افتحوا الأنوار غدا و لا تشاركوا فى مؤامرة الدول الصناعية على الدول المنتجة للبترول

غدا هناك دعوة عالمية لاطفاء الأنوار لمدة ساعة من 8:30 الى 9:30 مساء,
المفترض أن يكون ذلك دعما للبيئة, و سوف يرصد جوجل معدل انطفاء الأنوار فى هذا الوقت,
هو الموضوع مثالى لهذه الدرجة؟ لا أعتقد!!
منذ عام 1973, عندما استطاعت دول الأوبك رفع اسعار البترول بصورة فلكية عبر منع تصديره الى الدول المؤيدة لاسرائيل, دخلنا فى دوامات اعلامية و مثاليات عن البيئة و الطاقة النظيفة و ترشيد الاستهلاك, الى اخر هذا الهراء,
الموضوع ليس بهذه المثالية,
فبعد ان استطاعت دول الأوبك و الدول العربية خصوصا تحقيق نصرا سياسيا مهما فى 1973, أنشأت منظمة اسمها "وكالة الطاقة الدولية", هدفها الأساسى هو البحث فى كيفية الضغط على دول الأوبك, و التحكم بأسعار النفط صعودا و هبوطا بحسب الرغبة.
و كانت الخطة التى يمكن تلخيصها فى ثلاثة كلمات "البيئة - البدائل - النفط عالى التكلفة",
قامت الدول الغربية بدعم بدائل النفط, مثل الطاقة الكهربائية, و الشمسية, و طاقة الرياح, و الطاقة النووية بحجة البحث عن بدائل بعد نفاذ النفط(رغم أنهم يعلمون أن هذه التكنولوجيات لا يمكنها أن تحل محل النفط), كل ذلك بالترافق مع استخراج النفط عالى التكلفة, مثل النفط الثقيل فى كندا,
الخطة الثالثة هو الحديث عن البيئة و أضرار الطاقة الأحفورية عليها, لحث المواطنين على تخفيض الاستهلاك.
كل ذلك يدور فى فلك واحد, الضغط على دول الأوبك, و اجبارهم على تخفيض اسعارهم و التحكم بهم, و منعهم تماما من استخدام سلاح النفط مرة أخرى,
هل تعلمون لماذا لم يستخدم العرب سلاح النفط مرة أخرى أثناء اجتياح لبنان عام 1982, أو أثناء الانتفاضة الثانية (رغم ان الدعوات لاستخدام سلاح النفط كانت صاخبة),
ببساطة صرح أكثر من مسئول وقتها, للأسف لا نستطيع!
ان تهديدات الغرب المستمرة بدعم بدائل الطاقة الأحفورية, و دعواتهم المستمرة لخفض استهلاكه, و تلويحهم بدعم استخراج البترول الثقيل مرتفع التكلفة, أربك حسابات العرب تماما, و وضعهم تحت ضغط دائم يطالبهم بانتاج البترول بأكبر كمية ممكنة حتى لا يعطوا الفرصة للبدائل كى تسطوا على حصتهم من الأسواق,
لذا فان الحديث عن سلاح النفط أصبح ترفا لا يتحمله العرب!

من الطريف اذن ان يتفاعل البعض مع دعوة اغلاق الأنوار غدا, و كأنهم يتعاطفون مع جلاديهم!
أرجوكم افتحوا الأنوار غدا.


نقل للمنتدى الأجتماعى بمعرفتى

مشرف المنتدى العام

بصراحة انا اول مرة اسمع حوار النور دة
ربنا يكرمك علي التوضيح الجميل

مين الي هيطفي النور بكره اساسا احنا مش بنتفق علي حاجه

انا اول مرة اسمع الموضوع دة

انا كمان اول مره اسمع ده
وتفتكروا لو حتى ماطفيناش النور ايه اللى هيحصل ؟

على فكره بالمناسبه ماتنسوش يوم 6 ابريل فى مصر ايضا

اولا شكرا على الموضوع ....
ثانيا الموضوع ده انا عارفه من زمان يعنى انا كنت فاكر كل الناس عارفاه ...
هو بيدعو كل العالم انه يطفى النور يوم 28 مارس الساعه 8.30 لمدة ساعه و دى يعنى حاجه زى ساعه للأرض (تسميتها كده) يعنى حتفيد فى توفير الطاقه و كده ...
و عموما انا مش مؤيد و لا ضدها .. عادى جدا ... بس انا مافهمتش حاجه من الاستاذ صاحب الموضوع ...و اتمتى انى أكون افدتكم ..
و ده الموقع الرسمى العالمى له ..
http://www.earthhour.org/home/

انا واحد من الناس بادفع شهريآ كهرباء للمكتب 190 جنيه فيما فوق...
بيتهيأ لي لما اطفي النور ساعة زمن الدوله مش حتتعاطف معايا وتقلل الفاتورة.
وبعدين ايه اللي احنا بناخده من منظمات حقوق الانسان او منظمات المحافظه علي البيئه أكتر من 50 جنيه بادفعهم رشوه لما اجي افحص العربيه علشان فحص العادم (حتي لو كانت العربيه زيرو)



انا واحد من الناس استحاله حاعمل كده...
تقدروا تسموه (خالف تعرف) (تنفيس عن الكبت اللي الحكومه معيشانا فيه)
(أخدت ايه علشان أدي)..... الخ.

وبغض النظر عن المغزي او الهدف...
انا كده كده بادفع شهريآ مرتب للحكومه علشان استهلاك الكهرباء... ومصمم استهلكها بالقيمه اللي بادفعها.
ياراجل ده انا في يوم كنت باتخانق مع الرجاله لو سابوا شاشه شغاله واحنا بنقفل المكتب... وبقي طاير من الفرح لما لاقيت الاستهلاك 190 كيلو بس... وقلت خلاص بقي حادفع 50 او 60 جنيه زي بقية البشر.
فوجئت بالفاتوره جايه 265 جنيه...
استهلاك 85 جنيه
متأخرات 163 جنيه
والباقي دمغااااااااااااااات.

