اشتريت نوبيرا 2005 و محتاج توجيهات

**resalawe** · 30-03-2009 01:01 AM

السلام عليكم
اخوانى الاعزاء محتاج نصيحتكم
انا اشتريت نوبيرا 2005 اتوماتيك من واحد قريبى
عاوز اوديهما مكان يظبطها كلها و يعملخا كل الصيانة الازمة الان و بعد كده اعمل صيانة دورية
محتاج رأيكوا اوديها التوكيل ولا اوديها لاى ميكانيكى و عفشجى و هكذا

شكرا

**Samir Elshahawy** · 30-03-2009 01:13 AM

أولا.. ألف مبروك عليك النوبيرا و يازين ماأخترت و أهلا بك معنا في أسرة دايو السعيدة

ثانيا.. أعمل الصيانات التالية:
- تغيير السيور
- تغيير الزيوت (موتور - باور - أوتوماتيك)
- غسيل الردياتير و تغيير المياه بمياه معالجة ضد الصدأ
- الكشف علي البوجيهات و الأسلاك و تغييرها أن لزم الأمر
- الكشف علي تيل الفرامل و الطنابير و عمل اللازم
- تغيير الفلاتر(هواء - زيت - بنزين)
- مراجعة الزوايا و تربيط العفشة

أما بالنسبة للمكان , قولنا أنت ساكن فين و أكيد الأخوة بالمنتدي هايردوا عليك و يرشحوا لك أقرب مكان كويس تذهب أليه

**samirayad** · 30-03-2009 01:14 AM

ألف مبروك.....والمهندس /سمير قام بالواجب

**A.samy** · 30-03-2009 01:41 AM

قريبك اللى كانت معاة العربية اكيد عارف المشاكل اللى فيها وعمر السيور والفلاتر والزيت متكلفش نفسك على الفاضى طلما العربية مش من واحد غريب ومتفتحش على نفسك فتحة.

**waleedrahmy** · 30-03-2009 07:46 AM

المشاركة الأصلية كتبت بواسطة astsaae

قريبك اللى كانت معاة العربية اكيد عارف المشاكل اللى فيها وعمر السيور والفلاتر والزيت متكلفش نفسك على الفاضى طلما العربية مش من واحد غريب ومتفتحش على نفسك فتحة.

**MMamdouh** · 30-03-2009 12:06 PM

اهم حاجة تغيير سير الكاتينة و البليه و الشداد... لسة من حوالى شهر واحد صاحبى جاب عربية لانوس و المالك السابق قال له انه غير سير الكاتينة و فعلا هو غيرها لكن مغيرش الشداد و البلية قفشت و قطعت سير الكاتينة و العربية جابت صبابات

غير مجموعة الكاتينة كدة كدة... انت كدة بتحافظ على استثمارك فى العربية

و بما ان العربية اوتوماتك يبقى غير زيت الفتيس و الفلتر للحفاظ على الفتيس

باقى السيور و الفلاتر مع البوجيهات و تغيير مياه التبريد و غسيل الدورة كما ذكر الزملاء الافاضل هى اجراءات مكملة للصيانة و المراجعة الشاملة للعربية عشان تطمئن لكل حاجة فيها و تعيش معاك باذن الله

MMamdouh

**Samir Elshahawy** · 31-03-2009 01:04 AM

السيد الفاضل / صاحب الموضوع
السادة الأفاضل/ أعضاء المنتدي الكرام

عندما نقوم بتنفيذ بنود الصيانة التي أشرت اليها في ردي السابق فنحن نتلافي مواقف قد تكلفنا الكثير بعد ذلك كما أننا ندرء عن انفسنا ما قد يهدد سلامتنا الشخصية و ما يعرض حياتنا للخطر

اما أذا كانت التكلفة مرتفعة فمن الممكن أن تنفذها علي مراحل حسب قدرتك حسب أولوية كل بند

و في النهاية الأمر يرجع اليك فتعدد الأراء مفيد و يتيح لك حرية الاختيار وفق مايناسبك

مع خالص تمنياتي لك بالتوفيق