حد يعرف ياجماعه ايه اي حصل للبنزين ؟ريحته اتغيرت قوي؟؟؟؟؟ بقت ريحه مقرفه فجاه ف كل البنزينات حدلاحظ الموضوع ده ولا ايه ؟؟؟؟
عرض للطباعة
حد يعرف ياجماعه ايه اي حصل للبنزين ؟ريحته اتغيرت قوي؟؟؟؟؟ بقت ريحه مقرفه فجاه ف كل البنزينات حدلاحظ الموضوع ده ولا ايه ؟؟؟؟
فعلا انا ملاحظ الموضوع دة من آخر مرة مونت فيها العربية ، وشامم زى ما يكون ريحة سبرتو ، بس غريبة ان الشكوى عامة
أنا كنت فاكر ان يمكن البنزينة اللى مونت منها كانت وحشة لكن لو الموضوع دة عام تبقى مشكلة ، دة انا بنزل من العربية زى المسطول من كتر السبرتو اللى بشمه :lol:
متهيالي انهم علو اداء البنزين والله اعلم ؟؟؟؟ حد عنده فكره ؟
موضوع الريحه ده صحيح و انا لاحظته فعلا
الموضوع ده حصل معايا انا و واحد صاحبي معاه اكسنت 2006 المشهورة بأن الكابينة بتاعتها بتعرفك ان العربية متفولة من الريحة بتاعتها :D :D و كنا تعودنا لمما نخرج سوا على ريحة البنزين اللي بتضرب جوة لمما نفول ..لدرجة انها لمما ساعات كانت تروح تقوم نفتح التنك نشم شوية بنزين و نرجع نكمل المشوار :mrgreen:
فطبعا العربية دي عبارة عن معمل متنقل لقياس جودة البنزين....و دار بينا الحوار التالي من كام يوم بعد ما حطينا بنزين موبيل90....
انا:انت عملت حاجة؟؟
هو:لا ولله ما عملت حاجة...!!
انا:يا ممدوح بطَل الحركات دي...
هو:مش انا يا عمنا!! شكلك انت و عايز تلزقها فيا
انا:بتضرب سبرتو اليومين دول وللا حاجة؟؟
هو:لا يا عم...رمضان داخل و كل سنة و انت طيب... :D :D
انا:طيب
استمرت ريحة السبرتو الاحمر لغاية ما وصلنا للقعدة و لقينا واحد صاحبنا واقف جنب عربيته و فاتح التنك و بيشمشم و خلانا نشم معاه و ده اللي اكد شكوكنا...
على ما يبدو انه مخلوط بسبرتو احمر!!! (او احنا اللي عملنا دماغ بنزين!!!)
و عليه العوض في البلد دي بجد
سبيرتو احمر!!! بس مش معقول ؟ كل البنزينات كده ؟ لا يعم اكيد ف حاجه مش مفهومه ف الموضوع خصوصا ان سحبه العربيه مقلتش مع انها بتتاثر بنوع البنزين وبحس بيها قوي ؟
الموضوع صح أنا مونت النهاردة من البنزينة اللى فى أول طريق السويس وكان فى ريحة سبيرتو جامده فى البنزينه بس قلت يمكن البنزينه فيها حاجة والا حد بيضرب فيها!!:)
شكل الحكايه كده فيها إنه!
فعلا يا جماعه أنا إفتكرت دى حاجة عابره حصلتلى إمبارح و أنا بمون من شيل فى مكرم عبيد لأنى عمرى ما شميت ريحة البنزين فى عربيتى لدرجة لما نزلت الصبح النهاردة لقيت لسه فيه ريحة لما أقرب من العربية من بره !!!
وهى ريحة سبيرتو فعلا !!!!!!!!!!!!!!!!!!!!!!! ومحــدش يقولى إنهم علوا آداء البنزين ولا رفعوا الأوكتان ولا أى كلام لأن إحنا فى مصر يعنى الشئ الوحيد المتوقع هو إنه خفوا البنزين ههه أو غشوه أو خلوا ال 92 80 :( و حسبنا الله و نعم الوكيل فى دى بلد ربنا يتوب علينا منها
على فكرة أنا كنت مفول 92
انا لسة ممونتش قريب همون وشوف...اقصد اشم!
ايوه تمااام يا رجاله انا لسه كنت ممون امبارح من البنزينه الي في اول ابو داوود الظاهري و من ساعتها الطريق كله و عمال اشم في ريحه غريبه من العربيه !!!
