يا باشا عيب متقولش صدعتني و الكلام ده... انا في الخدمة في اي وقت..
بالنسبة للخامات فأنا لقيتها بصراحة مش فخمة زي القديمة.. يعني البلاستيك المستخدم ناشف و مش فخم زي اللي مستخدم في الشيب القديم, استعاضو عنه بالنواكل و الطلاء المعدني باللون الفضي عشان يدوها الطابع الرياضي اكتر, بس انا شايف القديمة من جوه كخامات راااائعة بصراحة..
بس لو هو ده العيب اللي فيها فبالنسبة ليا ممكن اتجاوزه في مقابل باقي الكماليات و الامكانيات الغير مسبوقة في اي عربية كورية نزلت مصر (و والله مش نفخ في العربية اللي هشتريها) بس دي الحقيقة...
انطباعي عن الكراسي كان ممتاز و مريح اكتر من القديمة (بالنسبة ليه) و المقصورة المنخفضة مريحة بالنسبالي اكتر من القديمة برضو و كمان الكراسي و خاماتها مصممة للبلاد الحارة و العربية واسعة من جوه فعلا (انا طولي 186سم, ظبط اعدتي على كرسي السائق و بزيادة كمان و لفيت اعدت ورا, رجلي ملمستش الكرسي اللي قدامي و كنت بحركها يمين و شمال و قدام بحرية) و في ناس بتقول القديمة اكبر انا مش عارف ليه بس هو ايحاء, ادخل على السيت و افتح الاثنين جمب بعض و اقرأ الأبعاد كلها (هية هية و الفرق الارتفاع عن الأرض قل 1سم في الجديدة و العربية بقت اعرض من القديمة!!!) يعني المفروض و انا بقول المفروض نظريا ان العربية ثباتها يكون خرافي مع الجنط ال17... نجرب و نحكم
و لو عايز تعرف اي حاجة يا باشا انا موجود و في الخدمة... احنا هنا كلنا اخوات
المفضلات