ممكن يا جماعة حد يقوللي ايه احسن طريقة للكبس اثناء الشد في العربية المانيوال
يعني دواسة البنزين للاخر ولا قد ايه ولحد عدد لفات موتور قد ايه على النقلة الواحدة
عرض للطباعة
ممكن يا جماعة حد يقوللي ايه احسن طريقة للكبس اثناء الشد في العربية المانيوال
يعني دواسة البنزين للاخر ولا قد ايه ولحد عدد لفات موتور قد ايه على النقلة الواحدة
بص الطلعة بتكون على اقصى عزم يعنى 3000 او 3500 او 4500 rpm حسب مواصفات المحرك عندك و نسب التخفيض للفتيس.. يعنى شوف المواصفات بتاعت المكنة ايه علشان تحدد اقصى عزم (للطلعة) و اقصى قدرة علشان الجرى و الشد و تطلع اقصى قدرة من المحرك و دايما هتلاقى اقصى قدرة عند 5500 rpm او اعلى لحد 6200-6500 على حسب مواصفات المحرك..
اثناء الشد الاحسن انك تسقط نقلة علشان تدخل فى نطاق القدرة القصوى للمحرك يعنى لو على سرعة 20 على النقلة التانيه انزل للاول و هنا ممكن تكبس بنزين على الاخر و تحرق لحد لما توصل لاقصى قدرة نفترض عند 6000 لفه و تكون سرعتك 50 مثلا (و متزودش عن ال rpm المحددة لاقصى قدرة علشان السحب هيقل و ممكن يحصل تدمير لاجزاء معينة لو وصلت لل redline و ثبت) تقوم تنقل على التانى و ممكن تدوس 3/4 من الدواسة او كلها على حسب ما هتحس انت بالعربية و سحبها. و كذلك على باقى النقلات لكن استهلاك البنزين هيزيد جدا فى المقابل.
و متحاولش تجيب اخر البنزين و انت على التانى و سرعة 20 مثلا لانك هتزود الضغط جوا الاسطوانة جدا بفتح ال throttle و هتلاقى العربية بتسقف و سحبها هيقل اوى, من الاخر عايز تشد سقط نقلة بس مع ملاحظة سرعتك و هل ينفع تسقط و لا لأ علشان صندوق التروس ممكن يتبهدل.
معظم العربيات الحديثة بتفصل الموتور اتوماتيك بعد ماتعدى الريد زون ويدخل ال ار بي ام في الاحمر تلاقي الموتور فصل اتوماتيك عشان ما يتدمرش
لكن فى عربيات زى الاكسنت القديمة الكربراتير مش بتفصل و الاول بيوصل 65 و التانى 110 و ده عن تجربة.. لازم تعرف عربيتك نظامها ايه و متحرقش عليها جامد لو مش بتفصل.
الغيار الاول حتى 3500-4000
وابتدي شد جامد من الغيار التاني لحد الريد زون
وبقيه الغيارات حتى ريد زون عادي
دا هيديك تجميع اسرع
الا لو كان العزم الاقصى عندك بعيد اوي ف 5500 يبقى هتضطر لازم تجمع من الاول"بس دا مش الصح ف العربيات القدره الحصانيه بتاعتها عاليه والا هتهدر معظم القدره الحصانيه ف طلعه امريكاني وهتأخر ف الدراج drag
وعلى فكره دا موضوع كبير كامل ممكن تقرأ عنه
عشان تعرف تجيب ال0 - 100 بتاع عربيتك مظبوط
وبالتوفيق