الى اهل الخبرة00 اية رايكم فى تحويل السيارة للعمل بالغاز الطبيعى؟؟
اللى عندة معلومة او تجربة ياريت يقولها
الى اهل الخبرة00 اية رايكم فى تحويل السيارة للعمل بالغاز الطبيعى؟؟
اللى عندة معلومة او تجربة ياريت يقولها
بص يا باشا
المعلومة دى اخدتها من سواق تاكسى
قالى مشكلة الغاز الوحيدة انها بتاكل فى الماتور و بتقلل من عمره
الغاز موفر جدا جدا بس فيه عيوب في الشتاء بيبقي في صعوبه شويه في تشغيل السياره بعد التسخين بيبقي تمام سحب السياره بيقل والتجميع طبعا الشنطه بتبقي شبه مش موجوده غير كده بيبقي عملي جدا و لو داخل علي محطه و فيها طابور تاكسي بتخش انت علي طول و التفويله تقريبا بتعمل 200 كيلو متر
توفر بنزين وتخسر الموتور ليــــه !!
معلش بس ده علشان تحطه فى زهن حضرتك ..
لو الغاز الطبيعى كان له فائدة 1% غير توفير البنزين و عدم التلوث .
كانت شركات السيارات استغنت عن البنزين من زمــــــــــــان ..
متابع باهتمام
والله يا جماعة انا شايف انة يستاهل لو العربية مش جديدة
يعنى لو العربية اللى معاك موديل التسعينات
اعتقد انة يستاهل
تخيل انك تمون فى الاسبوع ب 5 او 10 جنية
وبعدين استهلاك الملاكى مش زى التاكسى
التاكسى طول النهار والليل بيلف
يعنى التاكسى اللى اشتكى من الموتور بعد سنتين او تلاتة
الملاكى هيحس بيها بعد 10 سنين
بس لو الشنطة صغيرة 00فعلا دى مشكلة
معقول مفيش ولا واحد فى المنتدى حول لغاز؟؟
أتفق مع سيادتكم فى العيوب التي أوردتها و أضيف عليها أن سعر تركيب مجموعة التحوبل مبالغ فيه جدا (حوالي 5000 جنيه)
أنا عندي تجربة شخصية مع الغاز فهو متميز جدا في الإستهلاك و كذلك يطيل عمر غيار الزيت لأكثر من ضعفين لأنه نظيف جدا كذلك بطيل عمر البوجيهات و الأيلاتين و الكوندنسر
و موضوع التأثير السلبي على الموتور هو محض افتراء سببه الميكانيكبة لأن الغاز وقف حالهم فمدد صيانته قليلة
و المشكلة الكبيرة أيضا هي القلة النسبية في عدد محطات التموين لأن فترة تموين السيارة الواحدة بالغاز أطول بكثير من فترة تموين البنزين.
و كذلك فهو يعمل بكفاءة أكثر مع المحركات التي لم يتم العبث فيها و لا في رأس السلندر
و تبقى أهم مميزاته هو صداقته للبيئة و التي يجب أن يعمل السادة المسئولين الذين لا يهتمون بأي شئ على نشره أكثر من ذلك و أن يكون في متناول الناس أكثر من ذلك على الأقل صونا لبيئتنا الغالية