يا جماعة انا لاحظت انو فية اسئلة كتيير اوى حول شراء لانوس ولا فيرنا
لانوس 1500 سى سى فل اوبشن مانيوال ؟
فيرنا 1600 سى سى فل اوبشن مانيوال ؟
انا عن نفسى افضل الفيرنا
عرض للطباعة
يا جماعة انا لاحظت انو فية اسئلة كتيير اوى حول شراء لانوس ولا فيرنا
لانوس 1500 سى سى فل اوبشن مانيوال ؟
فيرنا 1600 سى سى فل اوبشن مانيوال ؟
انا عن نفسى افضل الفيرنا
انا اختار فيرنا
فيه مقارنة مفصلة بين اللانوس والفيرنا انا حاططها فى منتدى الكورى والماليزى العام وذلك لفائدة الجميع
شكرا يا جماعة على الردود و انا حشوف مقارنة الاخ سبعاوى
انا بقول فيرنا بس اللي مخوفني منها مشكله الزوايا بصراحه محدش بيشكر فيها علشان الزوايا دي انما لو المشكله دي اتحلت يبقي الفيرنا طبعا
انا كنت فى نفس الحيرة لغاية
ما رسيت على اللانوس 1500سى سى فول اوبشن
ولما سألت الكل قال ان اللانوس احسن
والعربية تمام لحد دلوقت ومافيهاش مشاكل
انا شايف برده اللانوس أفضل متهيألي كده انها أعلى من الفيرنا لأني كنت راكب الفيرنا وبتحك على طول في المطبات رغم أن الحموله ماكنتش كتييير
يا جعان ازاى تقارنوا عربية 1600 بعربية 1500؟؟ كدة مفيش عدل فى المقارنة
يا تقارنوا الففيرنا ال1500 باللانوس 1500 ياما الفيرنا 1600 بالاوبترا هاتش باك اللى كان المفرض تكون بديلة اللانوس لنا للاسف اللانوس 1600 او الافيو 1600 مش موجودين فى مصر
انا شخصيا اختار اللانوس لان المثل بيقول اللى تعرفة احسن من اللى متعرفوش و انا اعرف اللانوس من 98
MMamdouh
الفرق بينهم مش كبير دا هو 100 سي سي بس الكلام دا لو كان الفرق اللي بينهم 400 او 500 سي سي علي الاقل ساعتها نقول مش عادله و بعدين العربيتين نفس الفئه اللي هيا السيدان العائليه الصغيره و يعني لو جبنا عربيتين زي بعض بالضبط في كل حاجه يبقي ايه لازمه المقارنه بقياقتباس:
يا جعان ازاى تقارنوا عربية 1600 بعربية 1500؟؟ كدة مفيش عدل فى المقارنة
يا تقارنوا الففيرنا ال1500 باللانوس 1500 ياما الفيرنا 1600 بالاوبترا هاتش باك اللى كان المفرض تكون بديلة اللانوس لنا للاسف اللانوس 1600 او الافيو 1600 مش موجودين فى مصر
خلى بالك ان فى فرق تكنولوجيا كبير بين العربيتين من ناحية الموتور... اللانوس اساسها موتور اوبل استرا 92 و بالتالى مش بيدى نفس قوة اى موتور 1500 طالع الايام دى و دا غير ان موتور اللانوس 8 صباب بس و الفيرنا 12 على ما اتذكر... كمان تجيب ال1600 منها تقارنها باللانوس... دا كدة تبقى اللانوس فطست
المقارنة الصح انك تحاول توحد كل العناصر بين العربيتين و تقارن بينهم يعنى نقارن بين الفيو و اللانوس مثلا مع ان المقارنة برضة مش عادلة لان الانوس اقدم بكتير لكن مثلا مينفعش اقرن بين لانوس و نوبيرا او فيرنا و النترا و طالما العربية قى منها 1500 يبقى ليه مستعملهاش فى المقارنة؟؟
الفيرنا اساسا بتجرى جامد عشان خفيفة و اعتقد ال1600 حيخليها طيارة و فى المقابل اللانوس تقيلة و تكنولوجيا قديمة فاكيد اللانوس عمرها ما حتبقى زى الفيرنا ال1600... برضة مش حتبقى اسرع ممن الفيرنا ال1500 بس على الاقل يبقى فى عدل فى المقارنة...
