هل قطع الغيار الروسي بتكون اصليه ولا في منها مغشوش؟

**amr5500** · 29-03-2009 04:24 PM

السلام عليكم
انا متهيالي ان قطع غيار السيارات الروسي مافيش منها مغشوش

فهل اعتقادي ده صحيح؟

**Dr_Ophth2008** · 19-05-2009 01:36 AM

قطع الغيار الروسى كتيييييييييير منها مغشوش بالذات اللى تلاقيها من غير علبة أو بعلبة بس مش عليها أى كلام يدل على مصدرها وده حتلاقيه كتيييييييير فى السوة

خلى بالك

ومش دايما بتكون قطعة الغيار الروسى هى الأختيار الصح

**Dr_Semsem** · 19-05-2009 11:41 AM

مغشوش مغشوش مغشوش

ياولدى :)

**harphosh** · 19-05-2009 11:48 AM

روسى / هندى / فرنساوى / أى مله
كل قطع الغيار بتلاقى منها المغشوش والحمد لله وحسبنا الله ونعم الوكيل فى المسئولين عن الغش التجارى

**mohmd76** · 01-06-2009 12:56 PM

نعم اساس قطع غيار السيارات فى المحروسة 95 % منها مغشوش شرق اسيا وبلاد مجهوله
والجديد اعادة تجديد القطع القديمة
واللعب الان فى صناعه التغليف مصيبه اخرى مش هاتعرف الفرق ابدا من الطباعه الى التغليف

**a_sabeq** · 01-07-2009 01:28 PM

إفضل قطع غيار للروسي هي قطع الغيار الروسية.. وهتلاقي مكتوب عليها بالروسي، وشكلها كده روسي.. وساعات بيكون مكتوب عليها ba3 في الأول

**M.ABDEEN** · 03-07-2009 04:48 PM

لا طبعا كل حاجة في منها المغشووش وممكن تلاقي روسي فعلا بس فرز عاشر !!!!!!!!!! وكل ميكانيكي او عفشجي بيفضل صناعات مختلفة تمشي مع اللادا بيجي بعد الروسي غالبا البولندي و الايطالي وعندك نصار في التوفيقية هتلاقي عنده ما لذا وطاب بس هو بيقولك في كذا وفي كذا على حسب طلبك

**islamnasser10** · 11-12-2009 02:53 PM

يا جماعة الروسى بيبان علية وانا بسراحة بشترى استعمال روسى دة المضموووووووووون

**wolf2** · 19-12-2009 02:07 PM

مستحيل تعرف و احنا كلنا بنشترى بناء على كلام التاجر و هو بيعتمد عل شطارته اكتر فى الكلام و اقناع الزبون المسكين افضل حاجه خلى الميكانيكى بتاعك يوصفلك واحد مضمون او الأفضل يروح هو معاك عشان هو دايما ايده فى قطع الغيار و بنظرة واحده ممكن يعرف الكويس منها مش هاقولك الأصلى بس يعنى الى بيشتغل فترة معقوله و كمان عارف سعرها و انا بتعامل مع ميكانيكى هو بيجيبلى قطع الغيلر وطبعا بركبها و قبل كل دة بيفاصل هو مع التاجر و ده شيء طبيعى بس يكون الميكانيكى ثقه مش بليه لس جديد عرف يفك و يربط و عامل نفسه شيخ الصنايعيه و دة طبعا اغلى شويه فى المصنعيه بس الى قابلنا قالو ( الغالى رخيص ) تحياتى لك