real running cost of BMW

**Anxs111** · 30-03-2009 03:00 AM

يا ريت ملاك عربيات BMW يقولوا أيه تكلفة التشغيل السنوية للعربيه . بصراحة أنا نفسي أجيب فئه خامسة ٢٠٠٢ أو ٢٠٠٣ . أو أجيب X3 لم إرجع مصر بإذن الله .
كل أصحابي قالولي هات مرسيدس عشان مصاريف ال-BMW كتيره ولتوكيل نصاب .

عشان الكلام يكون واضح ومفيد للكل . ممكن اللي عنده خبره مباشره (مالك أو ليه قريب مالك ) يفدنا بالأتي بمبالغ مالية لو يقدر .

موديل العربيه
الصيانة العادية في السنة
الأعطال المفاجئه
بيتعامل مع التوكيل والله بره وليه
التقفيل المصري مستواه أيه (أنا مش بحب التقفيل في مرسيدس مع احترامي للكل بس مش زي الالماني ونة مجرب الأثنين كويس )

أمثلة على الحكايات اللي بسمعه كتير من المصريين
أعمل حسابك كل زياره لتوكيل مش أقل من 10000 في السنة
الكشاف الامامي 8000 جنيه
.
.

لو سمحتم أفيدونا عن تجربه فعلية مش عن سماع قصص عشان منبأش مجرد بنكرر الحواديت اللي بنسمعها كل يوم من أي واحد بيحب يتكلم وخلاص . (مثال : يا عم أنا سمعت إن لزم .......، يا عم أنا في واحد سكن في الشارع اللي ورى خالتي بيقولوا إنه دفع ... في تصليح ....)

عايزين نسمع مثل هذه النوعيه من الكلام
أنا عربيتي بدفع لها مبلع كذا ثابت في السنة .
أنا عربية والدي عطل فيها كذa والتصليح أتكلف كذا و رجعت تمام أو مرجعتش تمام

**gemy215** · 28-04-2009 02:28 PM

الموضوع دا مهم فعلا بس للأسف انو مفيش حد رد عليه وانو شهر تقريبا ولا رد واحد ياريت من الاعضاء الي ممكن يفيدنا في الموضوع دا عن تجربه شخصيه

**TeMoON** · 30-04-2009 01:21 PM

انا بجد مش عارف اقولك اية بس هقولك حاجة انا ماعرفش حاجة عن بى ام فى مصر لانى لسة ماجبتش واحدة بس حاليا فى الحرفيين ناس تخصص بى ام وعندهم الجهاز بتاع العربية بس مصاريف انا ماعرفش فا فى ناس طبعا دلوقتى مش بتروح التوكيل بالعربيات الموديلات القديمة دى بس بينى وبينك العربية دى نصيب وانت ونصيبك