او ممكن نقارن الفيرنا ال1600 بالنوبيرا ال2000 التيربو بس بعد ما نشمم الفيرنا فدان بصل عشان تفوق و تجرى مع النوبيرا
MMamdouh
هههههههههه عندك حق الكلمه دي موتتني من الضحك بس انا بقول ان الاتنين نفس الفئه و الاتنين نفس الاسعار ف المقارنه بينهم متساويه من النحيادي يعني انا بقول عاوز اشتري عربيه في حدود الستيناتاقتباس:
او ممكن نقارن الفيرنا ال1600 بالنوبيرا ال2000 التيربو بس بعد ما نشمم الفيرنا فدان بصل عشان تفوق و تجرى مع النوبيرا
لانوس تكسب عن تجربة
اعتقد ال Verna الـ1600 افضل خاصاً انها تقفيل كوري مش مصري. واللة واحد صحبي جايب لانوس 2007 كاملة والتبلوة بتعها محبب!!!!!!!!!!!
:idea: وبعدين المفروض التصويت يكون بين اللانوس و الفيرنل الـ1500 مش الـ1600 علشان الماتور ال1600 بتاع الفيرنا دة احدث من ماتور اللانوس
لانوس افخم وتحس انها اكبر واقيم سيبك من موضوع 1600 دة العربية مش موتور بس
انا من الاول وانا مع اللانوس
ودلوقتى بعد الاشتراك فى موضوع لا هيونداى بعد اليوم
يبقى لازم اقول لانوس لانوس لانوس
اخوانى الكرام انا فعلا كنت محتار بينهم جدا لدرجه كبييره لآنهم تقريبا من نفس الفئه السعريه و فى حدود امكانياتى وبعد عمل مقارنات و سؤال الأصدقاء و المتخصصون و قبلهم طبعا استخارة الله عز و جل جبت الانوس لهذه الأسباب :
1- اعرف مهندس كان شغال فى ابو الفتوح فى خط تجمييع الدايو وبعدين راح البافاريه بى ام دابليو لانه مهندس شاطر اوى :superman: و قالى بالحرف الواحد ان موتور الفيرنا احدث و افضل ولكن موتور الاتوس جيد ايضا وقالى ابعد عن اى عربيه بيجمعها غبور لانه عارف ان خطوط الأنتاج زى الزفت لانه زارها و شافها بعينه وقالى معلومه صدمتنى:oops: قالى بالحرف ان غبور لا يعالج الصاج قبل عمليه الدهان يعنى لا يعطى طبقه برايمر ولا يقوم بالدهان اليكتروستاتيك و التقفيل مش حلو خالص وقالى خلييك فى الدايو احسن و عيبها الوحيد ان انتجها هيقف هذا العام ولكن قطع الغيار ستظل متوفره خاليكو فاكريين ان الراجل صديق و كمان ترك ابو الفتوح يعنى اعطانى رأى متخصص حيادى تماما
2- بعد تجربه الأثنين بنفسى وجدت الأتى ان موتور الفيرنا قوى جدا ولا يتناسب مع السياره لانها خفيفه و ذلك بعد تجربه عمليه حيث ان جارى عنده فيرنا مانيوال 1600 وبيركن فى نفس الجراج بتاعى و الجراج ده مطلعه عالى قوى و بزاويه شبه حاده المهم حبيت اجرب العربيه و جيت اطلع من الجراج و فى نهايه المطلع لقيت العجل الأمامى بيلف على الفاضى بسرعه فكبست بنزين زياده علشان مرجعش بالسياره للخلف وسألت عن السبب فقالى جارى عادى انا بطلع بيها كده على طول لآن الماتور قوى ولكن البودى خفييف جدا وبعد تجربه الانوس فى نفس المطلع وجدت انها بتطلع عادى جدا و تقيله على الأرض وعدت من المطلع بسرعه اقل و بثبات تام من غير العجل الأمامى ما يلف على الأرض
3- انا مستريح نفسيا لتصميم الانوس لإنى حاسس انها انسيابيه اكتر رغم انها موديل قديم عكس الفيرنا حاسس انها حاده اكثر و بالذات من عند الفوانيس الأماميه
وتوكلت على الله و اشتريت الانوس و حبيت انقل ليكو الموضوع و الأسباب التى جعلتنى اميل اكتر للانوس
اسف بس الموضوع كويس
لانوس اوسع و كمان تصليحها منتشر اويي
كمان اسمع ان توكيل غبور مش كويس
لانوس توكيل محترم :cool:
لانوس استحمال وقوه :superman:
لانوس ثابته علي الطريق ( يعني مش مقضيها رقص بعد 100 زي الفيرنا ) :wink:
لانوس موتور عمره اطول بكتيـــــــــــــــــــــ ــــر عن الفيرنا من هنا لبكره :3gears:
هو فعلا موضوع محير جدا وناس كتير ومن ضمنهم انا بكون محتار كثير لما باختار بين السيارتين
لكن انا عندي بعض التعلقات وهي :-
1- بالنسبه للانوس ان محركها وتكنولوجيتها قديمه جدا لكن هذا لا يمنع ان المحرك جيد جدا, غير ان شكلها قديم جدا كما قال بعض الاخوه غير اني شايف كمان بعض العيوب متل الفرامل ضعيفه والمكيف الى حدا ما ضعيف فاذا قررت اشتري "دايو " هشتري نوبيرا وليست لانوس ده في راي الشخصي .
