً هارسى على الشروق لأن المحترمين اللي في الأهرام سابوها وأسسوا الشروق)

وشكراً على ملاحظتك اللي أكيد في محلها وقلبت علي المواجع

1000000% حرب مصالح
مش عايزة كلام

يا باشا عمرك ما تفكر تاخد معلومة عن اى عربية من الجرايد
كلهم ماشين مع الوكيل بنظام افتكرنى بالشاى اقول على عربيتك بوجتى فيرون
هنفضلى هتطلعلك قيها القطط الفطسانة
وعجبى

ما هو كله بحسابه

عدم المصداقية بقي اصلي عندنا في مصر
"" ابجني تجدني ""
علامة مسجلة في جميع المصالح الحكومية

شاربين شاي بالياسمين :)

فـــــــــــــــســــــــ ـــــــــــاد ..

اقتباس:

---

المشاركة الأصلية كتبت بواسطة eslamwega

يا باشا عمرك ما تفكر تاخد معلومة عن اى عربية من الجرايد
كلهم ماشين مع الوكيل بنظام افتكرنى بالشاى اقول على عربيتك بوجتى فيرون
هنفضلى هتطلعلك قيها القطط الفطسانة
وعجبى

---

أنا أتفق تماما مع الأخ إسلام ويجا لسبب واحد المفروض يكون كل الناس عارفينه وهو أن ملاحق الجرائد بصفة خاصة هي جرائد ممولة من المعلنيين ، يعني المقالات والموضوعات هي أحد أنواع أو أشكال الإعلان يعني كله بحسابه،

الخلاصة لا يمكن الاعتماد على هذه الملاحق في اي معلومة الا في حاجة واحدة فقط وهي أين تباع السيارات وأسعارها فقط لا غير

اللهم ما بلغت واللهم فأشهد

:dzey:
الاعلام الحكومي الغير زكي على الاطلاق"اكتر تعبير مؤدب عشان عيب نقول حاجه تانيه" حتى ف الهجوم او التلميع.
والقصه دي مش جديده يعني وكلنا عارفين كدا
وربنا يصلح الحال

اقتباس:

---

المشاركة الأصلية كتبت بواسطة ahmad7610

الظاهر مفيش فايدة:Ka_che1[1]:

---

لو بطلنا نحلم نموت يا احمد
بكره ان شاء الله احلى !!!
لازم تبص للجانب المشرق من الصوره حتى لو كان صغير
والا هتبقى الحياه ملهاش طعم ولا لون ولا اي ريحه

فعلا انا قريته فى اول صفحة على الشمال و استعجبت جدا لان بصراحة بهدلوا الوكيل و العربية .

من امتى الناس دى بتهتم بالمستهلك. طالما فى مصالح و اعلانات و فلوس فى المواضيع، يبقى قول على المستهلك السلام

لو بطلت تعمل اعلانات هتتظبط

يعنى كل العربيات والوكلاء فى مصر زى الفل ودول هما اللى عربيتهم وحشة

انا كش بدافع عن العربية انا مركبتهاش او اعرف حد ركبها بس انا بتكلم فى عربيات وتوكيلات فيها بلاوى اشمعنى دية اللى مسكنها
ويعنى اية هجوم عليها فى ملحق اهرام الجمعة ووصلة مدح فى ملحق اخبار السبت :pointi~2[2]:

و هى من امتى ماكانتش حرب مصالح!