(انا كنت حاطط بنزين 92 )
انا كنت مقيم فى لندن لفتره من سنتين
لفت نظرى هناك ان فعلا العادم ليه رائحة سبرتو خفيفة
و لما لاحظت الموضوع ده هما من كام اسبوع قلت يمكن دى اضافات زى المستخدمه هناك
الله أعلم
بس ان مش با أشم الريحه دى عندى الا من العادم و خصوصا الصبح و العربية لسة بارده
فعلا الكلام ده حصل معاى امبارح و بالصدفة كانوا جايبين حاجة زى قسط اللبن و بيفضوها قدامى فى الخزان و لونها كان اصفر فاتح و انا ساعتها ماخذتش فى بالى ( استغربت بس من اللون لكن ما علقتش ) و لغاية النهارده الريحة دى موجودة
فعلا أنا كمان بقالي كلم يوم باشم ريحة كحول في الشارع. وحسبي الله ونعم الوكيل
هايبان يا جماعه فى إستهلاك البنزين و أنا متعود أحسب كل تفويل على عداد الرحلات يعنى كل تفويله بصفر عداد الرحلات و مش بحط بنزين غير لما العداد يقرب من الآخر و بالتالى عارف التفويله بتمشينى قد إيه و لو حصل و إكتشفنا إنها عدد الكيلومترات قل......يبقى الحكومة عملتها فينا و قالوا لو غلينا البنزين دلوقت ممكن البلد تولع لأن كل حاجة غليت بأرقام خرافيه و بدل ما الناس تولع فيهم قالوا نخف البنزين وده المتوقع
ايوي انا بقالي يومان شامم الريحة دية في الشارع الاول قلت يمكن في حاجة في عرابيتي وفتحت الكابوت واكدت علي كل الاغطية ولكن كل شيئ تمام قلت اكيد العيب من مناخيري
المهم من ساعت الريحه دية و سحب العربية زي الفل
لو حد عندة اي معلومة ياريت يفدنه
يا جماعة الموضوع ده فعلا حقيقي انا يوم الجمعة كنت حاطط بنزين على بنزينه في طريق اسكندرية الصحراوي وشميت ريحة غريبة بس مجاش في دماغى
وامبارح كنت مع واحد صحبي وحطينا بنزين من بنزينة شل عند كفر الدوار تقريبا على اسكندرية الزراعى وكانت فعلا الريحة متغيرة
ولما روحت حطيت بنزين في عربيتي في بنزينة التعاون في على طريق الزقازيق ولقيت ريحته وحشة جدا
يا ريت لو حد عنده فكره عن الموضوع ده يفيدنا انا خايف البنزين المعفن ده يضر العربية
ده غير انى كنت باحب اروح امون عشان اشم ريحة البنزين الللي انا متعود عليها :mrgreen:
انا يوم المقابلة فولت بعد ما رجعت من السفر بس لاحظت ان اداء العربية زي الزفت
كاني مشغل التكييف وصوت الموتور ليه نعرة كدة مع ان العربية كانت زي الفل في السفر وماشي 180 وما شاء الله حلوة
لكن امبارح واول وانا واخد باللي والمفروض اني فتحت بساتم والعربية اداءها يزيد مش يقل
شكل الموضوع بجد
اتصلت بخدمة العملاء فى شل مصر و حولونى على المهندس ياسر القاضى بس فضلت على الأنتظار كتير لغاية ما زهقت و كمان مش هقدر اشغل التليفون كتير، لو حب يحب يكلمهم الرقم 25197204
الريحة دي والله ياجماعة موجودة ومحسوسة في الشارع ..أنا طبعاً ممعاييش عربية دلوقتي بس بشمها من حوالي يومين كده في الشارع والله بدون مبالغة وخصوصاً لما أكون قرب بنزينة
وبعدين في الأرف دا ..عايزين نعرف إيه اللي حصل بالظبط !!
