السلام عليكم
يا ريت ياجماعة أى حد عنه تويوتا ياريس يقولنا عن تجربته فى السيارة دى سواء المميزات أو العيوب
عرض للطباعة
السلام عليكم
يا ريت ياجماعة أى حد عنه تويوتا ياريس يقولنا عن تجربته فى السيارة دى سواء المميزات أو العيوب
بص يا باشا
العربية مع ابن خالتى من شهر 7/2006 و انا سقتها تقريبا لمدة 3 شهور بتوع الاجازة كلهم دا غير بعد كده, و سافرنا بيها فجربتها فى ظروف كتيرة
اولا هى 1300 مانيوال, ب 2 ايرباج, تكييف, باور و كاسيت بس
مفيش زجاج كهرباء او سنتر لوك
المميزات
1- احسن ميزة فيها الموتور, بسم الله ما شاء الله قوى جدا و استهلاكها للبنزين مش عالى سواء بالتكييف او بدون
لما تشغل التكييف مبيأسرش اوى على العربية. و كمان السحب بتاعه ممتاز
2- التابلوه مبتكر و كويس, فى العدادات ديجيتال بالنسبة للبنزين و الحرارة و بقيت الحاجات, و مكانه مش صعب لكن تاخد وقت علشان تتعود عليه
3- مساحتها من جوة حلوة, و الشنطة نفس الكلام
4- شكلها مميز طبعا
5- سرعنها القصوى 170 كم/ساعة ( و كنا راكبين 6 افراد كبار و 2 صغييريين فى طريق سفر) اكيد ممكن تجيب اكتر لو الحمل اقل
6- العربية عالية, فالميزة هنا لو حملتها جامد مبتخبطش فى مطب او كده
7- العربية ناعمة جدا, و سمعت حد بيقول ان الباور بتاعها كهرباء بس مش متأكد من المعلومة دى. بس انا سقتها و سقت اللانسر بعدها على طول, الياريس انعم.
8- العفشة بتاعتها ناعمة, لكن مش نفس نعومة الكورولا
العييوب:
1- اكبر عيب الثبات, وحش فعلا, و دى ظهرت اوى لما كنت سايقها لوحدى من غير اى حمل فيها, و السرعة مكنتش عالية
2- التقفيل بتاعها مقبول, و الخامات المستخدمة كان ممكن تكون احسن من كده ( الجلدة بتاعت الشنطة فكت من اول اسبوع و بقينا نعدلها بإيدينا, و فى التوكيل قالوا ملهاش حل)
3- العربية مكعبرة حبتين, ف السواق بيواجه صعوبة انه بحفظ ابعادها, و فىها بؤر كتير تتخبط فيها لأنها بارزة زيادة
4- الفيبر المسنخدم فى الكصدام الامامى و الخلفى ضعيف( اتخبطت من ورا بسيط ف الاكصدام اتكسر)
5- حكاية انك لازم تدوس على الدبرياج عشان تشغل العربية وحشة. و كمان دواسة الدبرياج صغيرة اوى فى التحكم فيها مش سهل عشان كده بتفصل من الواحد كذا مرة ( حصلت مع كل اللى ساقها بلا استثناء)
6- عدم وجود سنتر لوك غبى جدا لأن المسوجر بتاعها مش صباع بيطلع و ينزل, فكتير اوى ينسى اى باب مفتوح.
و فى التوكيل قال لنا مش هركب سنتر علشان وجع الدماغ ( لو ركبت سنتر على عربية مش سنتر مشاكله كتير, ده اللى قاله)
غير كل الحاجات دى, ابن خالتى عمل بيها حادثة شهر يناير اللى فات, هو خبط بيجو 405 من ورا, هو عربيته اتبهدلت و البيجو تقريبا محصلش حاجة (يعنى الخامات المستخدمة فيها ضعيفة) غير كده ال Airbags مطلعوش و بتاع التوكيل يقوله بيطلعوا لو الحادثة وصلت للموتور (و الحادثة اللى هو عمالها خدشت الموتور :o , و مفيش حاجة طلعت)
الخدمة فى وكيل تويوتا جيدة جدا, ده غير ان الضمان 100 الف او 3 سنين
الخلاصة العربية جيدة, لكن مش ممتازة, تحسين لعيوب كتير ظهرت فى الموديل السابق بتاعها اللى هو الايكو, و لكن لسه فى شوية تحفظات او حاجات ممكن تبقى احسن
اى سؤال عنها انا تحت امرك
fe3lan ya man...
