أنا عايز اشتري فيكترا الجديدة وسمعت ان مو2008 في مشكلة في الفتيس الجديد؟؟؟
وعايز اعرف منكم اخر سعر ليها(elegance):B4_592:وشكراً
عرض للطباعة
أنا عايز اشتري فيكترا الجديدة وسمعت ان مو2008 في مشكلة في الفتيس الجديد؟؟؟
وعايز اعرف منكم اخر سعر ليها(elegance):B4_592:وشكراً
الفتيس بتاعها مفيهوش اي مشاكل..
و في اخوة افاضل هنا معانا اشتروها.. و العربية زي الفل معاهم..
كل ده كلام ناس مش فاهمة.. و مش عايزة تفهم ان دي تكنولوجي جديدة.. غير الاوتوماتيك العادي بتاع زمان..
الاليجانس اللي سعاتك بتتكلم عنها دي غالبا هي الفئة اللي ف الوسط.. تمنها ف التوكيل 165 الف.. و برة اكيد هتبقي ارخص من كده شوية..
بص مشكلة الفتيس ان فى ناس كتير بتسوق بطريقة غلط بتبوظ الفتيس
الفتيس الجديد لازم تكون فهمة الاول وهو نوع جديد من الجير فقط لا غير سوء استخدام فقط لاغير الالمان مش هيصنعة حاجة تبوظ دية تقفيل المانى
تم الحذف
برجاء مراجعه قاعدة رقم 6-ب من قواعد و قوانين المنتدي
مشرف القسم
المفرود فى السواقة الصحيحة انك تسيب رجلك مع كل نقلة بسيطة للاسف الناس بتعملة على اكنة اتومتك انا عرفت الكلام دة من كذا واحد جتلهم العربية دية للاسف الاستخدام اليسىء بيبوظة
وهى دية مشكلة وبالنسبة للprotection انا مش عارف الحكاية دية متنساش انة لسة جديد ومشكلة مش معروفة خالص لسة بس لية مشاكل انا سمعت عنها فى المعارض بيبعدو عنة خالص الفتيس دة زية زى التيوتا وعربية فرنساوى تانى
بس انا مسمعتش عن الموضوع ده خالص من الناس اللي شغالين ف التوكيل.. او كانوا يعني.. و منهم فادي.. المهندس اللي باتعامل معاه..
و اللي عرفته منه انه مشاكله قليلة جدا.. و عمره الافتراضي اكتر من الفتيس الاوتو بكتيييير..
الكلام دة غير صحيح بالمرة الفتيس دة عيوبة موجودة ومحسوسة نتيجت سوء الاستخدام فقط وفعلا لو استخدمتة بطريقة صحيحة عمرة الفترادى اكتر بس زى مقلتلك مشكلة ان الناس بتعملة على اكنة اتومتك بس انا شفت كذا عربية استراء فيها مشاكل فى الفتيس ومحتاس بية
أستغفر الله العظيم. ازاي يا تامر تتجرأ على الفتيس الايزي ترونيك و تقول انه فيه مشاكل. استحمل يا حلو هجوم عصابة أوبل عليك اليومين دول و ربنا يعينك يا صديقي عليهم.
يا جماعة انا مازلت عند رأي. احنا في مصر يعني ثقافة و فكر مختلف عن بره ماينفعش أقول للمشتري خد بالك الفتيس ده علشان ليه طريقة سواقة مختلفة عن الأوتوماتيك أصله تكنولوجي جديدة. عاملوا الناس قدر عقولهم دي حكمة معروفة يا جماعة.
خالص احترامي للجميع.
محمد
المره الوحيده الى سمعت انه بيبوظ من الاستعمال كانت من مهندس فى التوكيل و قالى لو سوقته غلط بغباء (و مقدرش يفهمنى ازاى غلط) السوفت وير هيعمل نتشه(زى ما بيسموها)باستمرار حتى لو خفيت رجلك و انت بتنقل ...
و بينزل سوفت جديد و يرجع تمام ..
بس هو مهندس واحد قالى الكلام ده و بصراحه انا مش واثق فيه لانه مقدرش يحد العطل الى كان فى عربيتى ...
باقى المهندس قالولى مفيش اعطال نتيجه سوء الاستخدام (و هم اساسا عارفينى و ميضحكوش عليا و انا مجربهم)..
مممممممممم
كده !!!
عايز توقع بينا و بين تامر ؟؟
يا عم خليك فى القسم بتاعك بقى ههههههه
عموما الهجوم عمره ما يكون على تامر ده هو الى معلمنى يعنى ايه اوبل احنا بنهجم عليك بس ههههههههه
والله انا مستني رأي فادي صبحي.. واهو راجل اشتغل سنتين و نص او 3 سنين ف التوكيل.. و شاف ياما ايزي ترونيك.. و هنشوف رأيه ايه..