اطفى النور اية بس انا اساسا بخاف من الظلمة

اقتباس:

---

المشاركة الأصلية كتبت بواسطة eslamwega

اطفى النور اية بس انا اساسا بخاف من الظلمة

---

:biggrin::biggrin:

الصراحة أنا مفهمتش حاجة من الموضوع ...

بس كده كده إحنا مش بنطفي النور ... عيب كده :khd:

اول مرة اسمع عن الموضوع ده فى الاف ام امبارح ..

وطبعا لو حصل ايه ولا هنطفى ولا هنعمل ..

بس ان شاء الله يوم 6 ابريل هبدا بنفسي ..

ال يعنى حد هيطفى ولا هيعمل حاجة !!!

اقتباس:

---

المشاركة الأصلية كتبت بواسطة Abdo_Eldesokey

بس كده كده إحنا مش بنطفي النور ... عيب كده

---

عســـــــــــــــــــــل:b iggrin:
طب هما كمان مقلوش لما يطفوا النور الساعه دي هيعملوا ايه؟؟؟:k45:

بغض النظر عن البعد السياسى فى الموضوع.... اساسا هذه الدعوة هى من نوع التخفيض فى استهلاك الطاقة عموما بكل اشكالها، مثلها مثل الدعوة الى عدم استخدام الكلوروفلوروكاربون لضرره بطبقة الاوزون، والدعوة الى ترشيد استهلاك المياه (بدلا من ان تملأ البانيو، استخدم الدوش الذى يوفر استخدام المياه الى النصف فى هذه الحالة) و ايضا عدم فتح الافران كثيرا اثناء طهى الطعام لانه يسبب تسريب حرارى للجو بلا داعى يساهم فى ال green house effect وهكذا.... كلها دعوات للتوعية بترشيد استخدام الطاقة و نشر الوعى باثار ذلك على البيئة.

اقتباس:

---

المشاركة الأصلية كتبت بواسطة فادى

غدا هناك دعوة عالمية لاطفاء الأنوار لمدة ساعة من 8:30 الى 9:30 مساء,
المفترض أن يكون ذلك دعما للبيئة, و سوف يرصد جوجل معدل انطفاء الأنوار فى هذا الوقت,
هو الموضوع مثالى لهذه الدرجة؟ لا أعتقد!!
منذ عام 1973, عندما استطاعت دول الأوبك رفع اسعار البترول بصورة فلكية عبر منع تصديره الى الدول المؤيدة لاسرائيل, دخلنا فى دوامات اعلامية و مثاليات عن البيئة و الطاقة النظيفة و ترشيد الاستهلاك, الى اخر هذا الهراء,
الموضوع ليس بهذه المثالية,
فبعد ان استطاعت دول الأوبك و الدول العربية خصوصا تحقيق نصرا سياسيا مهما فى 1973, أنشأت منظمة اسمها "وكالة الطاقة الدولية", هدفها الأساسى هو البحث فى كيفية الضغط على دول الأوبك, و التحكم بأسعار النفط صعودا و هبوطا بحسب الرغبة.
و كانت الخطة التى يمكن تلخيصها فى ثلاثة كلمات "البيئة - البدائل - النفط عالى التكلفة",
قامت الدول الغربية بدعم بدائل النفط, مثل الطاقة الكهربائية, و الشمسية, و طاقة الرياح, و الطاقة النووية بحجة البحث عن بدائل بعد نفاذ النفط(رغم أنهم يعلمون أن هذه التكنولوجيات لا يمكنها أن تحل محل النفط), كل ذلك بالترافق مع استخراج النفط عالى التكلفة, مثل النفط الثقيل فى كندا,
الخطة الثالثة هو الحديث عن البيئة و أضرار الطاقة الأحفورية عليها, لحث المواطنين على تخفيض الاستهلاك.
كل ذلك يدور فى فلك واحد, الضغط على دول الأوبك, و اجبارهم على تخفيض اسعارهم و التحكم بهم, و منعهم تماما من استخدام سلاح النفط مرة أخرى,
هل تعلمون لماذا لم يستخدم العرب سلاح النفط مرة أخرى أثناء اجتياح لبنان عام 1982, أو أثناء الانتفاضة الثانية (رغم ان الدعوات لاستخدام سلاح النفط كانت صاخبة),
ببساطة صرح أكثر من مسئول وقتها, للأسف لا نستطيع!
ان تهديدات الغرب المستمرة بدعم بدائل الطاقة الأحفورية, و دعواتهم المستمرة لخفض استهلاكه, و تلويحهم بدعم استخراج البترول الثقيل مرتفع التكلفة, أربك حسابات العرب تماما, و وضعهم تحت ضغط دائم يطالبهم بانتاج البترول بأكبر كمية ممكنة حتى لا يعطوا الفرصة للبدائل كى تسطوا على حصتهم من الأسواق,
لذا فان الحديث عن سلاح النفط أصبح ترفا لا يتحمله العرب!

من الطريف اذن ان يتفاعل البعض مع دعوة اغلاق الأنوار غدا, و كأنهم يتعاطفون مع جلاديهم!
أرجوكم افتحوا الأنوار غدا.

---

بالذمة ده كلام يدخل العقل؟

عدم استخدام العرب لسلاح النفط هو تخاذل من حكامهم وعدم اكتراث بضحايا العدوان على اخوانهم وليس ضغط من الغرب باستخدام الطاقة البديلة وما الى ذلك.