بيفكرونى بملحق سيارات صوت الامه اللى كان بيهاجم كل العربيات الصينى فى بدايه الهوجه (الجيلى والشيرى واللوبو) ومكنش بيسيب اى عربيه وفضلت اتابع ملحق صوت الامه اسبوعيا لمده حوالى شهرين الا ان شعرت بالملل من تكرار الهجوم وبعدها ب4 سنين بالصدفه بشترى صوت الامه قلت ابص على اللى حصل فى الملحق لقيت فى اول صفحه اعلان للعربيه ال sma بتاعت ابوغالى والله قعدت اضحك على اللى بيحصل فى ملاحق السيارات فى البلد دى
=======
الاهرام ماسكه المسلمى غسيل ومكواه بقالهم كام اسبوع تقريبا المعلم نفضلهم واعتمد على انه يسوقها فى الاخبار -الجريده طبعا- وطبعا الاخبار مكدبتش خبر وعماله تشكر على العربيه جاااااااااااامد واولهم الع** -افهموها انتوا بقى -الكبير خالد اباظه
خلاصه القول اللى بيحصل فى الجرايد اليومين دول عن العربيه دى بيدل على حاجتين :
-ان كل ملاحق السيارات ومجلات السيارات المصريه زباااااااااااااااااااله وتفتقد الى المصداقيه فى اى شىء وماشيه بمنطق نفعنى وانفعك وملعون الزبون
-الحاجه التانيه وبرضه مرتبطه بالحاجه الاولانيه ان الصحافه دى غبيه قوى الاخبار بتشكر فى العربيه علشان جايه من توكيل قوى وله اسم فى السوق يبقى العربيه تماااااااام والاهرام بتشتم الوكيل من انتظار الناس بالساعات وعدم توافر قطع الغيار وكثره الاعطال يعنى كلام عايم مفرقش عن كلام المصاطب لامؤاخذه !!!!!!!!!!!!!!
من الاخر كده الموضوع ريحته فاحت والغسيل اللى مش نضيف -الو** يعنى- اتنشر على الملا
الناس دى بتتاجر على الزبون واحسن حل ان العربيه دى يتنفضلها وخلاص والكل يخبط دماغه فى الحيط بس للاسف الاهرام هتفرح قوى

للاسف الشديد الصحف القوميه لاتتمتع باي حياديه او نزاهه ..مفيش احسن من النت هو الوحيد اللي تقدر تعرف منه الحقيقه بكل حريه

الحكاية بسيطة جدا
معظم محرري اخبار السيارات بيستغلوا ثقة القراء الغلابة المقبلين علي الشراء وبيعتبرو نفسهم بوق دعاية من خلال صفحات الجريدة
وبالايجار للي يدفع اكتر
ومش بعيد تلاقي نفس الصحفي او الكاتب يغير رايه 180 درجة خلال شهر لمجرد توقف المقابل

والمثال اللي قدامنا دلوقتي لصحفي او محرر قبض والتاني لا وبالتالي غيران وبيحاول يلفت نظر التوكيل علشان يفتحوا مخهم معاه شوية
ولو حصل الوضع حيتغير


تحياتي

اقتباس:

---

المشاركة الأصلية كتبت بواسطة mazagngi2010

بيفكرونى بملحق سيارات صوت الامه اللى كان بيهاجم كل العربيات الصينى فى بدايه الهوجه (الجيلى والشيرى واللوبو) ومكنش بيسيب اى عربيه وفضلت اتابع ملحق صوت الامه اسبوعيا لمده حوالى شهرين الا ان شعرت بالملل من تكرار الهجوم وبعدها ب4 سنين بالصدفه بشترى صوت الامه قلت ابص على اللى حصل فى الملحق لقيت فى اول صفحه اعلان للعربيه ال sma بتاعت ابوغالى والله قعدت اضحك على اللى بيحصل فى ملاحق السيارات فى البلد دى
=======
الاهرام ماسكه المسلمى غسيل ومكواه بقالهم كام اسبوع تقريبا المعلم نفضلهم واعتمد على انه يسوقها فى الاخبار -الجريده طبعا- وطبعا الاخبار مكدبتش خبر وعماله تشكر على العربيه جاااااااااااامد واولهم الع** -افهموها انتوا بقى -الكبير خالد اباظه
خلاصه القول اللى بيحصل فى الجرايد اليومين دول عن العربيه دى بيدل على حاجتين :
-ان كل ملاحق السيارات ومجلات السيارات المصريه زباااااااااااااااااااله وتفتقد الى المصداقيه فى اى شىء وماشيه بمنطق نفعنى وانفعك وملعون الزبون
-الحاجه التانيه وبرضه مرتبطه بالحاجه الاولانيه ان الصحافه دى غبيه قوى الاخبار بتشكر فى العربيه علشان جايه من توكيل قوى وله اسم فى السوق يبقى العربيه تماااااااام والاهرام بتشتم الوكيل من انتظار الناس بالساعات وعدم توافر قطع الغيار وكثره الاعطال يعنى كلام عايم مفرقش عن كلام المصاطب لامؤاخذه !!!!!!!!!!!!!!
من الاخر كده الموضوع ريحته فاحت والغسيل اللى مش نضيف -الو** يعنى- اتنشر على الملا
الناس دى بتتاجر على الزبون واحسن حل ان العربيه دى يتنفضلها وخلاص والكل يخبط دماغه فى الحيط بس للاسف الاهرام هتفرح قوى

