فيات أونو 90 للبيع الجاد

**ibrahim_ali** · 28-03-2009 02:31 PM

السلام عليكم إخواني الكرام..
لدي سيارة فيات أونو إيطالي موديل 1990 - 1000 سي سي - فابريكة بالكامل - بها عدة صدمات واحد في الرفرف الأمامي والباب الخلفي - تحتاج سمكرة للسقف ويعض الخدوش - بها بعض أعمال السروجي في السقف وظهر الكنبة الخلفي - الموتور يحتاج عمرة أو تغيير - الزجاج الأمامي يحتاج لتغيير -
نرجو إفادتي بالسعر المناسب للبيع قبل وبعد العمرة.

**sasam6** · 28-03-2009 07:12 PM

بالتوفيق فى البيع بأذن الله

**ayman2000ghazy** · 01-05-2009 03:30 AM

انت عايز فيها كام؟

**Ahmad Allawy** · 01-05-2009 11:48 AM

شوف يا باشا.. خلينا نحسب بالراحة كده هي ممكن يتصرف عليها كام و تبقي زي الفل..
السمكرة و الدوكة هتاخد حوالي 1000-1500 جنيه.. و خلينا نقول 1500 و نحط اسوأ الفروض
سروجي فرش و ضهر الكنبة و السقف.. قول 500 جنيه..
الموتور لو هتغير و تجيب واحد 1400 استيراد عشان ال1000 ده اكيد ضعيف شوية.. بس ده انا مش عارف تمنه كام بصراحة..
قول 3-4 الاف جنيه مثلا.. بالفتيس طبعا بتاعه بالضفيرة بكله..
يعني قول 6-7 الاف جنيه تتشد العربية و تبقي عروسه بمعني الكلمة..
هي تمنها كام ف السوق دلوقتي؟؟ و اقصد الموديل و الموتور ال1000.. نقول 20 الف مثلا؟
انا بصراحة مش عارف.. و باقول الرقم بالتقريب.. (متزلعش مني لو الرقم قليل.. بس ده عدم دراية بسعر السوق..)
و اخصم منه تمن بعض الحاجات اللي هتعملها.. و اكيد مش كله..
يعني نقول ممكن تبيعها في حدود 15 مثلا..

**ayman2000ghazy** · 02-05-2009 01:04 AM

ما ردتيش على يا باشا عايز كام

**ابو حسين** · 02-05-2009 09:01 PM

ربنا يوفق فى البيع

**ayman2000ghazy** · 03-05-2009 07:48 AM

بعد الاسعار الموجودة دلوقت السيارة مش حتجيب ازيد من 12000 و هى بحالتها او 20000 بعد العمرة و الشغل

**tmedhat** · 03-05-2009 11:38 AM

العربية محتاجة شغل كتير فعلا
من 12 الى 15
على حالها
وربنا يوفقك

**ayman2000ghazy** · 12-05-2009 08:57 PM

لو ناوى بيع بالسعر ده ممكن تتصل بى ayman2000ghazy@hotmail.com

**ibrahim_ali** · 16-05-2009 12:59 AM

السلام عليكم إخواني الكريم .. لقد وفقني الله تعالى في بيع السيارة، ودفع المشتري 18,500 نقدي وكمان 500 لوسيط كان بينا ... أي دفع إجمالي 19,000 ، وتم البيع في نص شهر 4 تقريبا ... ربنا يوفقنا وإياكم ويبارك لنا كلنا ... آمين

ملحوظة: معلومة للفائدة أقول: بالنسبة للموتور شغال وسافرت بالسيارة مسافات طويلة خاصة في الفترة الأخيرة والسيارة معايا تمام على الطريق.. لكن طبعا الموتور مش في أحسن حالاته .. وعموما أنا سألت على سعر الاستيراد في أول شهر 4 الماضي فكان بـ 1800 أما الفيتيس والضفيرة فما في داعي للتغير لأنهم بحالة جيدة

وأعتذر جدا للإخوة الأعضاء على التأخر في الرد .. لأنني تابعت الردود فلم يتم الرد سريعا فصرفت النظر عن المتابعة وذهبت للسوق في مدينة نصر وربنا وفقني وبعتها في ربع ساعة والحمد لله.