رأيكم اجيب فيكترا 2008 ولا كورولا 2009 ؟؟

**ramascour** · 28-03-2009 02:45 AM

يا جماعة فيكترا و لا كورولا
اللي مخوفنني في فكترا انها مش عليها طلب قوي و كمان الزيرو بتاعها 2008 و كمان في شكل اجدد لسة هينزل

**Hesham_91** · 28-03-2009 03:43 AM

رأيي الشخصي فيكتراااااااا

**therealhatem** · 28-03-2009 06:10 AM

المشاركة الأصلية كتبت بواسطة ramascour

يا جماعة فيكترا و لا كورولا
اللي مخوفنني في فكترا انها مش عليها طلب قوي و كمان الزيرو بتاعها 2008 و كمان في شكل اجدد لسة هينزل

أولا: أنا بقيت أشوفها كثير فى الشوارع وهى إنتشرت فى الأونه الأخيره بعد عروض منصور الأخيره
ثانيا: مفيش شكل جديد هينزل فى مصر التى هتنزل هى الأسترا السيدان ودى نزلت خلاص
ثالثا: هى أحسن من الكرولا بدون أدنى شك

**M.Osama** · 28-03-2009 07:29 AM

اكيد فيكترا بدون ادني شك

**فادى محمد** · 28-03-2009 12:44 PM

مينفعش تقارن بين الماني وياباني - الالماني اكيد اقوي وبرستيجه عالي وثباته غير عادي علي الطريق وقطع غياره معمره جدا اكتر من الياباني - توكل علي الله وهات فيكترا ومبروك مقدما .

**Ahmad Allawy** · 28-03-2009 01:44 PM

وايه المشكلة في كده؟.؟.؟؟
ماهو هيبقي ده اخر موديل ليها.. مش هيبقي في منها 2009 يعني..
هينزل مكانها الاسترا السيدان.. و اكيد الفيكترا احسن.. و فئة اعلي كمان.. و هتبقي تقريبا في نفس السعر.. يبقي تلحق دي..
و الشكل الجديد نزل برة بالفعل و اخد سيارة العام في اوروبا.. و اسمها انسينيا مش فيكترا.. و مش هينزل هنا قبل 2011 علي الاقل..
و سعرها هيبقي معدي سعر الباسات.. يعني دخلت في فئة سعرية تانية خالص..
متحطش الموضوع في بالك.. و كمقارنة بين العربيتين.. اكيد الفيكترا تكسب و بسهولة كمان..