الطاقة البديلة ليست جاهزة وليست عملية الى الآن، فكيف يمكن للغرب الضغط بها؟

كما أن الاقتصاد العالمي مازال يعتمد على النفط من صناعة البترول الى صناعة السيارات التي لا تسعى بجدية لاستخدام مصادر طاقة بديلة. النقط هو الذي يربط هذه المنظومة المعقدة من المصالح المترابطة.

شاهد الوثائقي "من قتل السيارة الكهربائية؟" لتعرف ان بالرغم من وصول بعض شركات صناعة السيارات لنماذج سيارات تعمل بالطاقة الكهربائية وفي نفس الوقت عملية الى حد ما، فقد اوقفت هذه الشركات انتاج هذه السيارات بل وسحبتها من السوق وذلك لعدم اغضاب صناعة البترول لترابط مصالحها معها.

المؤامرة هنا ليس الغرب ضد العرب، بل هي منظومة البترول (دول منتجة، شركات البترول الضخمة وشركات صناعة السيارت) تتآمر على شعوب العالم كله وعلى كوكب الأرض.

اقتباس:

---

المشاركة الأصلية كتبت بواسطة itsonlyme

بالذمة ده كلام يدخل العقل؟

عدم استخدام العرب لسلاح النفط هو تخاذل من حكامهم وعدم اكتراث بضحايا العدوان على اخوانهم وليس ضغط من الغرب باستخدام الطاقة البديلة وما الى ذلك.

الطاقة البديلة ليست جاهزة وليست عملية الى الآن، فكيف يمكن للغرب الضغط بها؟

كما أن الاقتصاد العالمي مازال يعتمد على النفط من صناعة البترول الى صناعة السيارات التي لا تسعى بجدية لاستخدام مصادر طاقة بديلة. النقط هو الذي يربط هذه المنظومة المعقدة من المصالح المترابطة.

شاهد الوثائقي "من قتل السيارة الكهربائية؟" لتعرف ان بالرغم من وصول بعض شركات صناعة السيارات لنماذج سيارات تعمل بالطاقة الكهربائية وفي نفس الوقت عملية الى حد ما، فقد اوقفت هذه الشركات انتاج هذه السيارات بل وسحبتها من السوق وذلك لعدم اغضاب صناعة البترول لترابط مصالحها معها.

المؤامرة هنا ليس الغرب ضد العرب، بل هي منظومة البترول (دول منتجة، شركات البترول الضخمة وشركات صناعة السيارت) تتآمر على شعوب العالم كله وعلى كوكب الأرض.

---

بص هى اللعبة ببساطة بين الأوبك و الدول المستهلكة للنفط
الدول المستهلكة بتقول اننا نطور بدائل للنفط, و نفطكم يلوث البيئة مش عايزينه, و بنعلم الناس ترشد استخدامه عشان ملوث للبيئة و بيعمل احتباس حرارى, خفضوا سعره و انتجوه بكميات كبيرة و الا هنتجه الى البدائل و هنطور الطاقة النووية و هنصرف على الطاقة الشمسية و هنعمل عربيات هايبريد بتشم البنزين, و هيرخص و مش هيبقى ليه لازمة.
و لا يتسنى لدول الأوبك التأكد من كفاءة هذه البدائل بصورة كبيرة, لذا فانها تتخبط.
دول الأوبك بتقول انها مستعدة لاغراق الأسواق دائما بنفط زهيد الثمن, و بتحاول توازن بين انها تنتج كميات كبيرة فلا تسمح بتطوير تكنولوجيات بديلة لأنها تصبح غير مجدية اقتصاديا فى هذه الحالة, و بين انها تحافظ على سعره المرتفع.
و فى كل الأحوال الجزء الهام من اللعبة فى صالح الدول الغربية, لو تم قطع امدادات النفط عن الغرب, هيتجه الى البدائل و "هيشرب العرب البترول" و ده اللى العرب خايفين منو.
هى دى اللعبة اللى اتلعبت بعد 73 حتى لا يتكرر ما حدث.

الموضوع مش تخاذل الحكام العرب, الموضوع هو "خيبة" الحكام العرب,
الذى قتل السيارة الكهربائية ليست المصالح النفطية, بل الطبيعة البشرية, على فكرة فيه عربية كهربائية امريكية بتتباع اسمها تسلا, و لا تحقق نجاحا, عارف ليه؟
لأنها محتاجة 3 ساعات عشان تتشحن,و غير ممتعة فى القيادة, ايه اللى يخلينى استنى عربيتى 3 ساعات لما انا ممكن أملا خزان الوقود فى دقيقتين.
لكن لو اتقطع النفط, يخشى العرب من تطوير بدائل اعتمادية تحت ضغط الحرمان.
انا معاك انو البدائل غير اعتمادية على الاطلاق, و الغرب اول من يعلم بذلك, لكنهم يستخدمونها للضغط,
أقل ما على الدول النامية و خاصة المنتجة للبترول الا تدعم هذا الاتجاه الغربى.

اقتباس:

---

المشاركة الأصلية كتبت بواسطة فادى

بص هى اللعبة ببساطة بين الأوبك و الدول المستهلكة للنفط
الدول المستهلكة بتقول اننا نطور بدائل للنفط, و نفطكم يلوث البيئة مش عايزينه, و بنعلم الناس ترشد استخدامه عشان ملوث للبيئة و بيعمل احتباس حرارى, خفضوا سعره و انتجوه بكميات كبيرة و الا هنتجه الى البدائل و هنطور الطاقة النووية و هنصرف على الطاقة الشمسية و هنعمل عربيات هايبريد بتشم البنزين, و هيرخص و مش هيبقى ليه لازمة.
و لا يتسنى لدول الأوبك التأكد من كفاءة هذه البدائل بصورة كبيرة, لذا فانها تتخبط.
دول الأوبك بتقول انها مستعدة لاغراق الأسواق دائما بنفط زهيد الثمن, و بتحاول توازن بين انها تنتج كميات كبيرة فلا تسمح بتطوير تكنولوجيات بديلة لأنها تصبح غير مجدية اقتصاديا فى هذه الحالة, و بين انها تحافظ على سعره المرتفع.
و فى كل الأحوال الجزء الهام من اللعبة فى صالح الدول الغربية, لو تم قطع امدادات النفط عن الغرب, هيتجه الى البدائل و "هيشرب العرب البترول" و ده اللى العرب خايفين منو.
هى دى اللعبة اللى اتلعبت بعد 73 حتى لا يتكرر ما حدث.