---

كلام سليم 100%

اقتباس:

---

المشاركة الأصلية كتبت بواسطة TaoTao

والله أنا حزين على حال الأهرام بالذات لأني من قرائها، مستواها انحدر وماعادش فيه احترافية في أي حاجة من أول المقالات الصغيرة لغاية المقالات السياسية، من ساعة ما "مرسي ابن المعلم زناتي" مسك مجلس الإدارة والجريدة مستواها بقى طين ودلوقتي بافاضل بين المصري اليوم أو الشروق الجديد. (غالباً هارسى على الشروق لأن المحترمين اللي في الأهرام سابوها وأسسوا الشروق)

وشكراً على ملاحظتك اللي أكيد في محلها وقلبت علي المواجع

---

فعلا الاهرام بقى تل زباله وبال>ات الاصلع اللى اسمه سرايا ولا عصايا مش عارف للاسف بس هو مش غريبه على بلد انباعت وشعب شبع موت
:fun_36_3_4[1]:

انا برضه متابع الموضوع ده
وواضح انه حرب مصالح واعلانات

حرب مصالح واعلانات

اكيد تصليل ومصالح
دلوقت لما بشوف الناس دي بتشكر في عربية بعرف انها عربية واقعة والتوكيل بتاعها مشربه شاي بالياسمين عشان يكتبو شعر فيها

وتبدا في سماع اخبار عن ان الدفعة الأولى والتانية والتالتة والعاشرة خلصت من الإقبال الرهيب من المشترين وتدور على العربية ماتلاقيهاش في الشارع إلا نادرا :pointi~2[2]:

اللي بيكدب حسابه عسير فما بالك لو كان الكدب على شعب كامل والكدبة دي ممكن تخللي واحد يدفع تحويشة عمرة في العربية اللي دفعاتها عمالة تخلص وهي مش موجودة؟
يمكن لابسة طاقية الإخفا
أو ممكن تكون الدفعة عبارة عن عربية واحدة :8954[1]:

==
عمرو
==

اقتباس:

---

المشاركة الأصلية كتبت بواسطة amrico

اكيد تصليل ومصالح
دلوقت لما بشوف الناس دي بتشكر في عربية بعرف انها عربية واقعة والتوكيل بتاعها مشربه شاي بالياسمين عشان يكتبو شعر فيها

وتبدا في سماع اخبار عن ان الدفعة الأولى والتانية والتالتة والعاشرة خلصت من الإقبال الرهيب من المشترين وتدور على العربية ماتلاقيهاش في الشارع إلا نادرا :pointi~2[2]:

اللي بيكدب حسابه عسير فما بالك لو كان الكدب على شعب كامل والكدبة دي ممكن تخللي واحد يدفع تحويشة عمرة في العربية اللي دفعاتها عمالة تخلص وهي مش موجودة؟
يمكن لابسة طاقية الإخفا
أو ممكن تكون الدفعة عبارة عن عربية واحدة :8954[1]:

==
عمرو
==

---

لا هما كلامهم صح
هما فعلا جابوا عشر دفعات
بس الدفعة بتبقى عربيتين ولا تلاتة بس :biggrin::biggrin::biggrin:

التهريج والفساد عدم المهنية الفاضح اللي في ملحق سيارات الأهرام نسخة مضغرة للي بيحصل في الأهرام كله..الحقيقة الجريدة مستواها في النازل وكل يوم ينتزل اكتر واكتر...أنا بطلت اعتمد على الأهرام نهائيا وبقيت بحيب المصري اليوم وأعرف ناس كتير جدا عملوا زيي..فاكر مرة بدردش مع بياع جرايد مشهور في ميدان التحرير قاللي أن المصري اليوم بقى بيبيع عنده أكتر من الأهرام يحوالي الف نسخة..في النهاية الناس بتعرف تفرز بين الكويس والردىء..

