-
الخبر شبه المؤكد اللى جبته من الهيئة العامة للبترول انهم ابتدوا يخلطوا كمية من انتاج مصفاة (أموك) فى الأسكندرية بانتاج المصافى القديمة لرفع كفاءة البنزين و أموك انتاجها كان خاص بالتصدير بس و قالوا ان الريحة دى دليل على جودة البنزين و لما سألت عن الأستهلاك قالوا ان المفروض يقل و لو حد استهلاكه زاد او مقلش يبقى العربية محتاجة ظبط كاربراتير و العربيات اللى بالكمبيوتر تحتاج ظبط كمبيوتر علشان مش كلهم هيظبطوا لوحدهم، المتقدم أوى هو اللى ممكن يظبط لوحده، و ان شاء الله بالليل هتأكد من المعلومات دى من مصدر مسئول.
-
يا جماعة انا كنت شاكك انة فار ميت بس لما دخلت امون كنت حموت من الريحة فى محطة البنزين وطبعا سألت وقالولى ان البنزين فى مادة المفروض انهم بيستوردوها من برة المادة دية بتهدى ريحة البنزين الاساسية اللى احنا شمنها دلوقتى وهما بقالهم اسبوعين مش بيستوردوها فبيتهيألى ان المادة دية لقوا انها بتزود تلوث البيئة فالظاهر انهم منعوا استيرادها لهذا السبب
وممكن يكون سبب انهم يكتروا السبرتو فى الجو علشان يحدوا من التدخين بحيث اللى يشرب سيجارة يولع مع اول نفس :lol:
-
يا جماعة مافيش علاقة ما بين جودة البنزين و ريحته
و اللي دخل معامل تكرير و قرب ناحية منطقة تثبيت البنزين حيشم ريحة فظيعة جدا المسألة متعلقة بنظام عزل الرائحة داخل المحطة نفسها لان البنزين ده سائل طيار يعني لو فيه اي تسريب من خرطوم التموين او اي وصلة من وصلات البنزين حتشم الريحة دي فهو عشان العيب من عندهم و كعادة المصريين يلقوا بالعيب علي اي شماعة اخري بعيدة عنهم المهم انهم ما بيغلطوش
مسألة الريحة دي عبارة عن مادة تضاف لغاز البوتاجاز تسمي الميركبتان لتمييزه لان الغاز ليس له رائحة هذه المادة تضاف للغاز فقط انما البنزين له رائحة نفاذة و مسببة للحساسية لمن لديهم حساسية
محمد فهمي
-
يا جماعة انا سئلت فى البنزينة الى بمون منها وهناك قالو لى انه فعلا فى ريحه غريبة بس قالو ان البنزين ده دفعه كانت رايحه الى سويسرا و اترفضت و نزلوها عندنا و ان نسبة :D النيكوتين فيها عالى والله اعلم اذا كان الكلام ده صحيح ولا لأ و ياترى النيكوتين ده حاجه كويسه ولا لأ
-
نكوتين ازاي هو البنزين بسجاير واضح انه البنزين بقى ادمان
او الحكومة عاملة كده علشان الناس اللي بيشرابوا سجاير في رمضان
يشموها مع الجو :D ومبيقاش عندهم توتر
يلا السنه اللي جاية عايزين نشم ريحة فراخ محمرة في البنزين علشان منجوعش :mrgreen:
-
لالالالالا
عاوزين كباب و كفتة :lol: :lol: :lol:
-
اخر حاجة سمعتها انهم بيضيفوا مادة للحفاظ على البيئة والحماية من التلوث وده اقرب حل واسهل حاجة ممكن يقولوها
بس برضه الله اعلم فعلا عشان البيئة ولا وراها حاجات تانية انهم يغشوا البنزين مثلا :wink:
لكن انهم يعلو كفاءة البنزين واداءة دى مستحيل اصدقها
لاننا فى مصر لو كانوا عملوا حاجة زى دى كنا سمعنا عنها فى كل الجرايد والتليفزيون واكيد طبعا مكنش البنزين هيفضل بنفس السعر
هيستفيدوا ايه لما يعلو الكفاءة ويفضل بنفس السعر طبعا مستحيل ده يحصل فى مصر