الموضوع مش تخاذل الحكام العرب, الموضوع هو "خيبة" الحكام العرب,
الذى قتل السيارة الكهربائية ليست المصالح النفطية, بل الطبيعة البشرية, على فكرة فيه عربية كهربائية امريكية بتتباع اسمها تسلا, و لا تحقق نجاحا, عارف ليه؟
لأنها محتاجة 3 ساعات عشان تتشحن,و غير ممتعة فى القيادة, ايه اللى يخلينى استنى عربيتى 3 ساعات لما انا ممكن أملا خزان الوقود فى دقيقتين.
لكن لو اتقطع النفط, يخشى العرب من تطوير بدائل اعتمادية تحت ضغط الحرمان.
انا معاك انو البدائل غير اعتمادية على الاطلاق, و الغرب اول من يعلم بذلك, لكنهم يستخدمونها للضغط,
أقل ما على الدول النامية و خاصة المنتجة للبترول الا تدعم هذا الاتجاه الغربى.

---

المشكلة أنك تنظر للغرب على انه حكومات متآمرة وبس. الغرب أولاً شركات، ثم حكومات وشعوب.

الاقتصاد العالمي بيشجع على مزيد من استهلاك النفط والحكومات تساند هذا الاقتصاد القائم على النفط بعكس ما تقوله بأنها تلوح بالبدائل.

بوش مثلا كان آخر ما يعنيه هو الحفاظ على البيئة أو خفض اسعار البترول أو الضغط على الدول المنتجة للبترول. حربه على العراق وسياساته الأخرى أدت الى ارتفاع سعر النفط وفي النهاية هو المستفيد هو واصدقائه في هاريبرتون ودول الخليج. والمتضرر الأكبر هي الشعوب حتى في الغرب. الشعب الأمريكي عانى من ارتفاع اسعار البترول.

أوباما، وعلى عكس بوش، لام شركات السيارات المتعثرة لأنها لم تقم بتطوير تكنولوجيا نظيفة لذلك فهو يربط خطة الانقاذ بالتزام هذه الشركات بتطوير سيارات صديقة للبيئة.

نقطة تانية مهمة: احنا دايما فاكرين ان الشركات هي اكبر دافع لتطوير التكنولوجيا. وده صحيح في معظم الأحيان ولكن في بعض الأحيان الشركات تعرقل تطوير التكنولوجيا الجديدة وتتأخر في تبنيها بقدر ما تستطيع لأنها تريد استنزاف التكنولوجيا القديمة التي استثمرت فيها كثيرا.

مخترع ال FM انتحر ومات فقير لأن التكنولوجيا اللي اختراعها حوربت من جهاز تنظيم الاتصالات الأمريكي FCC ومن وراءه شركة الاذاعة الأمريكية RCA (الشركة اللي كان شغال فيها) ببساطة لأنها استثمرت الملايين في البنية التحتية القائمة على تكنولوجيا ال AM مما معناه أن تبني ال FM سوف يجعلها تصرف الملايين لانشاء بنية تحتية جديدة. تكنولوجيا ال FM تأخر تبنيها لعقود لهذا السبب. الفكرة أن الشركات تسعى للتربح من التكنولوجيا القديمة التي استثمرت فيها الى آخر رمق قبل تبني التكنولوجيا الجديدة. نفس الفكرة مع شركات الطاقة وشركات السيارات، تبني السيارات التي تعمل بالطاقة الكهربائية بشكل واسع لن يأتي قبل استنزاف النفط. الشركات سوف تستعد وتطور التكنولوجيا الجديدة ولكن لن تطرحا في السوق على نطاق واسع الا في الوقت المناسب.

بعدين منين بتقول ان البدائل غير اعتمادية وفيي نفس الوقت بتقول ان اللعبة في صالح الغرب وان الغرب هيخلي العرب يشربوا البترول؟

أنا نسيت أقول اهم حاجة كنت عايز أقولها.
بغض النظر عن مين بيتآمر على مين، استهلاك البترول ومصادر الطاقة الحفرية يضر بالبيئة. يعني احنا ملزمين أخلاقيا بالبحث عن بدائل. هو كده كده البترول بيخلص، فالواجب علينا كدول منتجة للبترول البحث على مصادر دخل بديلة والا في خلال 30 سنة حنرجع حفاة عراة. وفي نفس الوقت البديهي ان الدول المستهلكة تدور على مصلحتها وتحاول التقليل من اعتمادها على البترول.

جميل الموضوع ده
وبخصوص الانوار عموما الاستهلاك القليل احسن بكتير من الاستهلاك العالي ومش دايما بنحتاج الانوار في كل وقت وبالذات في النهار عشان في ناس كتير بتستخدمها بالنهار
وعن نفسي مدام بليل يبقى مش هطفي النور
وبخصوص 6 ابريل ياترى في ايه في اليوم ده السنه ديه !!!

اقتباس:

---

المشاركة الأصلية كتبت بواسطة itsonlyme

المشكلة أنك تنظر للغرب على انه حكومات متآمرة وبس. الغرب أولاً شركات، ثم حكومات وشعوب.

