الموضوع: بتستخدم زيت محرك نوعه ايه لعربيتك اللانوس ؟؟؟؟

المشاركة الأصلية كتبت بواسطة swimmer25

وشيل الترا عامل ايه معاك وانت عامل كام كيلو

الزيت كان نازل لزوجته كويسه وكنت ماشى بيه 7 الاف كيلو وقعد فى العربيه لمده 10 شهور بس فى اخر شهر بدأت احس ان صوت الموتور بقى اعلى من الطبيعى

المشاركة الأصلية كتبت بواسطة swimmer25

انا غيرت في التوكيل موبيل 1 بس صوت الموتور عالي مع اني لسه 5000 كيلو وبفكر بين شيل الترا و visco 5000
بس حبيت اسال حد استخدم شيل الترا في لانوس موديل جديد

زيت موبيل 1 ليس بجوده شل ولا visco وده عن تجربه اصدقاء كثيرين وكمان ده اللى اجمع عليه اعضاء كتير فى المنتدى و اكثر ما يجزم به الناس اللى بيستخدموه انه بيطير مع الأستخدام ودى فى حد ذاتها مشكله كبيره

وبالنسبه ل Visco هوا لسه فى مرحله التجريب بالنسبه لى بس الملاحظ لى حتى الأن ان صوت الموتور بقى هادى وحاسس ان العربيه بقت انعم من الأول

وخالى بالك ان تغيير الزيت خارج التوكيل لا يخرج العربيه من الضمان يعنى انتا حر تغير الزيت اللى انتا عايزه فى المكان الذى تفضله ويراعى طبعا تكون واقف بنفسك فوق دماغ الصنايعى عند تغيير الزيت تجنبا لأى مشاكل

تحياتى

المشاركة الأصلية كتبت بواسطة swimmer25

والتوكيل يعرف ازاي ان صاحب السيارة غير زيت فعلا في مواعيده المحددة
يعني لو حصل مشكلة مثلا لا قدر الله في الموتور هيقولوا انت مغيرتش زيت؟

الكلام ده ممكن لو فيه اهمال من جانب صاحب السياره سواء كان متعمد او غير مقصود

اما لو حضرتك ملتزم بتغيير الزيت فى مواعيده ولا قدر الله حصلت مشكله يبقى من حقك تحط صباعك فى عين التخين فى التوكيل

انا عن نفسى فى صيانه ال 1000 الأولى قالولى هتحط زيت قلتلهم ماشى هحط موبيل 1 بس انتوا عندكوا فيرجن 1 ولا 2 لآن فى فيرجن 2 نزلت منه ودرجه معامل اللزوجه بتعته مختلفه وساعتها كنت فاكر الرقمين بس دلوقتى مش فاكرها المهم راح حسيت انه مش فاهم حاجه راح منادى لواحد كده قال يعنى خبير فى وكاله ناسا المهم قلتلو نفس الكلام فقالى احنا عندنا فيرجن 1 لآن احنا عندنا ستوك كبير منه علشان احنا بيجلنا الزيت فى براميل مش فى جراكن زى اللى فى البنزينه فقلتلوا مش عايز اذا كان موبيل نفسها غيرته يبقى انا احط القديم ليه فقالى حضرتك براحتك لو عايز تغير بره فقلتلوا ماشى اصرفلى فلتر زيت (انا حبيت اخنق عليه صراحه) فقالى مينفاعش طالما مش هتغير زيت عندنا فقلتلوا انا عايز المدير بتاعك انا مالى انتوا عندكوا زيت مش حلوا يبقى انا ذنبى ايه المهم الراجل فعلا صرفلى فلتر الزيت وساعتها غيرت شيل الترا هيليكس

تحياتى