el kalaam kollo mazboot geddan.
ma3a wa7ed sa7bi w ba3d awel 2 monthes baaz ta2m el debreyag..ool de bete7sal
bas bardo 3amal 7adsa 3alashan mawdoo3 enno mesh shayef 7aga men el kabsoola elly a3ed feha de ....zawayaha sa73ba geddan :x
بس على فكره الموديل الجديد 2007 فيه سنتر وريموت وكل الكلام ده وجنوط 15 كمان
احب اتفق مع معاذ في تقييمه , بس مع وجود بعض الملاحظات:
1-الاكصدام الامامى و الخلفى زي معظم الموديلات الجديده واللي لسه هاتظهر الكام سنه الجايين مصنوع من الفيبر وده محتاج حرص في السواقه.
2-ابعاد العربيه محتاجه تعود , فعلا أول ماتركبها تحس بأختلاف عن أي عربيه عاديه ,القوائم الاماميه عريضه وعلي قد ما ده جيد من حيث السلامه بس بيسبب وجود نقطه عمياء في منطقه القائم الأمامي الأيمن بالذات, ده غير وجود العدادات في النص , كل ده محتاج اسبوع ولا 2 عشان تتعود عليها.
3-الخامات الداخليه جيده لكن أقل فخامه من الكورولا "فرق سعر طبيعي" - أعرف 3 غيري معاهم العربيه ومحدش اشتكي من فك جلده أو اي عيوب في الخامات
4-عدم وجود مقب في منتصف الكنبه الخلفيه بيدي مساحه لجلوس 3 افراد مسترحين
5-ثبات العربيه ماشاء الله ممتاز وافضل من الكورولا بس أكيد اقل من الاوكتافيا و الأوبل , جربتها علي طرق كتيره "شرم الشيخ-الغردقه-العين السخنه" بسرعه 170 كم بوجود راكب واحد معايا علي وقت طويل نسبيا والحمد لله الثبات ممتاز
6-الشنطه طبعا أصغر من الكورولا
7-التكييف مش بيأثر علي الموتور بالرغم من انها 1300 بس و أوتوماتيك - ميزه صعب تلاقيها غير في التويوتا و الديهاتسو
8-ناعمه في السواقه و الباور بتاعها كهرباء , ABS + EBD بينفعو فعلا في بعض المواقف.
على فكرة يا ابو عبد الله العربية بتاعت ابن خالتى راكب فيها جنوط 15"
و ده احد اسباب ان العفشة مش ناعمة اوى, لأن السمك بتاع الكاوتش قل
اما بالنسبة للثبات, العربية مش ممتازة, و مش سايحة على بعضها, تقدر تديها 6.5-7/10 فى الثبات بس مش اكتر من كده
لأن اكيد فى عربيات احسن منها كتير فى النقطة دى
اما السرعة القصوى اللى جابها ابن خالتى على المنيب فكانت 185 كم/ساعة حتى الان, يبقى حتى اشعار اخى العربية بتجيب 185 :lol:
السلام عليكم :
]انا معايا ياريس من حوالي 10 شهور وعملت بيها تقريبا 18000 ك ودى بعض الملاحظات
1_ المميزات
الباور بتاعها رائع
الموتور قوي جدا و تسارع ممتاز بالنسبة لعربية 1300
التكييف قوي ولايؤثر على الموتور
المقصورة واسعة (يسمونها فى اوروبا Big Small
استهلاك وقود منخفض (عند سرعة 90 تستهلك 20 لتر لكل 320 كم وداخل المدينة تقريبا 20 لتر لكل 260 )
بالنسبه للثبات (بصراحة ابهرنى على الرغم من ارتفاعها -جبت بيها سرعة 187 علي الطريق الدولى- لحد 140 ثبات ممتاز جداا)
العيوب
الأكصدام بتاعها يحتاج الى حرص في القيادة
دواسة الدبرياش تأخذ وقت للتعود عليها
اعتقد ان السيارة تستحق اكثر من سعرها الحالى
اقتباس:
المشاركة الأصلية كتبت بواسطة tamohsen
اقتباس:
المشاركة الأصلية كتبت بواسطة tamohsen
النقطه دي مهمه جدا لاني مره شوفت في أشاره عربيه ريحت بس على الياريس الوش بتعها اتشرخ شرخ طولي
يعين الراجل محتاج يغير الوش كله بالكامل لأنه متصل ببعضه