شاف ولا لأ.. و ايه صحة الموضوع ده..
ذوقك واصل يا خالد باشا و فعلا المحترم يفضل طول عمره محترم حتى لوكان رأيه ان الأوبل أحسن من الفولكس هههههههههه:Y_hi_3[1]:
بس أنا فعلا عايز أعرف رأي موضوعي عن الايزي ترونيك يا جماعة لأن أخويا عايز يشتري الأسترا السيدان 2009 و بحاول أقوله يابني اتق الله يابني بلاش يابني بتسخن ياسيدي بنتش بس هو مصر علشان سعرها كويس جدا بالنسبة لكونها ألماني - حتى لو مصنع بولندا - فيكفي اسم أوبل العزيز على قلبي :Oc_sun1[1]:
خالص احترامي
محمد
انا اؤيد الراى ده ...
الفيكترا فئه اعلى
اوسع
اكيد اثبت
المانى 100% مع ان الاسترا مفيهاش عيوب تقفيل ..
برستيج اعلى
و النتشه و السخونيه فى العربيتين هههههههه
بهظر طبعا
الخونيه انا أأكدلك انها مش موجوده
و الفتيس أأكدلك انه لما ياخد عليه (مش فى وقت طويل ولا حاجه)...
بس خليه يجربه الاول برده و متروحش انت معاه علشان متطفش الزبون ههههههه
شكراُ ليكم كلكم وان شاء الله احجز قريب جداُ
السلام عليكم ورحمة الله وبركاته
انا اخيكم محمد عبدالفتاح من اسوان
الاخوه الاوبلاويه احب اعرفكم ان انا واحد منكم
وقصتى بدأت مع السيارات من اكثر من 12سنه جربت فيه الكورى واليابانى ود غير انى كنت راكب بيجووانا فى هولنده
والسنه الي فاتت كنت حاجز الوهم الكبير المسمى كومودو ولكن ساعة استلامى السياره رفضت استلمها ودخلت فى مشاكل مع توكيلها لغاية ما استرديت فلوسى كامله
والحمد لله فى شهر عشره الى فات اشتريت وبل فيكتر مع الايزى ترونك
ولله يا اخوانى الاعزاء انا ندمت على كل يوم لم اركب فيه اوبل فعلا عربيه ثبات جميل على الطريق وتسارعها فى منتهى الجمال
بس لازم تعرف انك بتسوق عربيه تقيله ولازم تدى العربيه فرصتها ووقتها فى التسارع يعنى لازم تحس بالموتور مع ضغطك على البنزين لانك مهما ضغط<دوست على البدال>العربيه مش حتطاوعك ودا حيجى فى الاخر على حساب الفتيس,يعنى انت لو سايق ميتسوبيشى او فيرنا ومتوقف فى اشارة مرور ممكن تدوس بنزين علشان تصل الى سرعة 100ك.م فى حوالى 10 ثونى
دا مايحصلش مع الاوبل لازم الموتور ياخد عدد لفاته المحسوبه بدقه وانا فى وجهة نظرى د احسن لانه يطيل عمر الموتور والفتيس
تمنى ن اكون اضفت معلومات صحيحه
مع اجمل تحياتى الى كل الاخوه الاعزاء:wink:
نظام الفرامل المانع للأنغلاق
ناقل حركة أيزى ترونيك
جنوط اسبور 16 بوصة
عجلة قيادة رياضية ، ثلاثية الأذرع
عجلة قيادة متعددة الوظائف
4 وسائد هوائية للسائق و الراكب الأمامى وعلى الأجناب
مصابيح ضباب أمامية وخلفية
مرايا خارجية قابلة للطى والضبط كهربائيا
المرآة الداخلية حساسة للضوء
صندوق معزول لحفظ المبردات
شاشة بيانات جرافيك
مساحات حساسة للرطوبة / بها حساس للمطر
زجاج كهرباء
مسند للذراع أمامى وخلفى
ضبط مقعد السائق والراكب الأمامى فى 8 أتجاهات مختلفة
حامل أكواب أمامى وخلفى
مخارج لهواء التكييف فى الخلف
درج تخزين لحفظ المبردات
شاشة بيانات جرافيك
كمبيوتر فى لوحة القيادة
مثبت سرعة
7 سماعات
مقاعد جلد
راديو + مشغل اسطوانات مدمجة + MP3 مدخل صوت خارجى
مقاعد أمامية كهربائية
ذاكرة لحفظ وضع المقعد حسب قائد السيارة
ضبط حرارة التكييف لكل جانب على حدى
ضبط التكييف رقميا
السلام عليكم :
يا ترى هي دي مواصفات العربية اللي ب 165000 (High line) ولا منصور شايل منها كماليات
دى يا باشا كماليات الفئه الى قبل الاخيره ...
