عايزين نشوف حل للرادار ....

**Karim_Monir** · 10-09-2007 06:11 PM

المشاركة الأصلية كتبت بواسطة hamada2010

ووكي توكي مداه 5 كيلو تحفة ماركة يوني دين الامريكي كل شوية نلقط تردد شرطة وهما بيبلغوا بعض ونلاقي حد يقولنا اخجوا برة التردد

مينفعش داه يبقى رادار قولى جبته منين وبكام واه هو الووكى تووكى اصلا .هههه. معلش اخوك مالوش فى المسائل

الوكي توكي ده جهاز لاسلكي من عدتين او تلاته بينفع موت في الرحلات والسفاري او لما تنزل البحر
كدة
العادي بيغطي 300 متر
وكيلو في المفتوح
ده جايبة مداه في المفتوح 5 كيلو
روعة علي الطريق خاصة نعرف بعدنا عن بعض ولا لاء ونسلي بعض علي الطريق ولو حد عطل التاني يرجعلة بدل الموبيلات
موجود في راديو شاك يبتدي من 400 جنية وانت طالع
المدي الجامد ده ممنوع دخولة اصلا عشان بيلقط ترددادت الشرطة وكدة
في الاخر مش بتاعي بتاع صاحبي اللي كان معايا
:lol: :lol: :lol: :lol: :lol: :lol: :lol:

**hmostafaahm** · 11-09-2007 10:17 AM

يا جماعة هو انتم أصلا ليه عايزين تكشفوا الرادار يعنى الربع ساعة اللى انت هتوفرها تساوى الخطر اللى انت بتتعرض ليه من السرعة الزيادة صدقونى الالتزام بالسرعات المقررة طريقك للسفر الأمن انا ساكن فى 6 اكتوبر وشوفت حوادث على المحور الواحد يقول مش هازيد ابدا عن 80 كيلو فى الساعة ، يا ريت تعتبروا المشاركة دى منى نداء لكل قائدى السيارات فى مصر بالألتزام بالسرعات المقررة لتدنية المخاطر اللى انت بتتعرض ليها وتعرض غيرك معاك

**sab3aawy** · 11-09-2007 10:40 AM

جميع مخالفات قانون المرور يعاقب عليها بغرامات مالية او إيقاف رخصة القيادة لفترة معينة او دائمة وإعادة الترخيص

ماعدا مخالفتين:

1-القيادة فى حالة سكر

2-حيازة اجهزة كاشفة للرادار

يعاقب عليهما بالحبس

حبسسسسسسسسسسسسسسسسس

يعنى حجز مع المجرمين والعصبجية وتحت رحمة عسكرى شرطة جاهل ومصاب بعقدة النقص

إذا كان حد فيكم عنده استعداد ياخد المخاطرة دى هو حر

**hmostafaahm** · 11-09-2007 12:01 PM

هى مخاطرة الحبس دى مخاطرة كبيرة يا باشمهندس لكن تعمل ايه دى ناس بتخاطر بحياتها وتمشى على سرعات عالية يعنى بيخاطر بحياته كلها مش مجرد انه يتبهدل كم يوم فى الحبس، عموما انا بقترح على إدارة المنتدى انها تعمل على دعم أعضاء المنتدى اللى هيتحبسوا من جراء حيازة اجهزة كاشف الرادار بتوفير عيش وحلاوة ليهم .

**Ahmed Hassan** · 11-09-2007 12:12 PM

المشاركة الأصلية كتبت بواسطة hmostafaahm

هى مخاطرة الحبس دى مخاطرة كبيرة يا باشمهندس لكن تعمل ايه دى ناس بتخاطر بحياتها وتمشى على سرعات عالية يعنى بيخاطر بحياته كلها مش مجرد انه يتبهدل كم يوم فى الحبس، عموما انا بقترح على إدارة المنتدى انها تعمل على دعم أعضاء المنتدى اللى هيتحبسوا من جراء حيازة اجهزة كاشف الرادار بتوفير عيش وحلاوة ليهم .

جامده جدا :mrgreen:

**hamada2010** · 11-09-2007 12:46 PM

ومتنساش السميط يا غالى السميط مهم جدا جدا واالبيض ايا كم والبيض
شكرا

ربنا يسترها معانا كلنا :lol:

**mars3v** · 11-09-2007 01:43 PM

سيبكو من البيض دلوقت :D ...هو الأخ اللى فاتح الموضوع عايز يعرف ايه بالضبط عشان انا استعملت جهازين قبل كده و ممكن افيدك

**Powert** · 11-09-2007 02:02 PM

الرادار بيشتغل انة يبعت اشارة الى السيارة وترد علية تاني وبطريقة دي يقدر يعرف السرعة كانت كام

والحل الامثل نعمل زي امريكا في الطيارات لما عملت الطيارة "الشبح" بأنها تعمل نوع معين من الدهان بيعدي الاشارة

بتاعت الردار ومش بيردها تاني وناخد النوع ده وندهن بيه العربية ومستحيل تتكشف وبطريقة دي محدش هيتحبس وهنوفر العيش والحلاوة :mrgreen:

الموضوع: عايزين نشوف حل للرادار ....

LinkBack

أدوات الموضوع

عرض

-

-

-

-

-

المواضيع المتشابهه

عايزين نشوف لحل لطقم الكهرباء للماروتي

ايه يا جدعان مش هنعمل مقابله ولا ايه عايزين نشوف بعض و خصوصا اصحاب الايفو

عايزين نعمل شات (حمله عايزين شات في نايل موتورز)

يا جماعه عايزين نشوف الشغل الى لغى حجزالـBrilliance FRV يسجل هنا

احذر! مكان جديد للرادار

الكلمات الدلالية لهذا الموضوع

المفضلات

المفضلات

ضوابط المشاركة