بسم الله
انا عندي يارس و عامل بيها 17000 و اشهد ان العربية في المجمل ممتازة و انا اتفق مع معاذ على معظم النقاط و لكن اختلف في التالي :
1الاتزان بتاع العربية 8 من 10 و اكتر في حالة الجناح و الجنوط
2العربية عالية و دي ميزة مهمه جدا خاصة في مصر
3الاكصدام الامامي و الخلفي فيبر ضعيف لكن هو مشابه لعربيات كتير مثلا هوندا سيفيك الجديدة اكبر مثال
4معدلات الامان عالية ( في المانول من غير ABS) مثل اكياس الهواء و البعد بين السائق و التابلوه و الزجاج و صدر الحديد الأمامي و انا عملت حادثة بالعربية و صدمت عربية بيجو 405 و كلنا عرفين قوة الصاج فيها و هي كانت واقفة و انا علي سرعة 70 و مش لابس الحزام الي حصل اني الحمد لله طلعت سليم من غير حتى خدش (الحمد لله) و الصدر الحديد انعوج للأعلى بحيث انه حمى المحرك و التوكيل قال ان السبب هو تصميم صدر الحديد
5العربية سعرها عالي جدا و دي سياسة تويوتا إلي بترفع من سعر عربيتها مقابل فئاتها
6التوكيل طبعا الأفضل و خدمة ما بعد البيع ممتازة و توافر التوكيلات المعتمدة إلي بتعوض زحمة مركز أبو الرواش
7 long live إلي بيميز التويوتا بشكل عام
8 التسارع ممتاز و المحرك ممتاز و انا بتفق مع معاذ في النقطة دي
9 الشكل النسابي المميز للعربية لكن ده بيخلي سوقتها صعبة جدا و بتحتاج تعود و كل خبطة بأثر على الشكل جدا و انا اري ان النقطة دي راحت على مصمم العربية
10 ان الوزن الزيادة في العربية بيخليها تاخذ المطبات بشكل سئ لو السرعة زيادة سنة صغيرة ده بسبب ان العربية عالية و التصميم ذي الزفت للمطبات في مصر ( مطبات عالية و كمان مش عريضة ) لكن ده يفضل أفضل من عربية ذي نيسان صني إلي كل مطب بيرفع ضغطي و بيخبط في الشاسية
دي اهم النقط الي بشوفها في العربية لكن كما قلت العربية ممتازة بشكل عام و الدليل على كده نجتحها الكبير في مصر و في الخليج
احب اضيف أني أنصح بقراءة موضوع الاستاذ abonora و فتح هذا الموقع الي يثبت معدلات الامان العالية في اليارس إلي بيرد على ان اليارس هشة
http://www.euroncap.com/images/resul...asheet%202.pdf
did the airbags open??اقتباس:
المشاركة الأصلية كتبت بواسطة محمدايهاب
يا جماعة احنا مش عارفين المقاييس اللي علشنها تتفتح الأير باجز
مش اي خابطه تنفتح الأير باجز
دي لها حدود لها مقاييس معينه
اضافة لكلام ابو عبد الله انى اسمع ان الأيرباج ممكن يكون مضر لو متفتحش فى وقتة اقصد وقت الحادثة ممكن لو حد عندة فكرة لية مضر يقولى و لو كلامى غلط برضة يقولى :)
هل الكلام ده صحيح؟؟؟؟؟؟؟؟؟؟؟؟اقتباس:
المشاركة الأصلية كتبت بواسطة أبو عبدالله
الكلام دا صحيح أنا جيب واحدة فيها:
سنتر و 4 زجاج كهرباء و مفتاح ريموت و ABS و EBD و سبويلر و أتوماتيك و 2 Airbag
, جنوط عادية مقاس 15
مش دى اللى 114 الف؟؟اقتباس:
المشاركة الأصلية كتبت بواسطة sharky
لأ يا باشا دى بـ 99000 جم و هى دى الفول أوبشن أتوماتيك
طب ممكن تدينى اسم المعرض اللى اشتريت منه وعنوانه ، أصلى سائل على العربية من مدة قريبة قالى اللى ب 99000 دى من غير جنوط ولا سبويلر وتقريبا airbag للسائق بس. ولما سألت عن اللى فيها الحاجات دى قالى 114000!!!