الاقتصاد العالمي بيشجع على مزيد من استهلاك النفط والحكومات تساند هذا الاقتصاد القائم على النفط بعكس ما تقوله بأنها تلوح بالبدائل.

بوش مثلا كان آخر ما يعنيه هو الحفاظ على البيئة أو خفض اسعار البترول أو الضغط على الدول المنتجة للبترول. حربه على العراق وسياساته الأخرى أدت الى ارتفاع سعر النفط وفي النهاية هو المستفيد هو واصدقائه في هاريبرتون ودول الخليج. والمتضرر الأكبر هي الشعوب حتى في الغرب. الشعب الأمريكي عانى من ارتفاع اسعار البترول.

أوباما، وعلى عكس بوش، لام شركات السيارات المتعثرة لأنها لم تقم بتطوير تكنولوجيا نظيفة لذلك فهو يربط خطة الانقاذ بالتزام هذه الشركات بتطوير سيارات صديقة للبيئة.

نقطة تانية مهمة: احنا دايما فاكرين ان الشركات هي اكبر دافع لتطوير التكنولوجيا. وده صحيح في معظم الأحيان ولكن في بعض الأحيان الشركات تعرقل تطوير التكنولوجيا الجديدة وتتأخر في تبنيها بقدر ما تستطيع لأنها تريد استنزاف التكنولوجيا القديمة التي استثمرت فيها كثيرا.

مخترع ال FM انتحر ومات فقير لأن التكنولوجيا اللي اختراعها حوربت من جهاز تنظيم الاتصالات الأمريكي FCC ومن وراءه شركة الاذاعة الأمريكية RCA (الشركة اللي كان شغال فيها) ببساطة لأنها استثمرت الملايين في البنية التحتية القائمة على تكنولوجيا ال AM مما معناه أن تبني ال FM سوف يجعلها تصرف الملايين لانشاء بنية تحتية جديدة. تكنولوجيا ال FM تأخر تبنيها لعقود لهذا السبب. الفكرة أن الشركات تسعى للتربح من التكنولوجيا القديمة التي استثمرت فيها الى آخر رمق قبل تبني التكنولوجيا الجديدة. نفس الفكرة مع شركات الطاقة وشركات السيارات، تبني السيارات التي تعمل بالطاقة الكهربائية بشكل واسع لن يأتي قبل استنزاف النفط. الشركات سوف تستعد وتطور التكنولوجيا الجديدة ولكن لن تطرحا في السوق على نطاق واسع الا في الوقت المناسب.

بعدين منين بتقول ان البدائل غير اعتمادية وفيي نفس الوقت بتقول ان اللعبة في صالح الغرب وان الغرب هيخلي العرب يشربوا البترول؟

---

اقتباس:

---

المشاركة الأصلية كتبت بواسطة itsonlyme

أنا نسيت أقول اهم حاجة كنت عايز أقولها.
بغض النظر عن مين بيتآمر على مين، استهلاك البترول ومصادر الطاقة الحفرية يضر بالبيئة. يعني احنا ملزمين أخلاقيا بالبحث عن بدائل. هو كده كده البترول بيخلص، فالواجب علينا كدول منتجة للبترول البحث على مصادر دخل بديلة والا في خلال 30 سنة حنرجع حفاة عراة. وفي نفس الوقت البديهي ان الدول المستهلكة تدور على مصلحتها وتحاول التقليل من اعتمادها على البترول.

---

الغرب شركات ثم حكومات, و مفيش شعوب,
لا يوجد ديموقراطية حقيقية فى الغرب, بصراحة مش لاقى لفظ أفضل من اللى قاله القذافى, ديموقراطية "الحمير", رغم انو القذافى اخر من يتكلم عن الديموقراطية, لكنه كان محقا جدا فى هذه النقطة,
الشعوب هناك موجهه تماما, و تختار ما وضع لها بدقة, و لا تغير شيئا, لذا فهم "حمير" كما قال القذافى.
انها ديموقراطية التعبير الشعبى, و ليست الحكم الشعبى,
الشعب يجعجع و "يهوهو" طول النهار, و الحكومات تفعل ما تريده فى النهاية.
ببساطة من مصلحة الحكومات و الشركات معا تطوير الطاقة البديلة كنوع من التهديد للدول النفطية, و ليس كنوع من البديل الفعلى, و هو الخط الرفيع الذى يسير عليه الغرب, حتى لا يقعون تحت رحمة الدول النفطية,
هل تذكر قرش الفحم؟ هل تذكر كيف دعمت الحكومات الأوروبية الفحم رغم انه ليس طاقة نظيفة و لا اى شىء؟ و مازال مدعما فى المانيا حتى الأن,
هذا ما يدعونا الى التأمل, الهدف من تطوير بدائل ليس البيئة, بل المصلحة, فالفحم ليس صديقا للبيئة.
اما مسألة نهاية النفط فأنا كتبت عنها موضوع منفصل قبل ذلك, عندها فاننا سنضطر فعلا الى اتخدام بدائل ان لم تنهار الحضارة البشرية (و هو ما اتوقعه) و نعود الى عصر الحمير و الدواب.
لكن ما الداعى الى تطوير بدائل فى الوقت الحالى مادام النفط موجودا؟! هذا هو السؤال.
دع البدائل لوقتها.
أما مسألة البيئة فدى أعتقد انها تحتوى على الكثير من المبالغات من ناحية, و من ناحية أخرى الحديث عنها نوع من ال"فراغ" التى يتمتع به البعض فى الغرب, و ليس لدينا ترف الحديث عن البيئة و لا العناية بها فى بلادنا.

