لو حد عندوا افكار تانية ياريت يقولها ولو مفيش عايزين ندخل علي مشكلة تانية .. وفي الاخر نجمع كل الحلول في موضوع واحد .. والادارة تحاول تساعدنا ان احنا نوصل صوتنا للمسؤولين
عرض للطباعة
لو حد عندوا افكار تانية ياريت يقولها ولو مفيش عايزين ندخل علي مشكلة تانية .. وفي الاخر نجمع كل الحلول في موضوع واحد .. والادارة تحاول تساعدنا ان احنا نوصل صوتنا للمسؤولين
اعتقد لو يكون كباري مشاه ومفتوحه تكون افضل من انفاق عشان الهباب اللي بيحصل فيها يبان
خصوصا ان الأمن اللي بيكون موجود مش بيكون موجود ولو موجود بيكون ناااااااااااااااااااايم
بلد تيت
المفروض يتعمل اشارات مرور خصوصا عن الشوارع الهامه اللي بتنزل عالكورنيش
منها تهدي السرعات اللي جايه بتجري دي
ومنها تخلي اللي جاي من شارع مهم يدخل الكورنيش في الأتجاهين لو يحب
ومنها المشاه تقدر تعدي من عندها براحتا
زي ايه الشوارع دي.. ؟؟
وموضوع كبارى علي الكورنيش صعب.. اولن الكورنيش اغلبوا واسع .. وتاني حاجة دا كورنيش. مش شارع عادى
غير كدا حوار الانفاق واللي بيحصل فيها .؟. انا عن نفسي عمري مشفت حاجة .. بس بيتهيألي صعب لان لو حتي الحراس نايمين مفي ناس بتعدي .. وغير كدا مالشوارع فاضية .. احنا بنكلم علي مشروع .. ويعم نبقي نزود الحراس .. بس حد يعمل حاجة الاول
ههههههههههههههههههههه
ماشي
طيب مثلا شارع زي قناة السويس عشان تنزل للكورنيش وتروح ناحية بحري
زي ماحضرتك قلت لازم يمشي مشوار كبير لأول يوتيرن
لو اتعمل اشاره حتظبط شويه
ومثلا عند
منطقة سيدي جابر
وسعها العجيب ده المخيف بجد
لازمله حل
لو يتعمل برضو في اشاره يكون كويس
ولو مثلا منطقه من الكورنيش ضيقه لو يتعمل فيها الكوبري ده يكون كويس
زي مثلا منطقه خالد بن الوليد
عشان المشاه خصوصا في الصيف هم اللي بيسببوا المشكله المروريه
فحلها كوبري يريحهم ويريح السيارات
مبدأيا انا بالنسبالي فكرة اشارة علي الكورنيش مش عجباني .. اصل مش طبيعي ان كورنيش يبقي عليه اشارة خصوصا انه واسع اوي.. بس هو الموضوع عايز يتنظم .. يعني مثلا لو كل واح يلتزم بحارته .. هتلاقى.. ان ممكن اقصي اليمين تتساب قدام الشوارع علي اساس العربيات اللي بتبقي طالعة منها .. و الحارة الشمال للملفات .. يبقي عند كل شارع مهم زي قناة السويس كدا العربيات تهدي يأما تاخد حارة في النص ..
اما مشكلة سيدي جابر .. دا انت تحس انك داخل تنتحر.. وزي مقولت بدون اي مبرر.. انا عني الوسع دا يبقي عند السلسة أو اللفة اللي قبل سابا باشا يبقي احسن لكن سيدي جابر دي رهيبة بجد شكلها مرعب..
اما خالد بن الوليد دا حكاية .. دا اول حاجة عايز الكورنيش يتوسع ويعملوا نفة او كوبري اي حاجة احنا راضيين بس نخلص من المهزلة دي.. هة يعقل ان الواحد ياخد ساعتين عشان يعدي من عند ميامي .. ليه طيب.. واللي يغيظ انهم مش اسكندرنية:]:]
انت مش موافق على اشارات عالكورنيش وقدمت اقتراح للسيارات ونسيت الناس اللى ماشية ونفسها تعدى الكورنيش من غير اشارة هيعدوا ازاى؟؟؟؟؟؟؟؟؟؟
انا مش موضوع اني مش موافق وناس الناس.. مأنا قلت نزود الانفاق.. محضرتك بالعقل ازاي هنحط اشارة علي الكورنيش .. في حتت معينة ينفع فيها زي المنشية وبحري وميامي .. وفي حتت صعب زي سيدي جابر مثلا
الناس لو التزمت والله هتتحل .. م اللي راكب العربية دا لو يمشي كويس مش هيبقي فيها مشكلة .. بس محتاجيين اكثر من رادار وعقوبات حازمة علي المخالفات
انا مش ساكن فى اسكندرية بس بنزل تقريبا كل اسبوع اسكندرية
بصراحة انا موضوع اليو ترن على شارع البحر مش شايف فيه مشكلة... المشكلة فى الناس اللى سايقة العربيات ان كل واحد مكسل يمشى حتة زيادة فى سبيل ان اليو ترن متوقفش الشارع
انما مشكلة الناس اللى بتعدى فدى فعلا مشكلة صعبة جدا حتة زى سان ستيفنو دى المفروض يكون فيها نفق او اشارة فى الحتة دى لان اكيد كلكم عارفين كم الناس اللى بتعدى الشارع علشان تروح المول او تخرج منه انا دى شايف ان يبقى فيها اشارة ان شاء الله زى اللى Baskota قالت عليها و يكون واقف جنب الاشارة دى عسكرى وقت لما مجموعة ناس يتجمعه يروح قافل الاشارة الناس تعدى و بعد كده يفتحها تانى
و الحتة بتاعت شارع خالد ابن الوليد فدى فعلا لازملها نفق لان بجد حرام فى الصيف مفيش موصلات بيرضو يعدوا من عندها ولو تاكسى وقفلك هناك تسمع ارقام خيالية منه
فكرة مطبات على شارع البحر فدى مع احترامى لصاحب الفكرة هى مش عملية بالمرة... لانه هيسبب ازمة مرورية على الطريق و خصوصا فى الصيف طبعا بسبب الاعداد الكبيرة من العربيات و ان كل واحد هيضطر يهدى جامد فهتلاقى الطريق وقف خالص
عندنا هنا فبنها في كورنيش صغير كدا اسمو كورنيش النيل
لقو العيال اللي وخدين العربيات من ابهاتهم بينزلو يستعرضوا عليه ويجروا 80 100
جابو 3 رادارات وحطوها عالكورنيش وكتبو الحد الاقصي للسرعه 40
من يوميها مشفتش عربية اسعاف رايحه هناك
ممكن يعملو اسكندريه 60 او 70
انما انا عن نفسي لما بنزل اسكندريه مش بمشي عالكورنيش اقل من 100