يا شباب الاوبل غيرت طقم دبرياج وفى مشكله

**ahmedmaklad** · 31-03-2009 12:18 PM

المشاركة الأصلية كتبت بواسطة hanytahia

العربية أوبل أسترا وأشتريت طقم الدبرياج من عند الشيخ محمد قشطه فى الحي السادس وهو قالي انه اصلي ونوعه حلو جدا صنع فى إيطاليا وهو اللي عرفني علي الميكانيكي وأسمه وليد فى الحي السابع هو ممكن الزيت لو ناقص يعمل كده الصوت ده اسمه الفتيس بيزعقولما أجيب الأول وبعدين التاني وبعدين أجيب المرشيدين ميعملش حاجةانما لو جبت المرشيدين علي طول يزعق

انا قلبي كان حاسس

بص يا سيدي انا احمد كنت جيت و انت واقف هناك عارف العربية الاوبل فكترا الكحلي اللي جات و انت واقف ده انا

و سبحان الله انا برده كنت رايح اجيب طقم الدبرياج و الشيخ محمد قالي عليك ان انت من نايل موتورز برده بس بعد ما انت مشيت
المهم انا اشتريت بس جبتة لوك و رحت ركبت عند وليد برده ده اللي تامر بيقول عليه كويس قلت اجرب
ده فظيييييييييييييييييع بجد ما بيعرفش اي حاجة
انا رحت بعد صلاة الجمعة و حسيت اني رايح لدكتور بص على العربية و قالي تعالى خدها الساعة 6 و قلتله بص عليها لو في حاجة تانية المهم رحت الساعة 6 لقيت العرية مهدوده لسة قعدت معاه للساعة 10 و بعدين قالي عندك مشكلة في ماستر الدبرياج العلوي و ده كان موال تاني المهم جبنهالة و ما صدقت مشيت من عنده الكلام ده كان الساعة 11 و شوية انا كنت جبت اخري منه
العربية و انا ماشى لقيته ما ربطش الغطا بتاع الكارتيرة من تحت و قعد يخبط و في حاجات غريبة بتحصل و في ونة في الفتيس
رحت لعبد الراضي تاني يوم لقينا الفتيس مافيهوش زيت خالص انا كنت هاروح

و قالي الونة دي من الفتيس
بجد انا مش فاضيله بس انا مصمم اني اروح و اعمل فيه حاجة

**hanytahia** · 31-03-2009 12:37 PM

يا باشا يشرفني انك عرفتني وكمان فعلا وليد ده مبيعرفش حاجة خالص طيب مين عبد الراضي ده وفين عشان اروح له ولما تيجي رايح لوليد ابقي اضربه كمان ليا والله حرام عليه وبرضه قعدني عنده من الساعه 1 لحد الساعة 6.30 بيركب طقم الدبرياج والغريبة ان مفيش غيري انا اللي كان عنده

**HISHAM80** · 31-03-2009 12:45 PM

المشاركة الأصلية كتبت بواسطة ENG\AHMED

دبرياج هيدروليك .. شبية بماستر الفرامل
فكترا B هيدروليك , A مش عارف بس غالبا هيدروليك بردة (مش متأكد)

يحاول ياخد هوا تانى وفى حاجة فوق الفتيس تبع عصاية الفتيس بيظبطها منها بس مش فاكر اسمها

مفيش حاجة اسمها بيعض علشان لسة بيطبع دة بيستهبل

Vectar A is wire

**ahmedmaklad** · 31-03-2009 02:02 PM

المشاركة الأصلية كتبت بواسطة hanytahia

يا باشا يشرفني انك عرفتني وكمان فعلا وليد ده مبيعرفش حاجة خالص طيب مين عبد الراضي ده وفين عشان اروح له ولما تيجي رايح لوليد ابقي اضربه كمان ليا

والله حرام عليه وبرضه قعدني عنده من الساعه 1 لحد الساعة 6.30 بيركب طقم الدبرياج والغريبة ان مفيش غيري انا اللي كان عنده

يا باشا انا اللي اتشرف و بعدين انا مش هضربة بس انا و الله امبارح كنت متنرفز جدا و مصمم اروح و اقفلة الورشة دي و لو عايز اعملها هعملها بس هو فعلا ميكانيكي تعبان جدااااااااا
المهم احمد عبد الراضي ده في صقر قريش انا مااعرفش اشرح العنوان بالظبط بس هو موجود هنا في كذا موضوع
في حاجة كمان الشيخ محمد كان قالي تاني يوم انا حظي وحش مع وليد و كان قالي ان انت رحت و غيرت على طول و وليد عملك شغل كويس
انت قلت للشيخ محمد الكلام ده؟؟؟؟؟؟؟؟؟؟

**hanytahia** · 31-03-2009 03:03 PM

الشيخ محمد شفني أثناء لما كنت بعمل الشغل وقالي ايه رأيك وانا كنت لسه مجربتش العربية ولا حاجة فلازم كنت أأقوله كويس ولما انا كنت هناك قعدت اقوله انه بطىء جدا فقعد يقولي معلش انت حظك معاه وحش انما هو سريع بيغير الطقم بتاع الاوتوماتك فى سعتين ونص بالكتير ولما جربت العربية مجبتش بيها مرشيدين إلا تاني يوم .. ولما رحت تاني يوم كان يوم الاحد وهو مشفنيش ..واتصلت بوليد قام برضه لطعني سعتين فى الشارع لحد لما جيه .. المهم لو عرفت الله يكرمك عنوان احمد عبد الراضي او حتي رقم تليفونه اكون شاكر ومعلش هتعبك معايا