الموضوع: مفيش موبينة اصلى

المشاركة الأصلية كتبت بواسطة mahmoudysf

هحاول اشوفها عند ابو الحسن رغم انى سالتة قريب على بطاحات اصلى وقالي مفيش

كويس انه قال مفيش كان ممكن لو معندهمش ضمير يدولك اي حاجه ويقولك ديه الأصلى

المشاركة الأصلية كتبت بواسطة battikh

أنا عندي تجربة مختلفة وغريبة شوية بالنسبة للموبينة، من حوالي سنة بعد ما جبت العربية بشهور ضربت الموبينة بعد مشوار طويل للقاهرة، المهم جبت واحد أصلية من القاهرة عملت وقتها حوالي 300 جنيه داك، قعدت في حدود شهرين وابتدت تضعف ، قالولي مفيش أصلي في مصر ، اضطريت ابعت على واحدة من وكالة دايو في دبي ، وبالفعل جتني واحدة داك بالعلبة بتاعتها كلفتني 270 درهم إماراتي يعني تقريباً 450 جنيه مصري، المهم اشتغلت معايا زي الفل لمدة شهرين وبدأت تظهر عليها أعراض الشيخوخة المبكرة، ممكن حد يقولي عندك مشاكل كهربا أو أي شيء في العربية بيأثر على الموبينة، كشفت على العربية مرة واتنين وتلاتة عند أكتر من واحد العربية زي الفل مفهاش أي مشاكل، لا في الضفيرة ولا في الموتور ولا في البطارية ولا في الدينمو ولا أي شيء، والأعراض كانت الأطراف 2و 3 تبقى الإشارة بتاعتهم ضعيفة، زهقت من المشوار ده خالص، ومن زهقني قررت إني أجيب أرخص حاجة وأو حش حاجة في السوق وبالفعل اشتريت واحدة صيني شغالة معايا من شهر 8 / 2008اللي فات زي الفل معملتش أي مشكلة ولم تظهر عليها أي أعراض.
بالذمة مش حاجة غريبة.
حاجة تانية غريبة برضة بعد ما غيرت إلى بنزين 80 وكنت لسة مغير حساس الشكمان بعد كان شهر لقيت حساس الشكمان القراءة بتاعته غلط وبالتالي استهلال زيادة في البنزين، فوضت أمري لله وقولت مش حغيره غير لما يفصل خالص ولمبة التشك تنور، الأسبوع اللي فات كان عندي مشوار على الأقصر وأسيوط، يعني حوالي 450 ك طوالي ، فوجئت بعدها إن حساس الأكسجين يشتغل ويدي قراءة صحيحة، واستهلال البنزين رجع لمستواه، يعني الصفيحة عملت معايا في الطوالي 250 ك.
بالذمة مش حاجة غريبة برضة.
اللي عنده تفسير يحكي

انت عليك ندر