اقتباس:

---

المشاركة الأصلية كتبت بواسطة فادى

الغرب شركات ثم حكومات, و مفيش شعوب,
لا يوجد ديموقراطية حقيقية فى الغرب, بصراحة مش لاقى لفظ أفضل من اللى قاله القذافى, ديموقراطية "الحمير", رغم انو القذافى اخر من يتكلم عن الديموقراطية, لكنه كان محقا جدا فى هذه النقطة,
الشعوب هناك موجهه تماما, و تختار ما وضع لها بدقة, و لا تغير شيئا, لذا فهم "حمير" كما قال القذافى.
انها ديموقراطية التعبير الشعبى, و ليست الحكم الشعبى,
الشعب يجعجع و "يهوهو" طول النهار, و الحكومات تفعل ما تريده فى النهاية.
ببساطة من مصلحة الحكومات و الشركات معا تطوير الطاقة البديلة كنوع من التهديد للدول النفطية, و ليس كنوع من البديل الفعلى, و هو الخط الرفيع الذى يسير عليه الغرب, حتى لا يقعون تحت رحمة الدول النفطية,
هل تذكر قرش الفحم؟ هل تذكر كيف دعمت الحكومات الأوروبية الفحم رغم انه ليس طاقة نظيفة و لا اى شىء؟ و مازال مدعما فى المانيا حتى الأن,
هذا ما يدعونا الى التأمل, الهدف من تطوير بدائل ليس البيئة, بل المصلحة, فالفحم ليس صديقا للبيئة.
اما مسألة نهاية النفط فأنا كتبت عنها موضوع منفصل قبل ذلك, عندها فاننا سنضطر فعلا الى اتخدام بدائل ان لم تنهار الحضارة البشرية (و هو ما اتوقعه) و نعود الى عصر الحمير و الدواب.
لكن ما الداعى الى تطوير بدائل فى الوقت الحالى مادام النفط موجودا؟! هذا هو السؤال.
دع البدائل لوقتها.
أما مسألة البيئة فدى أعتقد انها تحتوى على الكثير من المبالغات من ناحية, و من ناحية أخرى الحديث عنها نوع من ال"فراغ" التى يتمتع به البعض فى الغرب, و ليس لدينا ترف الحديث عن البيئة و لا العناية بها فى بلادنا.

---

انا معاك في النص الأول من مشاركتك. كويس قوي ان احنا متفقين ان الشركات والحكومات تتلاعب بمصائر الشعوب.

بس المختلف فيه معاك هو الجزء التاني من مشاركتك. صناعة البترول من اكبر الصناعات في العالم وتنافس صناعة السلاح على المركز الأول!

بعدين الداعي من تطوير بدائل ان البترول خلاص ... بيخلص. حنبتدي ندور على بدائل امتى؟!

اقتباس:

---

لكن ما الداعى الى تطوير بدائل فى الوقت الحالى مادام النفط موجودا؟! هذا هو السؤال.
دع البدائل لوقتها.

---

أدرس حاليا فى الكلية ماده اسمها الطاقة والبيئة

الدكتور كان قلنا ان الاتحاد الاوربى وضع خطة لتأجير الصحراء الكبرى فى غرب مصر و ليبيا و شمال تشاد لعمل محطة طاقة شمسية عملاقة تغطى احتياجات اوربا كلها من الكهرباء و يمر لاوربا خلال 3 مسارات واحد من سيناء لاسرائيل و لتركيا ثم لاوربا والاخر خلال عرض البحر لايطاليا و الثالث يمر عبر مضيق جبل طارق و تم وضع التصميمات كلها لتلك المحطة
و الاغرب سيتم اعاده بيع الكهرباء مرة الينا بسعرها العالمى !!

النفط هيخلص هيلخص و لابد للبحث عن البدائل

و احلى حاجة اننا لسه نايمين !!! :Ka_che1[1]:

اولا شكرا لحضرتك علي الموضوع
بس للأسف انا ما مش فاهم ايه وجه الاستفادة اللي هتعود عليهم لما نطفي النور

اقتباس:

---

المشاركة الأصلية كتبت بواسطة musiccairo

وبخصوص 6 ابريل ياترى في ايه في اليوم ده السنه ديه !!!

---

اليوم ده ياباشا اضراب عام من اجل تحسين المعيشه للمصريين

اقتباس:

---

المشاركة الأصلية كتبت بواسطة ibrahimsaad

اليوم ده ياباشا اضراب عام من اجل تحسين المعيشه للمصريين

---

طيب ياريت حد يعمل توبيك بالموضوع ده يا شباب...
انا عن نفسي ماكنتش عارف.

اقتباس:

---

المشاركة الأصلية كتبت بواسطة Drift_Lover

طيب ياريت حد يعمل توبيك بالموضوع ده يا شباب...
انا عن نفسي ماكنتش عارف.

---

ياريت، بس موضوع زي ده غالبا الادارة هتقفله وتحذفه كمان.

حسبى الله ونعم الوكيل فى الكهرباء وفلوسها بهدلونا فلوس ..يارب هناخد ماكافاء على التفاعل :k40:
ربنا يوفق

الصراحه مع احترامي لوجهة نظر سيادتك انا مش مقتنع بالكلام ده

ليه بقى ؟ لأن مش كل الكهرباء مصدرها من البترول

عندك امريكا 49% من الكهربا مصدرها الفحم و 20 % غاز طبيعي و 20 % طاقه نووية و 2% فقط من البترول