وعلى فكرة الكلام دة من ال call center بتاع تويوتا ورقمهم 16550
هية مبدئيا بجنوط 15 عادية مش سبور و جبتها من 3 شهور تقريبا من موزع معتمد لتويوتا إسمه النصر عنوانه:
مدينة نصر 23 ش حسن الشريف - إمتداد النادى الأهلى
ت/ 0122482186 محمد الدهان
ت/ 26705154
مصر الجديدة 29 ش عبد الواحد فهمى خلف محطة موبيل ش فريد سميكة
ت/ 26392177
أنا متهيألى إن دا سعرها فى كل المعارض كده
على العموم الناس دى كويسة قوى و كمان موزع معتمد من شركة تويوتا نفسها يعنى مضمونين قوى.
إيقى قولى عملت معاهم إيه
الحاله الوحيدة اللى ممكن الايرباجز متفتحش فيها انه ميكونش الحزام مربوط هى GM كل عربياتها كدة بس تويوتا معرفش اذا كان الحزام مربوط 100% و الخبطه قدام و الاير باج مطلعش انت من حقك ترفع قضية على التوكيل و على الشركه كمان لان حياتك اتعضت للخطر و صدقنى حتاخد حقك بس متسيبوش
ألف شكرا يا أستاذ أحمد وبعد اذنك عندى سؤال كمان، بخصوص نظام الصوت فى العربية ، هل تسجيل عادى ولا سى دى وهل فى وصلة لل MP3 زى اللى بتنزل برة ولا لأ؟اقتباس:
المشاركة الأصلية كتبت بواسطة sharky
هى بتنزل يكاسيت كبير عن الياريس العادية بس بصراحة معرفش إيه الفرق بينه و بين الكاسيت الصغير اللى فى الياريس الفاضية لكن مافيهاش CD أو وصلة MP3 لكن ممكن تركبلها FM Modulator و تركب عليه Flash momery أو توصله بالـMP3
i see that you own both yaris automatic and megane automatic
i'm thinking of buying one or the other
the price difference is not an issue
please tell me which car would you recommend as a family car and for driving about 100 kms per day (comfort)
also, how is the smoothness of the auto in both
and the a/c, which is stronger?
thanks for your help
اقتباس:
المشاركة الأصلية كتبت بواسطة fmohiy
يا باشا دا الميجان فئة و الياريس فئة تانية ما ينفعش المقارنة بينهم لكن لو عايز تقارن أنا رأى الشخصى الميجان طبعا أحسن فى كل حاجة لكن بالنسبة للتكييف الإتنين واحد فيه لإن الياريس بصراحة التكييف بتاعها ما تحسش إنه 1300 سىسى خالص
السلام عليكم
اولا موضوع جميل جدا جدا ويحتوي على معلومات جميلة خصوصا إن معظمها من مالكي العربيات فبكدة نعرف معلومات موثوقة ولا ندع مجال للفتي!!
بما إني بفكر في شراء الياريس وحاليا في بتفرج على كذا حاجة... إمبارح كنت عند توكيل تويوتا مصر وهذة معلوماتي من فم مدير المعرض عند داون تاون إسكندرية (مش بفتي)وإنطباعاتي:
1- الناس في المعرض محترمة جدا جدا جدا ويشرحولك كل حاجة عن العربية كأنك حتشتريها ومعاك الفلوس. يخليك تركب وتاخد راحتك وتسال براحتك... كمان يجاوبوك بكالام مقنع مش إي كلام. المعارض الاخرى تحس إنك داخل تشحت ولو مش معاك شنطة فلوس فهما مش فاضيين وممنوع اللمس او الجلوس في العربية.
