فعلا إنت راجل محترم :k10:
على فكرة العبور دا مركز خدمة معتمد مش التوكيل
الحمد لله ان الحقيقه بانت...
ديه كانت حرب شعواء بين ملاك التيوتا و بين Sharky علي فتيس التيوتا ده...
و الحمد لله كمان مره ان السوفت وير الجديد ظبط الفتيس...
بس مش مفروض يبقي في تعويض لملاك العربيه من التوكيل علشان كان معاهم عربيه في عيب و هما كانوا دايما بينفوا الموضوع ده...
اقل تقدير يبقي اعتذار...
عمر ما برمجه الفتيس كانت عيب فى العربيه او الفتيس
ما تنساش ان المجيان لما نزلت كانت بتنتش برده فى بعض النقلات
مع انها مش مانيوال خالص وتورك كونفيرتر عادى
بس البرمجه اللى بتنزل مع العربيه فى اول انتاج للفتيس الجديد مش بتكون عامله حساب كل حاجة خصوصا لو نازله مصر
بلد الاولومبيات والشقلبظات فى السواقه
عشان كده البرنامج بتاع الفتيس من اول وهله يقول ايه ده
انا مش فاهم حاجة
هو عاوز يشد ولا يفرمل؟ لا لا ده اكيد بيركن
يعنى انا على التانى طيب اجيب التالت ولا استنى عشان شكله هيجيب مرشيدير اصلا :B4_592:
غير كده وكده
بما انى شغال فى مجال البرمجيات بكل انواعها
عمر ما فى برنامج بينزل السوق وهو سليم 100%
لازم يحصل عليه تطوير واصلاح بعض الحاجات اللى ممكن تكون مش عيب اصلا بس مش عاجبه العميل
والموضوع حصل فى ماركات كتير
اذكر منها رينو و بيجو واوبل وتويوتا
واعتقد اى مصنع بينزل بفتيس جديد بعد فتره بينزله برنامج جديد
والله انتم اللى ناس ذوق وشكرا ليكم على اصراركم على رايكم فى الكورولا 2008 اللى ظهرت صدق كلامكم بالتجربة :wink:
بس علشان نقفل الموضع دة عايز اعرف حاجة كل الكورولا 2008 محتاجة السوفت وير الجديد ولا فية كدة وفية كدة ؟ يار يت اللى معاة 2008 يقولنا
الخلاصة حتى معرفة راى باقى مالكى 2008 اذا كان محتاج سوفت وير جديد او لا :
التويوتا كورولا الجنوب افريقى الفتيس MMT :-
1- محتاج سوفت وير جديد لـ 2008 (تويوتا العبور)
2- مفيش اى مشكلة مع 2009
لو حد لية راى ثانى يا ريت نعرفه
وبكدة يكون الجدال بان فتيسها اللى فيها مشكلة انتهى الى الابد
كلامك محترم وحيادى فعلاً ظهر الكلام ده فى الجيل الاول من الميجان والاوبل
هنروح بعيد لية ميكروسوفت وصن واوراكل وكل عملاقة السوفت وير فى العالم بينزلوا Service pack, patches او Update علشان يحل مشكلة ظهرت فى السوفت وير
يعنى تويوتا او رينو او اوبل او حتى مرسيدس هتكون احسن منهم :,:
المفروض انها حاجة مش عيب فى حق تويوتا ولا تقلل منهم بالعكس ده يدل انهم ناس محترمة وبيحلوا اى مشكلة ظهرت فى السوفت وير
بس المشكلة الحقيقية ان التوكيل مش عايزين يعترفوا اصلاً ان فية update للسوفت وير للكورولا 2008
والعيب ان السوفت وير يكون فى مركز خدمة معتمد والتوكيل ميعرفش عنه حاجة
يعني مركز الخدمه بيعمل update و التوكيل لسه بينكر...اقتباس:
بس المشكلة الحقيقية ان التوكيل مش عايزين يعترفوا اصلاً ان فية update للسوفت وير للكورولا 2008
والعيب ان السوفت وير يكون فى مركز خدمة معتمد والتوكيل ميعرفش عنه حاجة
ده كلام مش مظبوط من التوكيل...
فعلا يا جماعه وانا بشوف العربيه التوكيل رافض الاعتراف بالمشكله و دلوقتى التست درايف بيتعمل على موديلات 2009