وامريكا طبعا هي اكبر منتج ومستهلك للكهرباء في العالم

وفرنسا 78% من الكهربا من الطاقه النوويه و 2% فقط بترول

يبقى اظن ان الهدف مش سياسي ومالوش علاقه بالبترول


http://www.postimage.org/Pqp5Zw0.jpg

الانسان له احتياجات عديدة .... لكن لها اولويات
يعني اول الاولويات دي الأمن ... يكون الانسان آمن على وجوده وعلى حياته
ثم يأتي المأكل والمشرب والملبس
ثم يأتي العيش بآدمية ... والشعور بالاهمية .... وهكذا ....
وبعد ان يستكمل الانسان كل احتياجاته الاساسية يبحث عن الكماليات .... تكييف ... سيارة ... طائرة ... انتر نت
ثم يبدأ الانسا ن في النظر حولة ليستكمل ما يمكن ان يكون مبعث لأهتمامه .... الحيوانات الاليفة .... واللوحات الفنية .... وما الى ذلك
ثم يبدأ في الاهتمام بما ابعد من ذلك .... مثل البيئة
...
لكن العبث كل العبث ....
ان يكون هناك من الناس استكمل كل ذلك وصولا الي رفاهية الحيوان وصحته النفسية ... وبيتكلم عن البيئة وما الى ذلك ( لغاية دلوقت هو عنده حق ومنطقي ) لكن يأتي هذا الانسان ويريد ممن لا يجد احتياجاته الاولية مثل الامن على الحياة ... والمأكل والمشرب والملبس ... واولاده يموتون جوعا بينما الآخرون يموتون شبعا وتخمة .... وعاوزه يشارك معاه في ما يتعلق البيئة ....اكيد مافيش لغة مشتركة بين الطرفين
....
انت جاي لناس مشكلتهم ان رغيف العيش مش موجود ... والفول غلى ...والناس بتموت من المرض ومش عارفة تتعالج و تقولهم طفو النور عشان الغرب بيلعب استغماية ...... النور بيطفي لوحده هنا يا سادة .... بيتقطع .... مش احنا اللي بنقطعه
ده مش عيب فينا .... انت لو قلت الكلام ده للناس في اوربا في القرن ال17 ..... كان ممكن يكون جزاء ذلك الموت حرقا .... كالساحرات .....
فيه مثل لذيذ بيقول
ان جاعو زنو ... ان شبعو غنو ( بتشديد النون في الكلمتين )
....
احنا بنزن ..... وهما عاوزينا نغني معاهم :khd:

للاسف للاسف للاسف للاسف .

ناس كتيررررة جدا جاية تقولى النور هيتقطع عن مصر بالليل :(

ال ايه سمعوا كدا فى النشرة ولا على القناة الاولى ..

و محدش فاهم يعنى ايه اصلا الحوار ده ..

اقتباس:

---

المشاركة الأصلية كتبت بواسطة Terrible_DaRsH

للاسف للاسف للاسف للاسف .

ناس كتيررررة جدا جاية تقولى النور هيتقطع عن مصر بالليل :(

ال ايه سمعوا كدا فى النشرة ولا على القناة الاولى ..

و محدش فاهم يعنى ايه اصلا الحوار ده ..

---

جهل وناس بنتقل كلام من غير ما تبقى عارفه تفاصيله.

مرة حصل خسوف للشمس والتلفزيون المصري الهمام حظر الناس انها تنص في قرص الشمس. واحد اعرفه شاف واحد ماشي في الشارع مطاطي راسه وحاطط ايده فوق عينه خايف من الشمس! الراجل فاكر انك لو بصيت ادامك الشمس حتعميق!

زي بالظبط اشاعة مكالمة أو رسالة الموبايل اللي بتموت!!! في حد في الدنيا يصدق الكلام ده؟!

اقتباس:

---

المشاركة الأصلية كتبت بواسطة itsonlyme

جهل وناس بنتقل كلام من غير ما تبقى عارفه تفاصيله.

مرة حصل خسوف للشمس والتلفزيون المصري الهمام حظر الناس انها تنص في قرص الشمس. واحد اعرفه شاف واحد ماشي في الشارع مطاطي راسه وحاطط ايده فوق عينه خايف من الشمس! الراجل فاكر انك لو بصيت ادامك الشمس حتعميق!

زي بالظبط اشاعة مكالمة أو رسالة الموبايل اللي بتموت!!! في حد في الدنيا يصدق الكلام ده؟!

---

فعلا الجهل والهبل بقا على عينك يا تاجر

اقتباس:

---

المشاركة الأصلية كتبت بواسطة aif

الانسان له احتياجات عديدة .... لكن لها اولويات
يعني اول الاولويات دي الأمن ... يكون الانسان آمن على وجوده وعلى حياته
ثم يأتي المأكل والمشرب والملبس
ثم يأتي العيش بآدمية ... والشعور بالاهمية .... وهكذا ....
وبعد ان يستكمل الانسان كل احتياجاته الاساسية يبحث عن الكماليات .... تكييف ... سيارة ... طائرة ... انتر نت
ثم يبدأ الانسا ن في النظر حولة ليستكمل ما يمكن ان يكون مبعث لأهتمامه .... الحيوانات الاليفة .... واللوحات الفنية .... وما الى ذلك
ثم يبدأ في الاهتمام بما ابعد من ذلك .... مثل البيئة
...
لكن العبث كل العبث ....
ان يكون هناك من الناس استكمل كل ذلك وصولا الي رفاهية الحيوان وصحته النفسية ... وبيتكلم عن البيئة وما الى ذلك ( لغاية دلوقت هو عنده حق ومنطقي ) لكن يأتي هذا الانسان ويريد ممن لا يجد احتياجاته الاولية مثل الامن على الحياة ... والمأكل والمشرب والملبس ... واولاده يموتون جوعا بينما الآخرون يموتون شبعا وتخمة .... وعاوزه يشارك معاه في ما يتعلق البيئة ....اكيد مافيش لغة مشتركة بين الطرفين
....
انت جاي لناس مشكلتهم ان رغيف العيش مش موجود ... والفول غلى ...والناس بتموت من المرض ومش عارفة تتعالج و تقولهم طفو النور عشان الغرب بيلعب استغماية ...... النور بيطفي لوحده هنا يا سادة .... بيتقطع .... مش احنا اللي بنقطعه
ده مش عيب فينا .... انت لو قلت الكلام ده للناس في اوربا في القرن ال17 ..... كان ممكن يكون جزاء ذلك الموت حرقا .... كالساحرات .....
فيه مثل لذيذ بيقول
ان جاعو زنو ... ان شبعو غنو ( بتشديد النون في الكلمتين )
....
احنا بنزن ..... وهما عاوزينا نغني معاهم :khd:

---

مفيش كلام بعد الكلام دة

اقتباس:

---

المشاركة الأصلية كتبت بواسطة aif

الانسان له احتياجات عديدة .... لكن لها اولويات
يعني اول الاولويات دي الأمن ... يكون الانسان آمن على وجوده وعلى حياته
ثم يأتي المأكل والمشرب والملبس
ثم يأتي العيش بآدمية ... والشعور بالاهمية .... وهكذا ....
وبعد ان يستكمل الانسان كل احتياجاته الاساسية يبحث عن الكماليات .... تكييف ... سيارة ... طائرة ... انتر نت
ثم يبدأ الانسا ن في النظر حولة ليستكمل ما يمكن ان يكون مبعث لأهتمامه .... الحيوانات الاليفة .... واللوحات الفنية .... وما الى ذلك
ثم يبدأ في الاهتمام بما ابعد من ذلك .... مثل البيئة
...
لكن العبث كل العبث ....
ان يكون هناك من الناس استكمل كل ذلك وصولا الي رفاهية الحيوان وصحته النفسية ... وبيتكلم عن البيئة وما الى ذلك ( لغاية دلوقت هو عنده حق ومنطقي ) لكن يأتي هذا الانسان ويريد ممن لا يجد احتياجاته الاولية مثل الامن على الحياة ... والمأكل والمشرب والملبس ... واولاده يموتون جوعا بينما الآخرون يموتون شبعا وتخمة .... وعاوزه يشارك معاه في ما يتعلق البيئة ....اكيد مافيش لغة مشتركة بين الطرفين
....
انت جاي لناس مشكلتهم ان رغيف العيش مش موجود ... والفول غلى ...والناس بتموت من المرض ومش عارفة تتعالج و تقولهم طفو النور عشان الغرب بيلعب استغماية ...... النور بيطفي لوحده هنا يا سادة .... بيتقطع .... مش احنا اللي بنقطعه
ده مش عيب فينا .... انت لو قلت الكلام ده للناس في اوربا في القرن ال17 ..... كان ممكن يكون جزاء ذلك الموت حرقا .... كالساحرات .....
فيه مثل لذيذ بيقول
ان جاعو زنو ... ان شبعو غنو ( بتشديد النون في الكلمتين )
....
احنا بنزن ..... وهما عاوزينا نغني معاهم :khd:

---

ايه الكلام الكبير دا كله
بس كلام فى الصميم جاب من الاخر :hlopaet_prv:

اقتباس:

---

أرسل أصلا بواسطة aif مشاهدة المشاركات
الانسان له احتياجات عديدة .... لكن لها اولويات
يعني اول الاولويات دي الأمن ... يكون الانسان آمن على وجوده وعلى حياته
ثم يأتي المأكل والمشرب والملبس
ثم يأتي العيش بآدمية ... والشعور بالاهمية .... وهكذا ....
وبعد ان يستكمل الانسان كل احتياجاته الاساسية يبحث عن الكماليات .... تكييف ... سيارة ... طائرة ... انتر نت
ثم يبدأ الانسا ن في النظر حولة ليستكمل ما يمكن ان يكون مبعث لأهتمامه .... الحيوانات الاليفة .... واللوحات الفنية .... وما الى ذلك
ثم يبدأ في الاهتمام بما ابعد من ذلك .... مثل البيئة
...
لكن العبث كل العبث ....
ان يكون هناك من الناس استكمل كل ذلك وصولا الي رفاهية الحيوان وصحته النفسية ... وبيتكلم عن البيئة وما الى ذلك ( لغاية دلوقت هو عنده حق ومنطقي ) لكن يأتي هذا الانسان ويريد ممن لا يجد احتياجاته الاولية مثل الامن على الحياة ... والمأكل والمشرب والملبس ... واولاده يموتون جوعا بينما الآخرون يموتون شبعا وتخمة .... وعاوزه يشارك معاه في ما يتعلق البيئة ....اكيد مافيش لغة مشتركة بين الطرفين
....
انت جاي لناس مشكلتهم ان رغيف العيش مش موجود ... والفول غلى ...والناس بتموت من المرض ومش عارفة تتعالج و تقولهم طفو النور عشان الغرب بيلعب استغماية ...... النور بيطفي لوحده هنا يا سادة .... بيتقطع .... مش احنا اللي بنقطعه
ده مش عيب فينا .... انت لو قلت الكلام ده للناس في اوربا في القرن ال17 ..... كان ممكن يكون جزاء ذلك الموت حرقا .... كالساحرات .....
فيه مثل لذيذ بيقول
ان جاعو زنو ... ان شبعو غنو ( بتشديد النون في الكلمتين )
....
احنا بنزن ..... وهما عاوزينا نغني معاهم

---

عندك حق, و الله الأجانب دول ناس فاضية,
التناقض الرهيب أنهم يتحدثون عن أضرار البترول على البيئة باستفاضة, و فى الوقت نفسه يشجعون الطاقة النووية,
و لا يتحدث احد عن النفايات النووية الأشد ضررا على البيئة من البترول,
لكن طبعا الموضوع لا يهمهم فى شىء, فهذه النفايات تدفن بشكل غير شرعى فى الدول النامية, بعيدا عن منازلهم!