الحالة الوحيدة ال ممكن اصدق فيها ان دى تبقى مقدمة لغلو البنزين او انهم ينزلوا نوع جديد من البنزين -ال هو طبعا البنزين بتاعنا العادى قبل ما يغشوه- والناس هتتتحول عليه ونتعود زى ما تعودنا ع ال 92 ال هو زيه زى ال 90 بتاع زمان يمكن ال 90 زمان كانت كفائته اعلى
-
الاخ SA اكيد حضرتك تقصد الاوكتين بتاع البنزين و تلاقيك بس نفسك في سيجارة و جه علي بالك النيكوتين
و علي فكرة الاوكتين او الرقم الاوكتيني ده كل ما يكون عالي كل ما يكون افضل طبعا بمعني ان بنزين 90 يعني بنزين الرقم الاوكتيني بتاعه 90 و طبعا 92 افضل و 95 اجمل و في اوربا و الدول المتقدمة بيستخدموا بنزين رقمه الاوكتيني عالي و ما يقلش عن 95 فالموضوع في الغالب هو موضوع تسريب في المحطة لاني مثلا بمون من موبيل اللي في الشاطبي علي البحر في اسكندرية و عمري بصراحة ما شميت عندهم ريحة بنزين خالص و موضوع شرح الرقم الاوكتيني ده طويل شوية و شرحه يطول
ياريت بقي يحطوا ريحة مأكولات بحرية عشان خاطر كريم شكله نفسه في سمك و جمبري :mrgreen:
محمد فهمي
-
يا جماعة الريحة بقت فى الشوارع مش فى المحطات... جرب تاخد نفس و انت واقف فى اشارة حتشم السبرتو
و من اللى قريتة واضح ان الناس بتفتى و خلاص كطبيعة شعبنا العظيم... اللى يقولك كانت رايحة سوسرا و اللى يقولك من مصفاة قديم و اللى يقولك اصل فى مادة بنستوردها و بطلناها يعنى من الاخر... محدش عارف حاجة
الاكيد ان الموضوع دة مش من محطة فردية و الاكيد ان البنزين اتغير اللى مش اكيد هل اتغير للاحسن ولا لا... طبعا الاحسن لينا كمستهلكين مش ليهم كا حكومة
الارجح ان التغيير لمصلحة الحكومة اما فى تغيير مكونات البنزين لخفض التكلفة او رفع الاستهلاك لان ببساطة لو كان الموضوع فايدة لينا مكنتش الحكومة عملتة اساسا... و التعتيم الاعلامى على الموضوع خير دليل على صحة كلامى
اما انها مقدمة لرفع السعر فانا استبعدها لان ببساطة لو الحكومة عايزة ترفع السعر حترفعة و خلاص و اللى مش عاجبة يخبط راسة فى الحيط زى بنزين 90 كدة
يمكن بارقة الامل الوحيدة هى ان الريحة دى مماثلة لريحة البنزين فى ليبيا و اوروبا... بس ايه الحكمة ان مصر تعمل كدة؟ هى الحداية بقت ترمى كتاكيت الايام دى؟ ولا الحكومة عملت دماغ من السبرتو و اتلخبطت و نزلت حاجة نضيفة للشعب بطريق الخطاء؟؟
المهم يعنى ان الظاهرة دى اكيدة و مفيش اى مسؤل كبير علق عليها فى اى وسيلة اعلام و الناس اللى شغالة فى شركات البترول بتالف... لنا الله
MMamdouh
-
أنا مع ممدوح فى كلامه و متأكد ان الموضوع ده مش فى مصلحتنا لأنه بمنتهى البساطة لو حاجة أحسن كان معالى الوزير أو معالى رئيس الوزراء عملوا مؤتمرات صحفية للأعلان عن الأنجاز التاريخى و فوائده الأقتصادية و مدى اسهامه فى خطة التنمية و كالعادة هيطلع فى الأخر شئ لزوم الشئ على رأى الريحانى لما كان بيظبط دفاتر الحسابات البايظة فى فيلم أبو حلموس، بس الفيلم المرة دى اسمه أبو.........، ولا بلاش علشان نربى البنت. 8) 8) 8) 8) 8)
Content Relevant URLs by
vBSEO 3.6.0 PL2