انا لسة كنت حكتب عن القصة دى
انا شامم الريحة دى من يوم الخميس.. و الريحة دى زى ريحة البنزين اللى بيبقى فى المواتير الاستيراد اللى جاية من اوروبا و انا شمتها فى عربيتى بس قلت يمكن ريحة الرشاشات الاستيراد اللى انا لسة جايبها
يوم الجمعة و انا بفك البوابة بتاعت الموتور عشان انضفها شميت الريحة تانى و كانت قوية جدا لدرجة ان الميكانيكى قاللى "انت مفولها 95 ولا ايه؟"... انا قلت يمكن صاحب العربية القديم مون 95 عشان العربية يبقى صوتها ناعم و مفيش تسقيف
امبارح كان فى عربية سوزوكى ربع نقل مش عايزة تدور و ريحة السبرتو خارجة من الشكمان و تقريبا كل الناس اللى فى الشارع عملت دماغ... النهاردة الصبح مونت من موبيل البطل احمد عبد العزيز و ريحة البنزين كانت باينة انها سبرتو
دلوقتى السؤال هل دة تحسين فى البنزين؟ على اساس انى شميت الريحة دى قبل كدة فى المواتير اللى جاية من برة؟ ولا دى اضافة على البنزين لتقليل تكلفة اللتر كبديل عن رفع سعرة؟؟؟
MMamdouh
ايه يا جماعه امال انا مشمتشي حاجه ليه
هو عموما انالحد دلوقتي مشمتش اي ريحه مع اني بفول من شيل اللي على الدائري يوم المقابلة مشمتشي حاجه لحد دلوقتي
انا لاحظت ان عادم العربيات بقى ريحته زى عادم العربيات فى الخليج واوروبا، فيه ريحة عاملة زى ريحة البصل كدة شوية، وده فعلا ممكن يكون من السبرتو
يانهار أبيض
أنا قلقت كده
طب ده ممكن يأثر على العربيه سواء كانت رشاشات أو كاربراتير
الموضوع ده ياجماعه لازم نجيب قراره لنفاجئ بعد كده أن عربياتنا باظت وكلنا رحنا في حديد ومافيش حد هاينفعنا
أنا كده قلقت موووووووووووووووووت
هو الواحد هايلاقيها منين ولا منين
ربنا يستر
كلام بجد:
اظن ان هنا شيء اخر يستدعي السؤال..لماذا قامت كل المحطات في نفس واحد بهذا الفعل؟؟
تهيألي ان فيه حاجة من اتنين: 1 :تعديل معين من الحكومة للمواصفات القياسية للبنزين (و ممكن يكون افضل ليه لأ؟؟)
2 :اوامر صريحة من الحكمة بضرب البنزين بغرض التوفير :D
تم العديل بواسطتي 911
الرجاء من العضو الرد في صلب الموضوع فقط :arrow:
هو ممكن يا جماعة ناخد الموضوع بحسن نية ونقول ده نوع من الاضافات علشان تخفيف حدة التلوث البيئي , وومكن ناخده بسوء نية ونقول ده غش تجاري , وده مجرد تخمين ,بس في كل الحالات المفروض كان يحصل تنويه أو أي أعلام يبين للناس أيه اللي بيحصل في البنزين علشان نفهم بس مش أكتر ولا أحنا خلاص ماشيين كدة والسلام ونحمد ربنا أننا لاقيين البنزين
حاجة غريبة والله وتنرفز
أيووووووووه كده بقى
أنا كمان يوم السبت كنت في الزمالك و مالقيتش قدامي غير "مصر للبترول" عشان أمون منها ، قلت يللا مش مشكلة أهي تفويلة و خلاص ، و دخلت انا وواحد صاحبى ، و هو بيفول لقيت ريحة نفاثة جدا مش طبيعية بالمرة ، لدرجة إنى كنت بتكلم في التليفون فقفلت بسرعة و مقدرتش أركز ، المهم انا وصاحبى قعدنا لغاية يوم الأحد عندنا صداع رهيب ، و هو قعد يلومنى وييقوللى إنى "مصر" دول تعبانين و بنزينهم مضروب و إزاى أفول منها
دلوقتى بس اكتشفت إنها مشكلة عامة ، ياريت حد يفيدنا فيها
ما لاحظتش ريحه خالص لكن اللي لاحظته ان العربيه من اول امبارح صوتها انعم و سحبها احسن شويه لدرجه اني سالت اخويا انت عملت صيانه ولا حاجه في العربيه قالي لاء!!!!
لو الموضوع دا بجد يبقي عربيتي بتعمل دماغ و بتفنن بالسبرتو :D
في رايي انهم مخففوش البنزين ولا قللو الاوكتان لان اداء العربيه زي ماهو او افضل قليلا من الاول بصراحه مقدرش احكم قوي ....البنزين علي وانا حاسس ب الموضوع ده عملو حاجه علو الاوكتان فيه لان كمان الماتور بطل يسقف على الاقل ف الفتره الي مشيتها من ساعه ماممونتالبنزين الجديد ....
الكلام دة صح......
أنا والله العظيم بقالى 3 أيام بقول للناس فية ريحة سبرتو والكل قاللى دى تهيؤات!!!!!! :shock:
طب دة النهاردة اللى كان يقف 5 دقايق فى ميدات السيدة عائشة كان ممكن يتسطل !! :roll:
ودلوقتى فى المهندسين الجو كلة معبأ ريحة من دى .....
