تغيير الصبابات

**Mohamed_hemdan** · 29-03-2009 03:30 AM

السلام عليكم و رحمة الله و بركاتة...يا شباب انا واقع في مشكلة و يا ريت الافادة من الناس الخبرة في منتدانا الجميل...بدون اطالة انا مرة كنت ماشي علي الطريق و مرة واحدة و بدون سابق انذار سمعت صوت زي الطقطقة او النقرزه من الموتور و بتطلع لما بدوس بنزين علما بان الموتور ماشاء الله بحاة جيده جدا و السحب كويس جدا. المهم روحت لميكانيكي كشف و لعب شوية في الاسبيلاتير و قالي ان شاء الله مش هطلع صوت تاني. هو فعلا الصوت قل جدا بس سحب العربية قل قوي قوي و بقت بتاكل بنزين. المهم قولت اروح لميكانيكي تاني و اشوف المهم قالي السحب ضعيف لان الميكانيكي القديم قلل الكهرباء قوي و قعد يكشف في البوجيهات و الرشاشات و يشيل و يحط و في الاخر قالي ان غالبا في عندك صباب ضعيف و هوا دا اللي مطلع صوت الطقطقة دي و عايزه طقم صبابات و جوان وش سلندرو و و و ,,بعد ما مشيت من عندة سحب العربيه بقي تمام بس الصوت علي تاني و الصوت بيطلع بس و العربيم ماشية ..هل فعلا الصباب ممكن يطلع صوت زي ده ؟؟ و هل مشيي بيها كدة غلط؟؟ ولا ممكن امشي بيها علما بان السحب تمام بس انا خايف الموتور يبوظ و هو حالتة كويسة...انا اسف جدل للاطالة(ابيزا 1400 cc)

**samirayad** · 29-03-2009 08:23 AM

و الصوت بيطلع بس و العربيم ماشية ..

راجع على رباط الفتيس مع المكنه ومانيفول العادم بالمره........وراجع على القواعد برضه.......وراجع على رباط جميع الطنابير اللى على المحرك

** أن شاء الله العيب حاجه من دول (ومفيش غير كده ....والمكنه سليمه بفضل الله )

**tmedhat** · 29-03-2009 02:58 PM

ممكن يكون الصوت دة فى الموتور و الدليل ان لما الميكانيكى الاولانى قلل الكهربا الصوت قل
على العموم لو انت من القاهرة ابعت لى على الخاص ممكن اسمع
الصوت و احددهولك
مش عارف هنا ممكن نحط ارقام تايفونات ولا مينفعش
على العموم كلمنى يوم الاتنين و نتقابل او تيجيلى منطقة العباسية و انا اسمعها و اقولك العيب فين
إن شاء الله
0123407443

**M.Mokhtar** · 29-03-2009 05:52 PM

بما ان الصوت والعربيه ماشيه بس يبقى مش عيب صمام
لو العربيه واقفه والموتور شغال وبتزود بنزين وبرده مش فى صوت يبقى كده العيب مش صمام خالص

**casper2010** · 29-03-2009 06:38 PM

انا معايا بولو و بتعمل صوت اعتقد نفس الصوت (صوت تكتكة حادة تك تك تك تك تك)بصوت زي الزغردة كدة - و ده لما ادوس بنزين خصوصا لما تكون باردة - و الحقيقة مش عارف دي كهربا و لا صمامات ؟؟

**Mohamed_hemdan** · 30-03-2009 04:25 AM

اولا شكرا جدا من اعضاء منتدانا الكرام علي سرعة الاجابة و الاقتراحات و من خلال تجربتي للعربية خلال يومين الصوت فعلا جاي من الموتور و بيزيد كأن صوت الموتور بيخبط في بعض و ساعات الصوت ده بيطلع و العربية واقفة و ده بيحصل بس و العربية بارده . و كمان في اعراض جديده للعربية بعد حكاية الموتور دي زي ان ال ار بي ام و العربية واقفه بيقل بحس انها هتقف و يرجع تاني يعلا تاني لوحدة.انا واحد صاحبي سمع الصوت قاللي ان الصوت ده اسمة knocking وده بيحصل لما يكون الموتور متلت .. انا بجد مش عارف اعمل اية؟؟

**aYaBooY** · 30-03-2009 11:15 AM

انت ظبط تكيهات قبل كدة؟؟؟
و يا ترا التكيهات عندك نوعها ايه؟؟
و العربية عندك انجكشن و لا هاف و لا كربراتير؟؟
اخر مرة غيرت البوجيهات كان من كام كيلو؟؟
فلتر البنزين و فلتر الهواء بقالهم كام كيلو ؟؟
ممكن تعرف الاخوة الاعضاء ايجابات الحاجات ديه علشان نعرف نفكر

**Mohamed_hemdan** · 30-03-2009 06:32 PM

العربية عندي انجكشن 1400 و اديما بحطلها بنزين 92 و فلتر الهواء و البنزين مغيرهم من حوالي 4000 - 5000 كم و البوجيهات من 100 كم لسة جديده.. اما بالنسبة للتاكيهات ف انا مش خبير في العربيات بس انا مغيرتش حاجة ليها علاقة بيها قبل كدة

**A.samy** · 30-03-2009 09:06 PM

اكشف على سلوك البوجيهات والموبينة

**aYaBooY** · 31-03-2009 11:45 AM

المشاركة الأصلية كتبت بواسطة Mohamed_hemdan

العربية عندي انجكشن 1400 و اديما بحطلها بنزين 92 و فلتر الهواء و البنزين مغيرهم من حوالي 4000 - 5000 كم و البوجيهات من 100 كم لسة جديده.. اما بالنسبة للتاكيهات ف انا مش خبير في العربيات بس انا مغيرتش حاجة ليها علاقة بيها قبل كدة

طيب حضرتك تدخل هنا في قسم السيات و تشوف ميكانيكي فاهم للعربية و تروحلة
و تخليه يشوفلك التكيهات مظبوطة و لا لا
قواعد الموتور مظبوطة و لا لا لو كل الحاجات ديه مظبوطة يبقي تبداء تفكر في موضوع الصبابات
و ممكن لو العربية ليها ظبطة بوجيهات معينة تعمل كدة ( عندي كدة ) بس
و عموما لو روحت لحد متخصص سيات ممكن تدفع عنده اكتر شوية بس هايريح العربية
و لو ملقتش في المنتدي ممكن تسئل بتوع قطع الغيار على ميكانيكي

الموضوع: تغيير الصبابات

LinkBack

أدوات الموضوع

عرض

-

-

-

-

المواضيع المتشابهه

روديه الصبابات

هل عدد الصبابات بيفرق ؟؟

سيلات الصبابات

الصبابات!!؟؟

إمكانية تغيير كستبانات الزيت التي تظبط الصبابات في الجولف

الكلمات الدلالية لهذا الموضوع

المفضلات

المفضلات

ضوابط المشاركة