بسم الله الرحمن الرحيم
أولاً : بمسي علي كل الأخوة اللي في المنتدي .
ثانياً : في معلومة لازم أصلحها ملحق الأخبار كان مطلع القطط الفطسانة في العربية اللاند روك وهي لنفس الشخص بتاع الكسبلوجن ولما الرال بعت الحملة الإعلانية بتاعته عند الأخبار بقت اللاند روك والكسبلوجن وكمان معاه توكيل تاني بيبع عربية اسمها ايديا بقت احسن عربيات في السوق .
اللي انا مستغربله أن مؤسسة الأهرام طول عمرها محترمة هي وملحق السيارت بتاعها وعمرهم ما هاجموا اي عربية .
وعلي العكس مؤسسة الأخبار مش هنقول مش محترمة بس في تحفظات كتير عليهم غير ان ملحق السيارات بتاع الأخبار متوظف لمصلحة ناس بعينهم واللي بيدفع بيبقي كويس واللي مش بيدفع بيبقي اسواء توكيل عموما هي دي مصر .
وعلي رأي أحد أعضاء منتدنا المحترم
لو لم أكن مصرياً لو وددت أن أكون أي جنسية أخرى .
وشكراً علي سعة صدركم

اقتباس:

---

المشاركة الأصلية كتبت بواسطة fathi_8290

بسم الله الرحمن الرحيم
أولاً : بمسي علي كل الأخوة اللي في المنتدي .
ثانياً : في معلومة لازم أصلحها ملحق الأخبار كان مطلع القطط الفطسانة في العربية اللاند روك وهي لنفس الشخص بتاع الكسبلوجن ولما الرال بعت الحملة الإعلانية بتاعته عند الأخبار بقت اللاند روك والكسبلوجن وكمان معاه توكيل تاني بيبع عربية اسمها ايديا بقت احسن عربيات في السوق .
اللي انا مستغربله أن مؤسسة الأهرام طول عمرها محترمة هي وملحق السيارت بتاعها وعمرهم ما هاجموا اي عربية .
وعلي العكس مؤسسة الأخبار مش هنقول مش محترمة بس في تحفظات كتير عليهم غير ان ملحق السيارات بتاع الأخبار متوظف لمصلحة ناس بعينهم واللي بيدفع بيبقي كويس واللي مش بيدفع بيبقي اسواء توكيل عموما هي دي مصر .
وعلي رأي أحد أعضاء منتدنا المحترم
لو لم أكن مصرياً لو وددت أن أكون أي جنسية أخرى .
وشكراً علي سعة صدركم

---

:dontudear: :dontudear: مين اللى قال لحضرتك إن المسلمى وكيل اللاندروك والايديا وكيل الايديا واللاندروك هويدى موتورز

اقتباس:

---

المشاركة الأصلية كتبت بواسطة TaoTao

والله أنا حزين على حال الأهرام بالذات لأني من قرائها، مستواها انحدر وماعادش فيه احترافية في أي حاجة من أول المقالات الصغيرة لغاية المقالات السياسية، من ساعة ما "مرسي ابن المعلم زناتي" مسك مجلس الإدارة والجريدة مستواها بقى طين

---

اعتقد ان الاهرام مستواها بقى طين من ساعة ابن سرايا مسك رئاسة تحريرها، ابن المعلم الزناتي مالوش دعوة!!

انا كل يوم باشترى الاهرام والمصرى
الاهرام عشان اشوف الكدب والمصرى عشان اعرف الحقيقة

انا بردة استغربت جدا من الموضوع دة والنهاردة فى اعلانات للمسلمى على قنوات ملودى بتاعت الاغانى فى الحتة الى بيطلع فيها اسم الكليب والمغنى فى الاخر بيطلع اسم المسلمى وصورة صغيرة للعربية اظاهر بيعوض الى عملتة فية الاهرام

و كما قال جيرى ماجوير
Show me the moneeeeeyyyy

اقتباس:

---

المشاركة الأصلية كتبت بواسطة osoliman88

أنا أتفق تماما مع الأخ إسلام ويجا لسبب واحد المفروض يكون كل الناس عارفينه وهو أن ملاحق الجرائد بصفة خاصة هي جرائد ممولة من المعلنيين ، يعني المقالات والموضوعات هي أحد أنواع أو أشكال الإعلان يعني كله بحسابه،

الخلاصة لا يمكن الاعتماد على هذه الملاحق في اي معلومة الا في حاجة واحدة فقط وهي أين تباع السيارات وأسعارها فقط لا غير

اللهم ما بلغت واللهم فأشهد

---

و حتى الأسعار بتبقى غلط سعات كتيرو ما بيبقاش فيها حاجة صح إلا من رحم ربى

الأساتذة والأخوة المحترمين،

بوصفي محرّراً من أبناء تلك المهنة الشاقة، يؤسفني جداً أن أتّفق معكم في هذا الأمر.. ودعوني أكثر أوضحه لكم..