2- السؤال الشهير عن الاإكصدام وإنه فيبر ضعيف وحتة واحدة يعني لو إتكسر كلة بالشبكة بيتغير....قبل ما اقول ردهم انا ريحت بإيدي جامد على الاإكصدام وأقسم بالله إفتكرت إن في جزء منه صاج ..... الشاب إلللي في المعرض ما قالش ما العربيات كلها كدة... قالي ببساطة تشيل الإكصدام كلة بالشبكة بعلامة تويوتا وتغيرة وتجيب واحد جديد خالص (دة لو مش عاوز تصلح وتلحم) بكام يا عم؟ 800 جنية بس.... وسمعت إنه أقل بس الاكيد 800 جنية... في رأيي كويس جدا جدا بالنسبة لتويوتا وبالنسبة للحجم دة.
3- وإنت قاعد في العربية مش شايف المقدمة بس زي ما أخ لينا في المنتدى قال المسافة لاخر الكبوت صغيرة جدا جدا فلو كنت حريص قوي حتلاقي نفسك راكن بعيد عن المكان المطلوب بمتر على الاقل.
4- زوايا العربية واضحة في المرايات الجانبية. وعن الركنة للخلف شوفت عندهم باركينج سينسورز (اعتقد تويوتا) و معاهم مراية!!!! كلهم على بعض بتركيبهم ب 800 جنية وبيركبهملك في التوكيل.... طيب المراية لزمتها إية؟؟؟؟ هو دة الجميل في الموضوع.... بيشيل المراية القديمة ويديهالك وتركب التانية إللي بيظهر فيها مؤشر بالمسافة بين السيارة والرصيف او العمود او كذا وكذا وكمان بيدي صفارة. يعني شايف بعينك في المراية وبتقرا المسافة كمان..... بصراحة جامدة.
5- اخويا معاز كان بيقول على السنتر.... دة كمان عندهم بيركبوا سنتر بريموت وإنذار بمفتاحين فيهم الريموت في التوكيل ب 700 جنية (بس مفيش ال إيموبليزر بتاع الموتور ودة عندي مش مهم).
6- العربية جميلة من جوة وواسعة بطريقة معقولة وتناسب أسرة والشنطة واسعة. التقفيل جمسل وعاجبني إن شكل الكاسيت والتكييف واحد في كل الموديلات. إحترمتهم بردة علشان الحاجات الاساتسية موجودة في كل الموديلات بدون تفرقة .... يعني النص كماليات المانيوا إللي انا بفكر فيه يوجد بها الاتي.... عداد RPM وكمان مرايات كهربا ومخدع ولمبة ستوب وإتنين إير باج ومرايات بلون العربية .... واكيد الناس إللي إشترت دايو او فرنا او افيو هتعرف إن هذة الاشياء تعتبر من معالم الرفاهية ومش بتكون موجودة في ال base model
7-على فكرة كل الموديلات كاوتش 15
8- إللي زعلني إن السعر غلي بقى 83900 للمانيوال نص كماليات!!! ومدير المعرض قالي إن دة لأن تويوتا اليابان زودت 3% على كل العربيات المصنعة في اليابان ومتوقع زيادات أخرى.
9- لاني اعرف مدير المعرض قالي ممكن اخدمك في اللون وسرعة التسليم ولكن السعر مستحيييييييييييييييل. في نظري السعر معقول مقارنة بالموزعين الحرااااااااامية.
بصراحة روحت أتفرج عليها وانا حاببها 50% وبعد الزيارة بقيت 95% وربنا يقدم إللي فية الخير علشان لسة حقسط حشوف حوارات مع البنك.
كل المعلومات اللي انت عرفتها صحيحه وممتازه باستثناء رقم 2
الاكصدام الفيبر له ميزه وعيب :
الميزه لو اتخبط خبطه معقوله سهل جدا ترده لوضعه الاصلي بايدك او بشويه ميه سخنه عند السمكري وياخد 20 جنيه
لو الخبطه جامده شويه الاكصدام ممكن يتشرخ وفي الحاله دي ممكن تلحمه مش هايكلفك برضه كتير بس ممكن شكله يبقي وحش
سعر الاكصدام الامامي شامل الدهان والتركيب + الشبكه وعلامه تويوتا حوالي 1800 شامل الضريبه وليس 800 فقط
فاعمل حساباتك علي كده
برده انا شايف انه رقم مقبول علي اسواء الفروض
السلام عليكم
استاذtamohsen
اولا شكرا لمداخلتك
ثانيا صدقني كلامي مش من فراغ دة مدير المعرض بتاع تويوتا قالي كدة بنفسة واظن إنهم ناس محترمة ومش حيكدبوا في حاجة زي كدة.... كمان انا قلتلهم حاتصل بخدمة المبيعات وحنزل واشوف قالولي براحتك إحنا كلامنا ثقة.