2- المساله تعتبر مقياس بمعنى اذا هشتري فيرنا 1500 فللانوس افضل منها في راي الشخصي اما اذا هشتري فيرنا 1600 فطبعا سوف يكون الاختيار الافضل على اعتبار ان فيه فرق سعر بينها وبين النوبيرا في الفئه السعريه
3- الفيرنا ودي شهادة جميع الناس تقريبا ان سحبها رائع جدا والمكيف ممتاز والفرامل جيدة جدا لكن هذا في وجود ثبات مش جيد والتقفيل سئ تقريبا ,,, وشكرا
معلش نسيت اضيف نقطه وهي
" هل موضوع وقف انتاج اللانوس هياثر على شرائها او على موديلاتها الحديثه منها
(2008) بمعنى اذا علمت ان الانتاج سوف يقف عند هذا العام هل يجب اعادة التفكير مره اخرى قبل الاقبال على شرائها ؟!!
العنب العنب العنب
أعتقد أن الانوس أحسن
لأنك لو قارنت من ناحيتين التسارع و الثبات
حتلاقى اللانوس تسارعها مش بطال و فى نفس الوقت ثابتة
لكن الفيرنا تسارعها ممتاز بس بدون فايدة مع الثبات المنعدم اللى فيها
مع احترامي لكل مالكي اللانوس
عربيه سيئه بمعني الكلمه وده راي بمنتهي الامانه
الفيرنا سحب كويس مقارنة بسحب ضعيف في اللانوس
تكييف افضل وشكل افضل
يا دكتور عمرو لانوس اية اللى سحبها ضعيف وبعدين لعربية مش سحب بس العربية موتور وعفشة كويسة والانوس كدة لو مكنتش كدة مكنتش انتشرت اما بالنسبة للفيرنا فعفشتها ضعيفة على الموتور وكل اللى جبها قال كدة وعربية مش متناسقة مع بعضها
بجد انا حيرتي زادت اكتر
بصراحة ياجماعة انا من كام يوم روحت اجرت عربية لانوس 2003 وسافرت بيها من العريش الى 6 أكتوبر بصراحة سيارة ماشاء الله عليها ممتازة بس عيبها الوحيد ان التكيف ضعيف مقارنة بالفيرنا لكن موضوع السحب بصراحة انا كنت جايب عليها 160 على طريق العريش - الاسماعيلية والثبات ماشاء الله روووووعة أما الفيرنا عن تجربة ثباتها زبالة والحسنة الوحيدة اللى فيها التكيف فقط لاغيرررررررررررر
انا من رايي اللانوس افضل
انا ركبت العربيتين
الفيرنا مووووووووووووس جري وطبعا علشان موتورها 1600 التكنولوجيا الحديثه 12 صباب
فتيسها انعم من اللانوس شويه
مفيهاااش القايم الرخم الي بيخلي الرؤيه في اللانوس متعبه شويه
اضيق من اللانوس
صوت موتورها عالي جدا تحس انك راكب نصف نقل
صوت الموتور خشن مش زي اللانسر 98 ناعمه او اللانوس خصوصا بعد 3000 لفه
صاجها اخف من اللانوس
بصراحه شكلها افضل من اللانوس بصراحه جري العربيه الفظيع ده عيب مش ميزه .... رأي شخصي
فعلا تكييفها قوي اقوي من اللانوس
اللانوس واسعه من جوه
بحس انها افخم من الفيرنا
سحبها متوازن مع وزنها ومع مواصفات العربيه
موتورها ناعم جدا
عفشتها ناعمه وجامده من حيث التصميم
تسارعها معقووول
انا شايف ان اللانوس معقوووله جدا وتكسب الفيرنا في المقارنه حتي بموتورها
فيرنا
..................
قلت الأسباب كتير قبل كدا...
لانوس,,,,,,,,,,,,,,,,:S_thum1[1]:
الفرق فى 100cc انو الدايو 1500 83 حصان الفيرنا 1600 106 حصان شوفت الفرق انا عندى فيرنا وكنت قبل مجبها كنت هجيب لانوس بس صراحه انا جربت الاتنين الدايو جميله بس راى الفيرنا موتور 10 10 الدايو اديلو 8 من 10 وبكرر الدايو جميله
انا معايا فيرنا دلوقتي و كان معايا لانوس هاتش باك قبلها .. الفيرنا ماتور اقوى .. اللانوس اريح نفسيا !
