استفسار عن مركز للكشف على عطل بلانوس ( لمبه ال Check )

**ahmed_wbt** · 29-03-2009 05:45 PM

سلام عليكم ورحمه الله وبركاته

كان لى صديق من مدينه نصر معاه دايو لانوس وبعد ما راح غيرلها تيل قدام وربط على العفشه عند واحد ميكانيكى ورجع تانى يوم لمبه التشيك بتنور عنده وتطفى

وعلى بليل لما رجع من شغله بقت منوره على طول ومش عارف العيب من ايه

فيا ترى حد يعرف اى مركز فى مدينه نصر او قريب منها يكون بيكشف بالكمبيوتر يعرفلنا المشكله دى من ايه ؟

وشكرا جزيلا

**abouzaid555** · 29-03-2009 08:08 PM

الشغل فى التيل مالوش علاقة بلمبة تشيك على ما اعتقد شوف يمكن الصنايعى اللى كان شغال فى العربية يكون وقع خرطوم من خراطيم اللى راكبة فى الموتور او يكون هز فيشة من فيش الحساسات اكد على الموضوع ده الاول و يارب تكون حاجة بسيطة بإذن الله

**ahmed_wbt** · 29-03-2009 08:36 PM

الف شكر يا رجاله على المساعده انا هشوف كدا الحاجات دى

لأن سالته قالى انه من كام يوم كان مغير زيت يمكن فعلا يكون حصل حوار الخراطيم ده

بس سؤال هى فين فيش الحساسات فى اللانوس ؟؟

**samirayad** · 29-03-2009 10:14 PM

المشاركة الأصلية كتبت بواسطة abouzaid555

الشغل فى التيل مالوش علاقة بلمبة تشيك على ما اعتقد شوف يمكن الصنايعى اللى كان شغال فى العربية يكون وقع خرطوم من خراطيم اللى راكبة فى الموتور او يكون هز فيشة من فيش الحساسات اكد على الموضوع ده الاول و يارب تكون حاجة بسيطة بإذن الله

+11 فعلا ده الأرجح وهو أن خرطوم الماب وقع من على بوابه جسم الخانق (ومبقاش فيه أشاره رايحه من حساس الماب لوحدة التحكم )......

**samirayad** · 29-03-2009 10:16 PM

بس سؤال هى فين فيش الحساسات فى اللانوس ؟؟

خرطوم رفيع ذاهب من البوابه اللى ورا بكرة الأكسراتير ......الى الحساس اللى راكب فى صدر العربيه (فوق الأسكترا ....أو علبة الدركسيون )

**ahmed_wbt** · 29-03-2009 11:50 PM

الف الف شكر يا جماعه هو فعلا طلع الخرطوم ده هو المشكله

كلمته علشان اقوله قالى راح لواحد ميكانيكى جنبه وهو عالج له المشكله وكان فعلا الخرطوم اتفك من مكانه

تسلمو يا رجاله وشكرا جزيلا على المساعده