اخر مقارنة هعملها : سيفيك احسن او كورولا ؟

**ramascour** · 28-03-2009 06:42 PM

اخر كلام عايز أخد رأيكم مع ذكر السبب
كورولا خليجي و لا سيفيك
و رأيكم في حكاية ان سيفيك واطية

**Fadi Ezzat** · 28-03-2009 09:23 PM

السيفيك احسن
السيفيك يعنى اجمد شد
السيفيك يعنى اكبر ثبات
السيفيك يعنى فرامل اقوى
السيفيك يعنى 124 حصان
السفيك يعنى الجمال كلة
السيفيك يعنى الجاذبية ليها
السفيك يعنى توكيل محترم
السيفيك يعنى اعتمادية جامدة
السيفيك يعنى التصفيح الكامل من اسفل
بالنسبة للوطيان فهى مش واطية او زى محضرتك متخيل هى
بتمشى عادى بتحك بس فى المطبات العالية اوى
وكمان هى مصفحة من تحت يعنى مفيش قلق

**Fadi Ezzat** · 28-03-2009 10:00 PM

المشاركة الأصلية كتبت بواسطة kemo0o

مفيش حاجة تتقال بعد الكلام ده

شكرا ليك ياكيمو

**Dr.Mohamed** · 28-03-2009 11:55 PM

يا جماعه السيفيك مش مصفحه من تحت انا شفتها وركبتها و سالت قالى مش مصفحه بس ركوبتها تحفه انا ركبت الكورولا الجديده فرق شاسع
بجد فعلا تحس وكانك راكب طياره و تحس انه سواقتها متعه لكن االكورولا زى اى عربيه تانيه من جوه
الى مدايقنى من السيفيك الشكل ما تقدرش تقول العربيه موديلها 2005 ولا 2009 مع انه الفوانيس الورانيه اتغيرت السنه دى بس ما اتغيرتش فى الموديل ال موجود فى مصر
نيجى لنقطه تانيه وهى السعر
الكورولا كامله ب 150
والسيفيك الباسيك 150
فرق مثلا الزينون والنور العادى والحساس الضوء فى الكورولا عن السيفيك
فرق الفوجات
فرق ال9 ايرباجز و فرامل ال Ebs . Ebd وفرامل تانيه انه لما العربيه بتنزل من ناحيه الفرامل بتشد فى الناحيه دى حاجه زى كده
مثبت السرعه
مصفحه من تحت
العزل فيها رهيب و تحسه مه قفله الباب فيها
شكلها جديد
يعنى شوف انت الى يناسبك ايه واختار
لو السيفيك الكامله بقت ب 150 تكسب اكييد من بدررررررررى

**Fadi Ezzat** · 29-03-2009 12:35 AM

المشاركة الأصلية كتبت بواسطة ahmed _abo samra

السيفيك ممكن تكون اثبت شويه من الكورولا بسبب اقترابها من الارض اكتر ونشوفيه عفشتها مقارنه بالكورولا
انما بقيت النقاط كلها لصالح الكورولا
والشكل ازواق
بالنسبه للفرامل الكورولا 2008 فراملها اقوى من فرامل السيفيك 2008 بفرق شاسع وعن تجربه وسمعت ان فرامل السيفيك 2009 بقت ديسكات بس ما جربتهاش وما اعرفش ايه نظامها
124 حصان دووول بتوع الكورولا انما السيفيك 125 حصان والكورولا فيها فتيس mmt يخلى تسارعها اعلى من السيفيك
الكورولا برضه مصفحه من تحت
والكورولا من اكثر السيارات اعتماديه فى العالم
وتوكيل تويوتا فى مصر من احسن التوكيلات والاتنين تابعين للفطيم ولكن اختلاف الاداراه فقط
اهم حاجه شوف حضرتك ايه متطلاباتك من السياره
يعنى لو السياره لعيله يبقى الكورولا
لو لشاب السيفيك هتبقى احسن شويه
تحياتى

اولا ياباشا السيفيك اثبت على الطريق من الكورولا بكتير
ثانيا الانين فراملهم جامدة جدا مش هقول السفيكك اقوى علشان متزعلش
ثالثا الفتيس الاوتوماتيك بتاع السيفيك احسن مية مرة من اى اوتوماتيك تانى هتشوفة فى حياتك اما جربتها حسيت انة مانوال اساسا خصوصا كاما لما تستعمل بادل شفت
وعلى فكرة السفيك فخمة جدا يعنى تصلح لعيلة بردة وكمان تنفع شبابى وقت اما يكون عايز يجرى

**Fadi Ezzat** · 29-03-2009 12:42 AM

دى الكورولا

ودى السيفيك

على فكرة الافانوس الى ورا فى السيفيك مش بينزل مصر الشكل دة بينزل مكانة دة

**Fadi Ezzat** · 29-03-2009 01:21 AM

المشاركة الأصلية كتبت بواسطة medo_2060

متهيالى الاخوه الاعضاء وضحوا كل حاجه بس انا عايز اضيف ان الكورولا الجنوب افريقى اصحابها بيشتكوا منها والكلام دا فى المنتدى وناس كلمتهم بنفسى لكن مالقيتش حد يشتكى من السيفيك وموضع انها واطيه دا الى كل الناس ما بتصدق تمسكه عيب على السيفيك دا مش عيب عربيه دا عيب طرق بلدك الزباله هما مش هيفصلولنا عربيه
وفى النهايه شوف الى يعجبك وانا عن نفسى اختار سيفيك من دون ما اعمل اى مقارنه ولا اسال حتى

على فكرة السيفيك مش واطية اوى يعنى مش كل المطبات بتحك فيها العالية اوى بس

-

-

-

الموضوع: اخر مقارنة هعملها : سيفيك احسن او كورولا ؟

LinkBack

أدوات الموضوع

عرض

-

-

-

-

-

-

المواضيع المتشابهه

مقارنة الأربعة الكبار: كورولا - سيفيك - لانسر شارك - مازدا 3

انهى احسن ال سيفيك 92 ولا ال crx ؟؟؟

اصعب مقارنة سيفيك والاسترا

كورولا ام سيفيك

مقارنة كورولا ولنسر وسيفيك و 307

الكلمات الدلالية لهذا الموضوع

المفضلات

المفضلات

ضوابط المشاركة