ممكن زي ما حضرتك بتقول 1800 مش كتير قوي على تويوتا بس بردة كتييير وكمان دي مسألة مبدأ ولو هما كذبوا عليا فحفكلا فعلا في تغيير رأيي بخصوص العربية.
ونحب نعرف بردة اراء الاخوة اصحاب العربية
الاكصدام يا جماعه بــ 700 جنيه وانا سائل عليه قبل كده ورجعت اتأكدت تاني علشان الناس مكنتشي مصدقه
ومش شرط ترشه دهان في الوكيل اشتريه واعمله بره مش هيكلف دهان اكتر من 200 جنيه لو دهان كويس
اما 1800 جنيه دي فأنا لا اعلم تفاصيها
أكيد فيها مصنعية تركيب والدهان كويس مش هيقل عندهم عن 400 جنيه لوحده
والضريبة
ما هو لو الأصلى ب 700
يبقى المفروض التقليد يكون ب 300 أو 400
والإستعمال يبقى ب450 أو 500
بشره خير
بدون تعصب هى ولا لانسر
بص هو مش بيكدب ابدا ولا حاجه , هو بس كان بيبسط الأمور زياده عن اللزوم
سعر الاكصدام فعلا حوالي 800 جنيه , بس عن تجربه شخصيه بمركز العباسيه التكاليف علي ما اذكر كانت:
اكصدام امامي + حاجه اسمها حوامل اكصدام امامي او قواعد اكصدام + مصنعيه دهان وتركيب = حوالي 1100
الشبكه الاماميه السوداء وعلامه تويوتا = 540
الإجمالي = 1640 + ضريبه مبيعات 10% = 1804
فهو فعلا مكدبش
بس لازم حضرتك تعمل حسابك ان لو الاكصدام الامامي اتدمر تماما هوه والشبكه يبقي دي تقريبا التكلفه
وبرده ده مبلغ مقبول
كلام أبو عبدالله برده صح لأنك لو فصصت ال 1100 اللي انا كاتبها هتلاقي ان المنطقي جدا يكون :
اكصدام امامي 700
قواعد اكصدام امامي 70
دهان ومصنعيه تركيب 340
يبقي الاجمالي حوالي 1100
يبقي احنا الاربعه كلامنا صح بس التفاصيل مختلفه
في النهايه اللي هايشتري العربيه يهمه يعرف اجمالي اللي هايدفعه بالظبط في حاله تصليح حاجه زي كده في الوكيل
استاذ tamohsen
كلام جميل .... كلام معقول.......... مقدرش اقول حاجة عنه
إن شاء الله حسأل تاني في التوكيل وأتأكد مع العلم إني سألتهم وحددت وقالولي الاكصدام والشبكة وعلامة تويوتا كمان كلهم 800 جنية
بس حسأل تاني
ونا معاك جدا
الياريس افضل واخويا بيفكر يشتريها
بس عندي سؤال هو متوقع في 2009 يبقى شكل جديد ولا ايه النظام
وهل الشكل اللي موجود دلوقتي من 2006 بس ولا كان نازل بره من قبل كده واليلريس ماكنتش نزلت مصر
وشكرا
الشكل الحالى للياريس نازل من 2006 و مش حيتغير فى 2009 ممكن بس يغيروا فوانيس مع الإحتفاظ بنفس الشكل
كلام شاركي مظبوط لان الشكل الحالي هيعد خمس سنين من غير اي تغير
el 3arabiya momtaza
bass heya nashfa shewaya fi el matabat
lakenaha 3arabeya 3amaliya gidan gidan
we motorha momtaz we sa7baha 7elw gidan
we 3ala fekra heya stable fi el tari2
ana kont liwa7dy we mashy 3ala sala7 salem 3ala 140
we bakhod ghoraz we kanet kewayessa
akid mosh zay el 3arabeyat el 2almany bass kewayessa we ma2boola gedan
we heya afdal 7agat bel se3r da....
عايز اعرف رايكم في الترسيل 95 لو حد جربها لو سمحتم