أحسن تكون إسرائيل راشة حاجة فى الجو؟؟؟ :twisted:
يا ريت لو حد فاهم الموضوع ده بجد يفيدنا لان الاراء كتير بين مميزات وعيوب والواحد مش قادر يحدد فعلا البنزين الجديد ده كويس وفارق في العربيه للاحسن ولا الاوحش
انا فعلا يا جماعة بقالى تقريبا 3 أيام بشم ريحة سبرتو بس بصراحة مش عارف دى من عندى و لا من كل العربيات بس واضح كده إنها عند كل الناس بس فى نفس الوقت مش حاسس إن العربية قل تسارعها أو أى أو إن البنزين مقصر فيها
فعلا الريحة موجودة في الشوارع بقلها ثلاثة ايام عوزين نعرف من اية محش عنة واحد صحبة او قريبة شغال في المجال يقلنا في اية
حسبي الله و نعم الوكيل فيكي يا حكومة أكيد بيجربوا حاجة جديدة و طبعا مكتمين عليها أو مش بعيد يطلع مصدر مسئول ويقول إنها إشاعة :wink:
بالضبط ريحة بصل زي ريحة الأكل الصيني
انا كنت بشمها و جاللي هسهس ، الريحة من العربية و بعدين ألاقيها برده موجودة في الشوارع
مش عايزين نسبق الاحداث
هو بالفعل في حاجه اضافت ايه هي ؟ الله اعلم
هل بتحسن البنزين ولا بتبوزه؟ الله اعلم
ومتنسوش انهم بيحطو كلور علي المياه -يعني مش اول مره تدخل الاضافات لمنتجاتنا-
لحد منعرف مفيش حاجه بايدينا غير ان احنا نمون ونشم :mrgreen:
يا جماعه ممكن من فضلكم أدعوكم دعوة للأيجابية؟
بدل ما نقعد نتكلم مع بعض ونخمن إذا كانت التغيرات إللي حصلت في البنزين دي في مصلحة السيارات(أشك في كده) أو أنها مش ف يمصلحة السيارات
ممكن كلنا بلا استثناء نعمل زي ما عمل زميلنا "حسام حسن"
هو أتصل بشركة "شل" وأنا هاتصل بـ"موبيل" وأنت اتصل بـ"توتال" وغيرك يتصل بـ"التعاون" و "مصر" و "كالتكس" و "أسو" و "وطنية" و "تام أويل" و "وزارة البترول" و ....... إلى أخرهاقتباس:
المشاركة الأصلية كتبت بواسطة Hossam Hassan
وكلنا نيجي نكتب هنا الكلام إللي أترد علينا به عشان نحلله ونعرف مدى التطابق ومصداقية الردود التي تلقيناها
دي وجهة نظري يا ريت نساعد بعض عشان نقدر نعمل حاجه ملموسة
3 من 5 محطات فت عليهم و سألتهم كان ردهم غريب، قالوا انهم قللوا نسبة الرصاص فى البنزين لرفع الكفأة ، و لما كنت برد ان البنزين مفروض انه خالى من الرصاص، كان الرد انه فيه نسبة بسيطة و اتشالت :shock: بصراحة أنا مش مقتنع بس فيه سواق تاكسى من ال 3 سواقين اللى استطلعت رأيهم فى الأشارات قالى انها عادى و حصلت زمان نتيجة مشكلة فى مصافى البترول 8) و المهنس بتاع شل برضوا ما بيردش و على فكرة جبت موبايله و هحاول اكلمه الصبح.
اول امبارح مونت من شل و ناديت على عامل البنزينه وسألته على موضوع السبرتو ده
قاللى انهم عملو اضافات على البنزين قال يعنى بيحسنو من كفائته
وهما فى البنزينه عاملين دماغ سبرتو جامده
مش عارف قصدهم ايه فى تحسين الكفائه
ممكن حل من ال 2
1 البنزين يبقى زى السبرتو يطير بسرعه و مايقعدش فى التانك :lol:
2 عايزين بقدره قادر يمشوا العربيات بالسبرتو بدل بنزين :D
ياجماعه في مصيبه كده
انا يوم الجمعه وانا رايح المقابله فولت من امارات مصر اللي على الدائري بتاع 40 لتر
المهم النهارده (في 3 ايام) البنزين خلص وانا كل اللي عملته 330كم مش عارف ازااااااااااااااي
وفعلا في ريحة سبرتو
تقريبا عشان الشعب كلو يعمل دماغ ويهيس بس بجد دي كارثه مش متخيلها
انا لاحظت برضه من اسبوع ان استهلاك العربية زاد قوى وصل ل 10لتر فى ال 100كم، و كنت قلت يمكن حسبت غلط و لا حاجة، بس الظاهر ان المشكلة اكبر من كدة :x بس انا مشمتش ريحة سبرتو و لا حاجة، انا اصلا مش عارف ريحته :)