لسه مفيش اخبار برده...
هو السوفت وير ضرب ولا ايه... :,:
لسه مفيش اخبار برده...
هو السوفت وير ضرب ولا ايه... :,:
السلام عليكم ورحمة الله وبركاته......
انا رحت النهاردة التوكيل ونزلت السوفت وير الخاص بالفتيس بعد تعديله وقمت بتجربة السيارة فى شوارع وطرق مدينة العبور وقد لاحظت الأتى مع العلم ان هذه التجربة نتيجتها مبدئية.
وقد لاحظت الأتى:
انك فى النظام الجديد هتلاقى انك بدون ما تضغط على دواسة البنزين هتلاقى العربية بتمشى حتى سرعة 10كم\س دون اى ضغط على الدواسة يعنى زى نظام الأتوماتيك العادى بالظبط..
الحاجة التانية انه مبقاش فى وقت كبير مابين النقلة والنقلة اللى بعديها.
الحاجة التالتة ودى اللى لاحظها والدى لأنه كان دايما بيستخدم الوضعEاما انا فكنت باستخدم الوضع اليدوى اوالEs انه بقى حاسس ان العربية خفيفة معاه فى السحب مش تقيلة زى الأول فى النظام القديم.
وفى حاجة كمان هتأكد منها بكره هى موضوع الموتور اللى صوته بيعلى لمل بتكون ماشى على سرعة متوسطة وان كانت موجودة زى الأول ولا لأ وانا حتى الأن لم الاحظها وحتى الأن انطباعى عن السوفت وير بعد تعديله هو افضل بكثيييييييييييرررررررر من الأول ونسيت اقول حاجة ان النتشة والرجرجة والحاجت دى مباقتش موجودة وانا بكرة هاحاول امشى بالسيارة من مدينة العبور حتى مدينة نصر حتى يطمأن قلبى لهذا السوفت واحب اوجه رسالة للتوكيل تويوتا مصر:dontudear: اللى كان منشف دماغه حبتين مع العملاء وطلع ان العيب فيهم لأنهم لايستطيعون التكيف مع ناقل الحركة الجديدويجب ان يتعلموا طريقة قيادته وكان بيدافع عنه بأستماتة احب اقولهم:dontudear: ان الزبون دايما على حق.
ابو الوليد المصرى
شكرا ليك على الموضوعاقتباس:
انك فى النظام الجديد هتلاقى انك بدون ما تضغط على دواسة البنزين هتلاقى العربية بتمشى حتى سرعة 10كم\س دون اى ضغط على الدواسة يعنى زى نظام الأتوماتيك العادى بالظبط..
الكلام اللى انت كاتبه كله بيحصل فى العربية بتاعتنا 2009
يعنى العربية بتتحرك من غير ما ازود بنزين خالص وده طبعا بدون ما اغير السوفت وير
واضح كده ان 2009 تفرق عن 2008
عايزين الناس اللى عندها 2008 تقولنا
الكلام ده برضه مش موجود فى 2009اقتباس:
ونسيت اقول حاجة ان النتشة والرجرجة والحاجت دى مباقتش موجودة
المهندس الفنى فى التوكيل قال لى ان هذا السوفت وير جاء تعديله بعد العيد الكبير وعايز اعرف من الناس اللى معاها الكوكو ال2009 هل بيشتكوا من أى شى فى الفتيس او فى حاجة مش عجباهم فى العربية بوجه عام والنهاردة قبل ما المهندس ما يدخل العربية الورشة قالى شوف العربية لو هى بتمشى من غير ما تدوس على دواسة البنزين يبقى العربية مش محتاجة سوفت وير بس انا احترت فجابولى مهندس من الورشة وطلع جرب معايا العربية وفى الأخر دخلها الورشة ونزلها السوفت وير
على فكره انا اول واحد قولت انى نزلت السوفت وير الجديد وكله لما راح التوكيل كانوا بيعاندوا معاهم وبيقولوا مفيش سوفت وير جديد مش عارف ليه
وعلى فكره الاول العربيه مكانتش بتتحرك من مكانها لازم تدوس على دواسة البنزين دلوقتى بتتحرك زى الاوتوماتيك العادى من غير ضغط عليها وده بيساعد شويه فى المطالع لان الاول العربيه كانت بترجع لوراء
كنت بحس فى السوفت وير القديم ان العربيه مفرمله على e بين النقلات وده كان مزعج جدا دلوقتى الحمد لله مفيش
العربيه كان صوتها بيعلى بين النقلات
دلوقتى فيه بتنقل زى الاوتوماتيك العادى من غير ما صوت الموتور يعلى وبقا الاحساس بصوت الموتور بانه اهدا من الاول
اعتقد 2009 كله فيه السوفت وير ده
و2008 فيه القديم
والله اخبار كويسة جدا لاصحاب كورولا 2008
واكيد التوكيل موش هيعترف بالعيب ده عشان الناس م تقولش كلام عالعربية
انا بعتذر لانى كتبت فى موضوع سابق ان الموضوع ده افتكاساقتباس:
وعلى فكره الاول العربيه مكانتش بتتحرك من مكانها لازم تدوس على دواسة البنزين دلوقتى بتتحرك زى الاوتوماتيك العادى من غير ضغط عليها وده بيساعد شويه فى المطالع لان الاول العربيه كانت بترجع لوراء
بس انت لو كنت قلت على موضوع ان العربية بتتحرك من غير دوس بنزين كنت عرفت ان فيه فرق بين 2008 و 2009
الحمد لله على تظبيط الفتيس لكم بعد تنزيل السوفت وير
بس حبيت أأكد المعلومة إللى كنت بقولها و كان فيه أعضاء فى المنتدى بتستغرب من كلامى لما قلت إنك بتحس بنتشة و فرملة بين النقلات و دى مزعجعة جدا و دا كان نتيجة تجربتى للكرولا MMT
و أدى ملاك الكرولا أكدوا معلومتى بعد ما نزلوا السوفت وير الجديد :S_thum1[1]:
شوف انا شخصياً معرفش حد معاه العربية وكان بيشتكى من موضوع الفتيس اللهم كام واحد معانا على المنتدى وكلها موضوعات قديمة فواضح انهم معاهم 2008
انا زى ما قولت انا معايا 2009 ومعنديش اى مشكلة فيها مع الفتيس واعتقد كل اللى معاة 2009 ومنهم صحابى معندهمش اى مشكلة خالص
فطبيعى انا نختلف مع شاركى لان بيقول حاجات ومشاكل مش موجودة فى عربيتنا
بس بما اننا اتاكدنا من كدة دلوقتى من خلال تجربة احد الاعضاء وقبل كده أحمد ابو سمرة ومحدش صدقه لان ببساطة التوكيل بينفى ان فية سوفت وير جديد
ولاسف مفرووض الطبيعى اننا نصدق التوكيل اكثر من اى حد :dontudear:
وانا عن نفسى اعتذر لشاركى واحمد ابو سمرة وحسبى الله ونعم الوكيل فى التوكيل لانة كان بينفى الكلام ده وبيأكد انها عيوب استخدام وسواقة من السائق وناس مش فاهمة الفتيس :khd:
وانى مكنتش مصدق كلامكوا تماماً :satelite:
بس انا ليا سؤال اللى اعرفة ان توكيل تويوتا فى العباسية والقاهرة الجديدة وابو رواش
العبور دة اية مركز خدمة معتمد ولا توكيل ؟