لقد كتبت في معظم مجلات السيارات في مصر منذ ما يقرب من 3 أعوام، وجميعها تتّفق على أمر واحد.. المُعلن أولاً وقبل أي شيء آخر.. ولاقيت الأمرّين لكي أوضح لمسؤولي المجلات التي أكتب لها، بل والتي أصبحت مديراً لتحرير إحداها، أننا يجب أن نتكلم عن السيارة الفلانية أو العلانية بكل حيادية، فليس هناك سيارة واحدة في العالم غير قابلة للنقد، حتى البوجاتي فايرون بها مشاكل وأؤكد لكم هذا.. ولكن لا تجد نداءاتي أذناً تصغى..وأنا مسؤول عن كلامي هذا، لا يوجد مجلة أو ملحق للسيارات في مصر يستطيع أن يغضب المعلن، بل والأدهى من ذلك، لا توجد للأسف الشديد صحافة سيارات في مصر...!!!!

الأخوة الأعزاء،

يسعدني أن أسرد لكم بالتفصيل أسباب اتهاماتي أعلاه..

أولاً: ملاحق السيارات كانت تسبّب عبئاً في يوم من الأيام على الصحف بسبب ما كان يُعد نزاهة وقتها.. ولكن النزاهة لا تؤكّل عيشاً، لذا باتت الصحف تعلن لهذا ولذاك دون أدنى مصداقية، فهل تتذكرون الفرسان؟!
وذلك على الرغم من أن تلك الملاحق تتبع مؤسسات قومية تُديرها وتصرف عليها، ولكن ومع مرور الوقت، باتت تلك الملاحق الفرخة التي تبيض ذهباً، فالكل يُريد أن يعلن والكل يريد أن يستفيد من شهرة تلك الملاحق التي لا تُقدّم مضموناً صحافياً يعتد به، وإنما إعلانات لهذا وذاك فقط..

ثانياً، بالنسبة للمجلات، فهي معذورة نوعاً ما، لأن ما يديرونها أشخاصاً قبل أي شيء آخر، لذا يهمهم المكسب الذي لن يأتي إلا بالتملّق، أو على أقل تقدير، عدم إغضاب المعلن بالتكلم بسوء عن سياراته أو بعيوب فيها.. لذا نجد أن كافة السيارات في مصر دون عيوب، أللهم إلا التي لا تعلن عند تلك المجلات..

أقول لكم كلمة في سركم دون ذكر أسماء، هناك مجلات وملاحق بعينها تشن هجوماً على "بي إم دابليو" و"هيونداي" و"مرسيدس" وغيرهم، لأن هؤلاء رفضوا الإعلان عندهم.. إذن لنريهم العين الحمراء!

ثالثاً: نجيء لنقطة مهمة جداً، الصحفي المعني بشؤون السيارات.. دعني أوضح لكم أنه الصحافيين المحترفين المعنيي بالسيارات معدودين على الأصابع في مصر..

لماذا؟!

لأن تلك المهنة صعبة، وتتطلّب مهارات خاصة، ومعرفة تامة باللغة الإنجليزية من جهة، ومصطلحات السيارات التقنية من جهة أخرى..
لذا نجد أن معظم الصحفيين في ذلك المجال، يمجدون في تلك السيارة أو تلك، لأنهم بكل بساطة لا يعرفون أي شيء عنها، ويجدون أن مصادرهم سواء كانت عبر مجلات السيارات الأجنبية أو النشرات الصحفية للشركات الأم وغيرها، تُعد طلاسم بالنسبة لهم.. لذا فإنه من الأفضل زيادة عدد كلمات المقال بعبارات من نوعية "هذه السيارة رائعة وفائقة الجمال، بل وتعد أفضل سيارة في العالم وأدائها مبهر ووووووووو"!

أقول لكم شيئاً آخر للتأكيد..

لهؤلاء المتابعين للمجلات الخليجية والعربية المختصة بالسيارات أقول لهم، كم صحفي مصري يكتب لهم؟!! وستعرفون بكل تأكيد من المصري من غيره من خلال ملاحظة الأسماء الشهيرة في بلدان الخليج ولبنان..

