الموضوع ده بيختلف عليه ناس كتير...
بس يمكن رأيي يفرق معاكوا...
عموما اللي لاحظتوا علشان تجيب من اقصي أداء للسمعات
يبقي نقول نركب جي ام في حدود من 80 لي 90% من قوه السماعات
انا فعليا مجربتش الموضوع ده بس لما حسبتها مع نفسي كده لقيت ان كده منطقي...

انا غيرت اتنين جي ام علي السمعات اللي عندي واحده كانت نسبتها حوالي 53% و محستش انها عملت حاجه تستاهل اني اركبها...
و الجي ام التاني 73% من قوه السماعات ...طبعا لقيت فرق ملحوظ و بقيت اعرف اعلي اكثر و البيز ظهر بوضوح اكثر..

مع ان ناس كتير مش بتركب اكثر من 66%...بس انا رأيي حتا 73% مش مطلع الكفاءه القصوي نهائي...

لأني لاحظت ان نسبه النقاء و الوضوح بتتناسب طردي مع قوه الجي ام...
يعني لو عليت لي نسبه 73% للكاسيت يبقي كده ده احسن معدل نقاء ....لو عليت اكثر هيبدء يقل
بس طبعا لازم يكون فولت الجي ام مظبوط صح

و انا بقول من 80% لي 90%
لسبب ان برضوا احسن اسيب مسافه السماعات تتنفس فيها...
غير ان فيه اغاني بيبقي الصوت اعلي من الطبيعي او البيز ...فا كده هيبقي فوق المحتمل للسمعات لو بتعلي جامد...

غير كده البيز من اكثر المؤثرات الصوتيه اللي لحظتها انها بتظهر بقوه عن الميدرينج و التويترات....
و البيز بما انه من سماعه يعني مش تخصص برضوا و سهل يتحرق بسهوله لو بتعلي فيه جامد عن الميدرينج و التويترات

ولو مركب صب يبقي تمام اوي...لأن كده مانخفش نعلي قوه الجي ام بسبب بيز السماعات... و خش بقلبك و انت جامد بالجي ام


و ديه شويه تحاليل للموضوع يمكن يثبتلكوا اكثر...

.لو لاحظت هتلاقي ان معظم سماعات الابواب بتتراوح قوتها و بتشتغل من غير مشاكل بين 20 لي 35 RMS
بينما قوه الكاسيتات بتتراوح بنفس النسبه...
يعني كانك مركب جي ام قوته 100% بالنسبه للسماعات و بتبقي شغاله تمام..
.الطبيعي لمعظم الناس انه مش بيعلي عن 85% من صوت الكاسيت و يمكن اقل كمان...يعني صعب تحرق السماعات...

بس لازم تاخد بالك من موضوع الفولت بتاع الجي ام...
لأنك لو مظبطوش صح ...او بمعني لو قللته عن حوالي 1 بكثير
فاحتماليه ان الدنيا تبوظ منك لو عليت جامد...


و علي فكره ممكن تركب جي ام اجمد من السماعات من غير مشاكل....بس افضل يبقي فرق بسيط...
و تظبطه انت عن طريق الفولت...تعليه ناحيه الشمال بس افضل يكون حد واخد علي الموضوع ده علشان يعرف يظبطه

و بصراحه انا مجربتش الموضوع ده بس ناوي ان شاء الله هجربه
غير ده رايي شخصي علشان محدش يجي يقولي بوظتلي السماعات