بس هى سعرها 165 ولا 170 ؟؟
والله يا سيدي الأخ اللي في التوكيل قالي هي دي الهاي لاين ،، و ب 165000 والتوب لاين ب 180000 بفتحة سقف وزينون
فعلا كلامه مظبوط بس التوب لاين تزيد الاتى:
1-برنامج اتزان اليكترونى Esb
2-بخاخات على الفوانيس
3-6 ايرباج
4-زينون (زى ما هو قال)
5-فتحه سقف(زى ما هو قال)
6-الرشاشات على الزجاج الامامى بها سخانات...
طيب سؤال فني بقى للشباب ،، الواحد وهو بيشتري العربية يعرف ازاي انها هي فعلا الفئة اللي هو متكلم عليها ،، اصل انا معظم الكماليات دي بتبقى مش باينه للعين ،، نعرف ازاي ؟؟؟
وطبعا شكرا للمساعده
سهله على فكره ...
الزينون مثلا هتنور النور ..
هتلاقى لونه اول ما يشتغل ازرق غااامق و بعد كده بيبقى قريب اوى من الابيض ..
فتحه السقف باينه طبعا
الشاشه فى الفيكترا حاجتين :
1-صغيره و هتلاقى فيها زرارين من تحت (بتوع الساعه)...
2-شاشه كبيره بدون زراير بتاع اخر فئتين ...
و الايرباج بيبقى مكتوب كلمه ايرباج فى كل حته فيها ايرباج...
ال ESB اول ما تفتح الكونتاكت هتلاقى لمبته منوره كام ثانيه و تطفى ..
البخاخات على الفوانيس هتلاقى زى مربع كده تحت الفانوس ...
و اساسا هم مش هيضحكو عليك فى دى لان كماليتها ثابته مش بتتغير ..
الكلام ده مثلا فى الجيتا او الاوكتافيا لان منهم خليجى و كمالياته مختلفه كتييييييييير
احنا مثلا بعد ما اشترينا الاوكتافيا اكتشفنا ان مفيش مثبت سرعه و مفيش سى دى 6 اسطوانات و مفيش مراقبه ضغط الهواء فى الاطارات مع ان العربيه كامله..
و مبرووووووووووك مقدما...
و اى استفسار انا تحت امرك
ربنا يخليك ،، انا ان شاء لله حروح بكرة علشان اشوف الألوان الموجوده ،، واتفق على الشراء باذن الله .. دعواتكم وحوافيكم بالأنباء ان شاء الله
ممكن تفيدوني مين افضل الفيكترا2008 او الاسترا الجديدة وكمان في اعادة البيع
الف شكر يا استاذ احمد على التحيه الرقيقه
مع تحيات اهل اسوان لجميع عائلة الاوبلاويه الشجعان
محمد عبد الفتاح:36_1_1[1]:
شكرا علي نصيحتك يا استاذ أحمد ويا ريت توضح لي اكتر ليه الفيكترا أفضل من الاسترا الجديدة لاني عرفت ان الاسترا موتورها جديد واقوي وبتتصنع في الماتيا ولا بتتقفل في دولة اوروبية غير المانيا
شوف يا باشا..
هي كعربية فئة اعلي من الاسترا..
و كماليات اكتر..
الاسترا ممكن يكون موتورها احدث بس فروق بسيطة.. مش تكنولوجي جديدة يعني.. وبعدين اقول حاجة بسيطة يعني بتاع 10 حصان بالكتير..
و السيدان مش بتتقفل في المانيا.. في بولندا و ده الكلام اللي سمعته من الناس بتوع التوكيل.. و الهاتش باك اصلا مكانتش بتتجمع في المانيا.. كانت بتتجمع في بلجيكا..
____________________________
برجاء مراجعة قاعدة 6-ب من قواعد و قوانين المنتدي
مشرف القسم
الفيكترا الكامله ب 180 الف فى التوكيل وممكن تكون ارخص شويه فى المعارض 2 او 3 بالكتير اما كثر الزيروا فيها من رأى استنا شويه لما تخلص من السوق وسعرها حيهدى عن كدا اما البى ام فاعتقد انها اعلى من البى ام بس كمليات اقل ومانويل فمقرانه مختلفة شويه
So why you removed my participation ?اقتباس:
برجاء مراجعة قاعدة 6-ب من قواعد و قوانين المنتدي
مشرف القسم