خلاصة القول، لازلت أرى ضوءاً خافتاً في نهاية ذلك النفق المظلم، حيث لازلت أحلم بإعلاء شأن صحافة السيارات في مصر، بل وإعلاء شأن صحافيها في جميع البلدان العربية بما يليق باسم مصر.. وصدقوني ليس هذا شعارات، ولكن من المحزن جداً في بلد الـ 80 مليون مصري أن نرى أن الصحافيين المختصين بالسيارات الحقيقيين معدودين على الأصابع، في الوقت الذي يسيطر فيه اللبنانيين خصوصاً والخليجيين عموماً على مقدّرات هذه المهنة!

انا راي ان هؤلاء الناس فقدوا مصدقياتهم امام الراي العام و بالتالي حتى لو كلامهم صحيح الناس بتخدوا على محمل الشك و الريبة و هم اليوم يجنون ما زرعوه سلفا

الموضوع كان مشهور اوى بين العاملين بالمجال ده بسبب مشكله ما بين الاهرام ووكيل العربيه على حمله دعايا

انتهت بمحاوله الاهرام لتشويه سمعه العربيه فى السوق

حركه لا تليق بجريده كبيره زى الاهرام ونقطه سوداء مش هتتنسى بسهوله مر عليها وقت لكن حتى الان الكل فاكرها وغيرت نظره وكلاء كتير للأهرام

من المعروف جدا المقالات اللى كلها شكر واللى بتكون مبنيه على اساس مجامله وعلاقات او حتى كحمله دعايا مدفوعه الاجر ولكن نادرا لما تشوف العكس زى ما حصل فى الاكسبلوجان

اقتباس:

---

المشاركة الأصلية كتبت بواسطة citadeldeath

الأساتذة والأخوة المحترمين،

بوصفي محرّراً من أبناء تلك المهنة الشاقة، يؤسفني جداً أن أتّفق معكم في هذا الأمر.. ودعوني أكثر أوضحه لكم..

لقد كتبت في معظم مجلات السيارات في مصر منذ ما يقرب من 3 أعوام، وجميعها تتّفق على أمر واحد.. المُعلن أولاً وقبل أي شيء آخر.. ولاقيت الأمرّين لكي أوضح لمسؤولي المجلات التي أكتب لها، بل والتي أصبحت مديراً لتحرير إحداها، أننا يجب أن نتكلم عن السيارة الفلانية أو العلانية بكل حيادية، فليس هناك سيارة واحدة في العالم غير قابلة للنقد، حتى البوجاتي فايرون بها مشاكل وأؤكد لكم هذا.. ولكن لا تجد نداءاتي أذناً تصغى..وأنا مسؤول عن كلامي هذا، لا يوجد مجلة أو ملحق للسيارات في مصر يستطيع أن يغضب المعلن، بل والأدهى من ذلك، لا توجد للأسف الشديد صحافة سيارات في مصر...!!!!

الأخوة الأعزاء،

يسعدني أن أسرد لكم بالتفصيل أسباب اتهاماتي أعلاه..

أولاً: ملاحق السيارات كانت تسبّب عبئاً في يوم من الأيام على الصحف بسبب ما كان يُعد نزاهة وقتها.. ولكن النزاهة لا تؤكّل عيشاً، لذا باتت الصحف تعلن لهذا ولذاك دون أدنى مصداقية، فهل تتذكرون الفرسان؟!
وذلك على الرغم من أن تلك الملاحق تتبع مؤسسات قومية تُديرها وتصرف عليها، ولكن ومع مرور الوقت، باتت تلك الملاحق الفرخة التي تبيض ذهباً، فالكل يُريد أن يعلن والكل يريد أن يستفيد من شهرة تلك الملاحق التي لا تُقدّم مضموناً صحافياً يعتد به، وإنما إعلانات لهذا وذاك فقط..

ثانياً، بالنسبة للمجلات، فهي معذورة نوعاً ما، لأن ما يديرونها أشخاصاً قبل أي شيء آخر، لذا يهمهم المكسب الذي لن يأتي إلا بالتملّق، أو على أقل تقدير، عدم إغضاب المعلن بالتكلم بسوء عن سياراته أو بعيوب فيها.. لذا نجد أن كافة السيارات في مصر دون عيوب، أللهم إلا التي لا تعلن عند تلك المجلات..

