ضبط أبواب البيتلز

**RAAFAT10** · 29-03-2009 03:38 PM

أخوانى الأعزاء
محتاج متخصص فى ضبط أبواب البيتلز لأن السمكرى اللى رحتلة مش عارف يظبطها وخايف يكون بوظها بس يكون قريب من عين شمس أو مصر الجديدة .
وشكرا

**ابوهاشم** · 29-03-2009 03:48 PM

السلام عليكم ورحمة الله وبركاته
ازيك يااستاذ رافت
ممكن تروح عند عمرو زكريا فى جسر السويس محطة عرب الجسر
وبالتحديد الشارع اللى خلف محمد على الميكانيكى
انا كنت ظبطت عنده البيبان وهو كويس ومش طماع
وياريت تبقى تقولنا عملت ايه

**RAAFAT10** · 29-03-2009 03:58 PM

شكرا يا أستاذ هاشم على سرعة الرد بس الحقيقة أنا كنت عايز واحد متخصص أبواب وأنا كنت رحت لعمر زكريا قبل ما أشد العربية على أساس أشدها عندة بس لللأسف أنا أستقربت واحد جنبى وتعبنى فى شغلة والمشكلة أنى رشيت العربية وأى واحد ممكن يبوظ اللى عملتة.

**ahit** · 29-03-2009 11:30 PM

السلام عليكم و رحمة الله و بركاته

إزيك يا أستاذ رافت ؟
هاشم حبيبى أخبارك إيه؟

رأفت باشا إنت لو عاوز تظبط كوالين البيبان يبقى عند عمرو بتاع المفاتيح و الكوالين اللى فى شارع أحمد سعيد بس غالى بصراحة , و لو عاوز تظبط البيبان بزرجينة يبقى عمرو زكريا اللى هاشم قال عليه فى جسر السويس لأنه محترف فى تظبيط البيبان بالزرجينة و أنا مجربه و كمان شغله نظيف بس إتفق معاه من البدايه طبعاً.
و على فكرة أنا كنت ركبت كاوتش البيبان و الكبوت و الشنطة و ظبط البيبان بالزرجينة و كله بتكلفه 40 جنية على ما أتذكر.

**RAAFAT10** · 31-03-2009 12:23 PM

السلام عليكم و رحمة الله و بركاته
الأستاذ هاشم والأستاذ أحمد حسن شكرا لأهتمامكم بس أحب أسأل الأستاذ هاشم عن المشكلة اللى كانت فى الباب عندة اللى عملها زرجينة وهل هى نفس المشكلة عندى فأنا عندى المشكلة فى الأول أن الباب كان قافل شوية من تحت يعنى الفرق فوق أكتر من تحت المهم طلبت من السمكرى يظبطة فكان فى مشكلة فى المفصلة اللى تحت سايبة فلحمها فلقينا الباب نزل لتحت أكتر فجاب زرجينة وحطها فى المفصلة اللى فوق فرفعت الباب بس لسة برضة الباب نازل وأنا شايف أن ما ينفعش يحط زرجينة تانى فى نفس المكان لأن لوضغط أكتر من اللى عملة هيبوظ القايم فهل اللى عملة السمكرى دة غلط ولا أية؟فأرجو يا أستاذ هاشم تقلى أية المشكلة اللى كانت عندك فى الباب والسمكرى عمل أية بالظبط. وشكرا

**ابوهاشم** · 01-04-2009 01:20 AM

السلام عليكم
ازيك يا استاذ رافت وانت يااستاذ احمد حسن والله وحشنى جدا ونفسى نتقابل ونقعد مع بعض شويه
استاذ رأفت
بالنسبه لعربيتى كان عندى الباب اليمين مش بيقفل كويس وبيكون بارز للخارج
وطبعا عمرو زكريا ظبطه بالزرجينه وركبلى شداد للباب اللى بيمسك الباب لما يتفتح علشان مايفتحش للاخر وماكانش موجود عندى وطلب منى 30 جنيه وانا فاصلت معاه ودفعت 20 وهو ده الشغل اللى عملته عنده بس انا من كلامى معاه عرفت ان معظم شغله فى البيتلز وهو فعلا بيفهم فى الصنعه وهيديلك اللى انت عاوزه ان شاء الله وربنا يوفقك

**RAAFAT10** · 01-04-2009 04:40 PM

شكرا يا أستاذ هاشم على ردك وربنا يسهل

**ابوهاشم** · 13-04-2009 03:21 AM

بس ياريت تبقى تحكيلنا سواء روحت لعمرو او لغيره انت عملت ايه

**ihab** · 16-04-2009 03:47 PM

هى الزرجينة دى بتتعمل على ايه بالضبط

**ابوهاشم** · 17-04-2009 02:22 AM

هى بتتشد بين قوايم الياب علشان لو مفتول يتعدل

الموضوع: ضبط أبواب البيتلز

LinkBack

أدوات الموضوع

عرض

-

-

-

-

-

-

المواضيع المتشابهه

للخبراء فى البيتلز( تعديل البيتلز)

يا رجالة البيتلز هى البيتلز ادفع فيها 20 الف جنية

فرش أبواب لانسر كريستالة 4 أبواب كامل للبيع

سقف و أبواب اللوجان

أبواب طيارة...................!

الكلمات الدلالية لهذا الموضوع

المفضلات

المفضلات

ضوابط المشاركة