انا هموت واعرف ازاي مقارنة بين عربيتين بتتلخص في قوة الموتور والجري ؟!!!!!!!!!!!
بالعربي كده : يا فرحتي بعربية صاروخ في الجري والشد وخفيفة وثباتها اقل من العادي
الفيرنا بتفكرني بالاكسنت(التسعينات) في الثبات وان كانت اخف منها كمان
عيوب الفيرنا :
1- اقل معدل ثبات لعربية في الفئة دي
2- ضيقة من جوة بطريقة مستفزة على الاقل بالنسبة للكراسي الامامية (على الاقل اللانوس اوسع منها مع انها عربية صغيرة) وشنطتها اصغر من اللانوس
3-تابلوه مش عملي وشكله قديم (قريب جدا من الاكسنت التسعينات )
4- ملاحظة شخصية يمكن بسبب عدم التعود لكنها بالنسبة مزعجة جدا وهي ان البومبيه اللي في الكبوت اللي طالع من فوق الفوانيس الامامية بيحسسني ان العربية كأنها ماشية شمال مش في خط مستقيم (في حالة انك لو بصيت على الكبوت من اليمين ) والعكس
5- واطية جدا لدرجة انها بتحك في معظم المطبات وخصوصا لو في حد قاعد ورا
6- صوت الموتور اعلى من المتوسط
مميزاتها :
1-قوة محرك متميزة بالنسبة لحجم السيارة ووزنها وده برضه ممكن يبقى عيب لأنها بطمع الواحد في الجري
2- فراملها كويسة جدا والدواسة ناعمة قريبة من الفئات الاعلى
لانوس:
مميزاتها :
صالون متوسط المساحة
شكل التابلوه احدث من الفيرنا
التقفيل الداخلي جيد
متوسطة الارتفاع عن الارض ولكن في الحمولة الكاملة بتحك في بعض المطبات
ثبات معقول في الفئة دي
اقتصادية في مصاريف التشغيل واستهلاك البنزين معقول
عفشة ناعمة جدا (شد الهاند ورقص العربية كمثال طبعا ) هههه
العيوب:
1- الفرامل ليست على المستوى المطلوب
2- المحرك ضعيف نسبيا وبيظهر ضعفه مع التكييف و التحميل
3-النقاط العمياء في السيارة مزعجة (القائم اليمين والشمال من قدام)
اخيرا الشكل:
ودي اخر حاجة الواحد ممكن يتكلم فيها عن اي عربية عموما لأن ده موضوع نسبي بيختلف من شخص لأخر
وعمره ما كان سبب رئيسي لتفضيل سيارة على اخرى الا اذا كان هيبقى في تنازلات
مازال الجدل مستمر بين اللانوس والفيرنا
بس هيفضل في حقائق الكل متفق عليها
الفيرنا سحبها اقوى وتكييفها افضل وساجها انشف بس التابلوه افقر والاتزان على السرعات العالية أسوء
اللانوس اوسع وتابلوهها افضل بس موتورها بيتكتف بالتكييف ونقاطها العمياء اكتر
الاتنين فراملهم وحشة وقطع غيارهم متوفرة وسعر اعادة البيع معقول وصيانتهم متوفرة
شوف اولوياتك واختار
انا لو مكانك هاحط السحب والتكييف في الاولوية دي أراء شخصية
بس تأكد انك مش ممكن هتاخد كل حاجة بالسعر ده
وانك لو متفائل هتنحاز للسيارة الي هتجيبها منهم ولو متشائم هتتنقط من عيوبها ولو موضوعي هتتقبلها
وماتنساش الاستخارة
بص ياباشا لو شاب الي هيركبها يبقي لانوس ع الاقل اتقل شويه واثبت شويتين وموتوره هادي مش مجرم زي الفيرنا انما هاتمشي هادي ومش هاتجري جري جنوني وتقفيل عدادات والكلام دا بدون تفكير يبقي الفيرنا موتورها شديد جدا تجميعها حلو تكييفها ممتاز وشغاله تاكسيات والله زي الفل وربنا يوفقك للي فيه الخير
فيرنا :
المميزات :
.ماتور قوى
.تكييفها احسن من اللانوس
العيوب:
. ثبات سئ
. فرامل ضعيفة
. وجود ماتور قوى و فرامل ضعيفة و نظام تعليق سئ الى حد ما بيخليها مش امان خالص
اللانوس
المميزات:
واسعة
استهلاك بنزين اقل من الفيرنا
خامات التقفيل افضل
العفشة انعم الى حد ما من الفيرنا
العيوب :
الماتور اضعف من الفيرنا و التسارع ضعيف الى حد ما
اعقد ميكانيكيا من الفيرنا و مش كل الميكانيكية بيفهموا فيها كويس