أقول لكم كلمة في سركم دون ذكر أسماء، هناك مجلات وملاحق بعينها تشن هجوماً على "بي إم دابليو" و"هيونداي" و"مرسيدس" وغيرهم، لأن هؤلاء رفضوا الإعلان عندهم.. إذن لنريهم العين الحمراء!

ثالثاً: نجيء لنقطة مهمة جداً، الصحفي المعني بشؤون السيارات.. دعني أوضح لكم أنه الصحافيين المحترفين المعنيي بالسيارات معدودين على الأصابع في مصر..

لماذا؟!

لأن تلك المهنة صعبة، وتتطلّب مهارات خاصة، ومعرفة تامة باللغة الإنجليزية من جهة، ومصطلحات السيارات التقنية من جهة أخرى..
لذا نجد أن معظم الصحفيين في ذلك المجال، يمجدون في تلك السيارة أو تلك، لأنهم بكل بساطة لا يعرفون أي شيء عنها، ويجدون أن مصادرهم سواء كانت عبر مجلات السيارات الأجنبية أو النشرات الصحفية للشركات الأم وغيرها، تُعد طلاسم بالنسبة لهم.. لذا فإنه من الأفضل زيادة عدد كلمات المقال بعبارات من نوعية "هذه السيارة رائعة وفائقة الجمال، بل وتعد أفضل سيارة في العالم وأدائها مبهر ووووووووو"!

أقول لكم شيئاً آخر للتأكيد..

لهؤلاء المتابعين للمجلات الخليجية والعربية المختصة بالسيارات أقول لهم، كم صحفي مصري يكتب لهم؟!! وستعرفون بكل تأكيد من المصري من غيره من خلال ملاحظة الأسماء الشهيرة في بلدان الخليج ولبنان..

خلاصة القول، لازلت أرى ضوءاً خافتاً في نهاية ذلك النفق المظلم، حيث لازلت أحلم بإعلاء شأن صحافة السيارات في مصر، بل وإعلاء شأن صحافيها في جميع البلدان العربية بما يليق باسم مصر.. وصدقوني ليس هذا شعارات، ولكن من المحزن جداً في بلد الـ 80 مليون مصري أن نرى أن الصحافيين المختصين بالسيارات الحقيقيين معدودين على الأصابع، في الوقت الذي يسيطر فيه اللبنانيين خصوصاً والخليجيين عموماً على مقدّرات هذه المهنة!

---

والله يا فندم المواهب كتير ومحترفين لأبعد الحدود فى كتابه التقارير والمقالات التقنيه عن السيارات

ولكن كما تعلم ايا كانت المجله او الجريده التى يعمل بها دائما ما تطلب مقالات عن سياره ما مع ملاحظات كثيره عن ضروره التحدث عن الوكيل او عرض جديد للسياره والتشدد فى عدم اظهار اى وجهه نظر شخصيه فى المقاله او نقد اى شئ

المحترفون كثيرون جدا ولباقه الكاتب المصرى وقوه اسلوبه اراها الاقوى بلا منازع فى مجال السيارات ولكن اين المجله التى تملك الدعم المادى الكافى لتستطيع النجاح فقط بمكسب الجمهور دون التذلل لاعلانات ؟؟

كما تعلم المكسب من الطبع والبيع يكاد يكون معدوم بل بالعكس مجلات شهيره جدا لمن لا يعلم طبع الاعداد يخسرها مبالغ طائله ولكن الاعلانات هى المعوض الاساسى للخسائر ومن ثم الباقى هو المكسب ان هاجمت سياره وقف وكيلها حمله الدعايا وخسرت المجله مصدر الدخل الوحيد

الموضوع اكبر من مجرد احتراف الصحفيين يا سيدى الفاضل ولكن ضعف الموارد بعكس الخليج هى اساس المشكله

دى مجرد دعاية واعلانات مدفوعة الاجر الغرض منها التسويق والتسويق فقط بغض النظر عن اى حاجة تانية زى اعلانات الزيت والشاى اللى مالية التليفزيون

باينة اوي انها هجوم مدفوع الاجر

الله يخرب بيت الي كان السبب في انهيارنا

يا سيدي الفاضل
القائمين على هاتين الجريدتين وجريدة الجمهورية عبارة عن مجموعة من المنافقين والآفاقين المرتشين الفاسدين :beatdeadhorse5: :beatdeadhorse5: :beatdeadhorse5: