الموضوع: مالسبب انه عفشة النوبيرا ناشفة وعفشة الانترا مريحة

المشاركة الأصلية كتبت بواسطة toshipa

كلامك صح 100فى 100 وعن تجربة لن اعود اليها مرة اخرى ولن استبدل او اصلح شئ الا جديد
لانى دفعت فلوس بدون نتيجة بل الحالة ازدادت سوءا
وافوض امرى الى الله
وشكرا على النصيحة وياريت كنت قراتها قبل قدومى على الاصلاح كنت استفدت منها كثيرا
قدر الله وماشاء فعل

و هو دة بالضبط السبب اللى خللانى انفعل فى الموضوع بتاع العفشة الاستيراد.... الموضوع مش محتاج فكاكة عشان الواحد يعرف ان المستهلاكت و بالذات المساعدين مينفعش تيجى استيراد

و للاسف عشاتن ناس قالت ان دة حاجة كويسة و مفيش منها ضرر و انها "وجهة نظر" راح الزميل الفاضل toshipa جاب عفشة استيراد و اشتكى منها زى ما شفتم و دفع فلوس على الفاضى

حل فى حد حيعوض الراجل دة عن الفلوس اللى راحت فى الهوا بسبب المعلومة الغلط؟ هل في حد حيتحمل تكلفة التغيير للمرة التانية و القطع الجديدة اللى حيجبها؟؟

طبعا لا... يبقى لازم من الاول نعرف ان النصيحة امانة و بشدد على كلمة امانة لانها فلوس ناس و ممكن توصل انها تبقى ارواح ناس... يبقى لما حد يسال على حاجة مجاوبش الا لما اكون عارف و متاكد من كل كلمة بقولها و اما اقول معرفش... لكن االف و افتى عشان بس يبقى اسمى انى بجاوب على اى حد بيسال... دة غلط

انا بعتذر للاخ الفاضل toshipa على اللى حصل معاه بس للاسف مكنش فيه حاجة فى ايدى اعنلها لمع الموضوع دة.... و ارجو من الجميع تحرى الدقة فى كل معلومة بتتقال كاجابة على حد بيسال عشان دى امانة حنتحاسب عنها يوم القيامة

و ارجو من باقى الاعضاء برضة تحرى الدقة فى الاخذ بالاجابات و النصائح اللى بتتقال و لازم تتاكدوا من الاجابة وخدوا راى و اتنين و تلاتة و اتاكدوا من المعلومة كويس

MMamdouh

المشاركة الأصلية كتبت بواسطة waleedrahmy

ردا للغائب
الراجل قال لازم واحد بيكون فاهم جدا جدا ال بيعمل الموضوع ده ويكون معاه صنايعي شاطر وموثوق منه تماما وتشتري اللقط وأنت غير مضطر وتخليها عندك لما تبقي تحتاجها( يعني بالبلدي تستلقط) وما يعملهاش الا فاهم يعني واحد خبير زي سيادتك او زي سمير عياد............

مهى هى دى نقطة الخلاف... لا انا ولا سمير عياد ولا اتخن تخين فى العفشة يقدر يحكم على حالة مساعد و بالتالى اصلا الفرضية دى غلط

انت عارف معنى اللى بتقولة ايه؟؟؟ انك لو جبت امين خزنة شاطر ممكن يقولك اى خزنة فيها فلوس قد اية و هى مقفولة... لو صدقت ان دة ممكن يبقى تقدر تصدق العفشجى لما يقولك المساعدين دى كويسة

المساعد مش حتبان كفائتة الا لما يركب على العربية و تمشى بية بالتالى العفشجى او اى حد فى الدنيا مش حيعرف يقول حاجة فى النقطة دى... طيب لو العملية كدة ليه اشطر ميكانيكى ميقدرش يعرف حالة الموتور الاستيراد بالنظر زى العفشجى كدة؟؟

سمير عياد قال أنه بيعمل كده في عربيته الحالية والسابقة و ماكنش بيألف ولا حاجة وبعدين كل واحد يسمع الاراء كلها وبيعمل ال بيميل له و سيادتك يا محمد باشا قلت في تعديلك للفرامل أنك غير مسئول عن اي اضرار تحدث لل بيعملوا التعديل مثلك يعني كده غلط؟؟؟؟؟؟؟

اذا كان حد اشترى مساعدين استيراد و طلعت كويسة فا دة حظة كويس مش اكتر... و خللى بالك مش معنى كدة انها مساعدين ممتازة لانها فى الاخر مستعملة و الجديد احسن منها... دا فيه كمان اللى احسن من الاصلى و بضمان سنة... يبقى فين الحكمة فى انى اصرف فلوس على عفشة زى ما بيقولوا "سمك فى مية" و فى احسن الاحوال مش حتبقى زى الجديد فى حين انى عندى البديل اللى احسن من الجديد و بضمان سنة.... اعتقد اقل نسبة من المنطق فى اتخاذ القرار لازم تتجة لشراء المكون الجديد

اما قصة التحذير اللى فى التعديل بتاعى فا دى حاجة طبيعية بتتكتب فى مواضيع التعديلات... لو انت مشترك فى منتدى اجنبى فيه ناس بتعدل حتلاقى الجملة دى بتتكرر كتير و دى الهدف منها اخلاء مسؤلية صاحب العمل عن اى اضرار تحصل لحد لو حاول يكرر الموضوع بنفسة... يعنى لو واحد عمل تعديل فرامل زى بتاعى و جاب حاجة غلط او عمل حاجة غلط و حصلتلة حادثة ميجيش يرجع عليا باى طعويض او خلافة... مش معنى كدة انى بالف خالص

و لو قريت الموضوع كوبس حتلاقى انى مالفتش اى حاجة لان ببساطة انا جبت الفرامل اللى بتنزل فى العربية اساسا لما يكون عليها المكنة ال 1600 يعنى بنتكلم فى مكونات اصلية بتاعت العربية و مش معنى انى كاتب تحذير انى عامل حاجة مش مضمونة

وبعدين لو واحد زميل نصح و قال أنه لما بيغسل عربته مثلا بيقفز بعربيته من فوق كوبري قصر النيل في قلب النيل ........؟؟؟؟؟؟؟؟ يبقي كلنا نعمل زيه ولا أيه؟؟؟؟

وبعدين كل واحد عقله في رأسه يعرف خلاصه........

يا باشا فيه فرق كبير لما اى حد يقول كدة و لما عضو الناس بتسمع لرائية و تاخد بيه يقول كدة... يعنى لو ظهر عضو بكرة يقول ان لو حطيت فص لمون مع البنزين العربية حتسحب تمام حيبقى تريقة المنتدى لمدة 20 سنة لقدام... لكن لو انا او سمير قلنا كدة على الاقل الناس حيبقى عندها فضول انها تعرف ازاى القصة دى بتحصل و ممكن واحد او اتنين يجربوها بالفعل لمجرد ان اللى قالها له وضعة بالمنتدى... هو دة الفرق اللى بتكلم فيه

وأخيرا انت سيادتك عارف يا محمد باشا ممدوح أنا بقدرك وأحترمك قد أيه وأنا شخصيا أستفدت من خبراتك الواسعة ..............:k32:

لكني أحقاقا للغائب رديت غيبته

يا باشا انا اكنلك كل الاحترام انت و كل الاعضاء بس صدقنى انا دمى اتحرق لما قريت ان الاخ toshipa راح جاب حاجات استيراد وطلعت اى كلام و فلوسة راحت فى الهوا

MMamdouh