الموضوع: انطلاق الوحش الكوري "نيو سيراتو"...

المشاركة الأصلية كتبت بواسطة myr999

الاستاذ سمسم انا ماكنتش اعرف اصلا كيا بس عجبنى شكل السيفيا وجبتها وهى عاملة الى الان 200 الف كم وكل الى بعملة غير تغير الزيت وتيل الفرامل (50 ج م )كل 80 الف اغير سيور وغيرت مرة سلك البوجيهات فانا مستغرب جدا جدا من قولك كثيرة الاعطال فهذا اخر شيء تقولة عن كيا واسئل اصحاب كيا برايد وبعدين بتقول وفرو كلامكم لحد ماتجربوها فالموتور مجرب فى السيراتو الشكل السابق ومعروف ان بة تكنولوجيا cvvt وادائة فوق الممتاز ثم تتكلم عن السيتى وبتقول الكورى تقليد اليابانى امال مقلتش لية انالسيتى من ورا تقليد الbmw وطبعا علشان لا تضع الكماليات فى التقييم اشرت اليها بانها شوية حاجات ( abs ebd esc وسمارت كى وستب ترونيك و سنسور ركن وفرش جلد و تكييقف تتش وفتحة سقف كهربا وجنوط سبور 17 وكمبيوتر للسائق )اعتقد دول مش شوية حاجات حول الكماليات او الحاجات زى ما بتقول الى فلوس مثلا اى عربية بفتحة سقف تزيد مثلاعن بدون 4 الاف جنية وخد بالك ياياشا السيتى صناعة ماليزى

اولا انا بحب الكيا سيفيا جدا وبجد عربية محترمة وكنت بنصح بيها واحد صاحبى للى عايز عربية درجة اعتمادية عالية وقطع غيار رخيصة وموجودة الى حد ما واصلا الكورى فى الوقت دة انا بعتبرة احسن فترة لية حتى النوبيرا 1 بحس انها اشد من النوبيرا 2 فى كل حاجة مع اختلاف الشكل احسن لصالح 2 وطبعا كماتور
والسيراتو مش وحشة بس ضيقة جدا من ورا وشغالة تاكسى مابتستحملش ودة بناء على الناس اللى شغالين عليها ودة ممكن يكون كل حال السيارات الجديدة بس بجد كل عربية هتشوف مدى قوتها فى التاكسى
ولو الهوندا سيتى قلدت البى ام فى الفوانيس الخلفية ماشى بس ماتقلدش العربية كلها وطبعا باين جدا واهم حاجة طريقة رسمة الفوانيس مع الشبكة زيها زى السيتى طبعا مع اضافة اللمسات وبالنسبة للكماليات دية كلها اللى حضرتك ذكرتها انت جايب الفول اوبشن بتاع العربية وانت سيادتك ممكن تلاقى دة كلة فى الصينى مش حوار يعنى
وانا مش بقلل اى حاجة فى العربية لانى معرفهاش ومجربتهاش فجايز تتطلع حلوة وجاي تتطلع وحشة لكن انا اللى بتكلم فية انكوا شكرتوا فى العربية اوى كانكم جربتوها لسة كل كلامكوا دة كلوا ساب لاوانة وانا عمرى ماهاخد عربية وهاشتريها عشان تكييف تاتش وجنوط 17 وسينسور abs ebd وستيب ترونيك انا اهم حاجة عندى (درجة اعتمادية العربية, سرعتها, ثباتها, عزلها, تقفيل العربية,شكلها,اسعار قطع غيارها ,وبعد كدة اشوف بقى امكانياتها لان مش كل واحد هيركب العربية دية هيجيب الفول اوبشن بتاعها يعنى الاغلبية هيبقى راكب العربية اخرة اتوماتيك وفتحة سقف واية بى اس نادرا لما هتلاقى حد جايبها فول اوبشن لانها لو بسعرها دة يبقى اجيب هوندا سيفيك احسن 100 مرة ومش مشكلة ال10000 الزيادة اوحتى ال30000 واجيبها كاملة يبقى انهى احسن